菲菲的天空: 復活節假
今日係復活節長假嘅第一日，細佬下晝會去隔離屋，同個 friend 打機。咁我就上晝返學校圖書館，既可以享受 me time，又可以全日唔使單對單同細佬喺屋企，避免「出事」！
放長假，學校冇乜人返，所以工友叔叔姨姨會鎖晒一樓以上樓層嘅廁所。要去廁所，只能夠去地下男更衣室同女更衣室個廁所。圖書館响三樓，去廁所要落樓上樓，唔係幾方便，加上我懶，唔願郁，所以我會忍無可忍嗰陣，先至會去廁所！
依家，就係忍無可忍嘅一刻！……好急尿呀！……我鎖好圖書館道門，就由後梯衝落女更。可能急得滯 (尿急，加走得急)，臨落到地下嗰層，我竟然 PK 咗！……我左腳屈一屈，成個人撞向地下走廊尾塊流動壁報板嗰度！……
我「吖」一聲嗌咗出嚟，跌咗落地。禍不單行，……塊流動壁報板冧咗，……成塊 board 砸落我身上！……
好痛……隻左腳好痛！……
好彩，冇幾耐，救星到！……
有人搬返起砸住我嗰塊 board！……係個著 PE 衫嘅男仔，佢都幾大力喎！……望真吓，咦？咁熟口面嘅？……呀！……呢個咪係……成日响圖書館俾楊 Sir 罰留堂嗰個 F1 仔？……亦即係……Heidi 段片入面個男主角 --- 陳家輝？
「唔該……該你，陳家輝！」我坐咗起身，我好急尿，想起身去女更屙尿，但隻左腳腳踭好痛，我起唔到身！「吖！好痛！」
「你點呀？……我同你去醫療室？」F1 仔望咗我幾眼，然後响我面前踎低。
「唔……唔……唔好……我……我我……好急…………」我好急尿，急到瀨咁滯！「扶我去女更，……我好急！……要小便……」
「咁……我……扶你去……女更屙尿先，跟住再去醫療室？」F1 仔有啲手足無措，佢冇估到我要去屙尿先。
F1 仔挨埋我度，我搭住佢個膊頭借力，佢就攬我條腰、用力扶起我。嘩！……一用力，幾乎標尿！……依家，急尿嘅感覺蓋過咗腳痛！……
F1 仔生得好細粒，只係高過細佬少少，但係都矮過我少少。女更就喺前面十幾步，我哋一拐一拐咁行到女更門口，F1 仔停咗步。……
「可唔可以……扶……扶埋我入去？……」我好細聲喺 F1 仔耳邊講。……我真係好急！……隻腳又好痛！……
「女更?……我……唔方便入去喎！……」F1 仔面露尷尬神情。……
唔入得女更，我明嘅！但係女更入面唔會有人，而我……又真係行唔到，又……又急到就快瀨！……
「我好痛，……行唔到，……扶埋我去廁格啦……唔該！……我真係好急呀！……」我苦苦哀求 F1 仔。
「嗯~……好啦好啦！……」F1 仔好勉為其難咁，應承我呢個有啲過份嘅要求。