萬金油與孺子牛（第三季）此中有真意: 4

「我想你哋聽我講一句。講完之後可能我之後都唔想再留喺呢個group…」

我出院了。
Marcus將「Kerry苦主群」改成「Kerry才是苦主群」。

Marcus還在輸入：
「你哋到底有冇人問過，Kerry自己想點？」

「Kerry為你地做咗咁多嘢，你哋一個二個，以為自己好愛Kerry，但一個二個都幫Kerry自把自為做決定。」





「言舅父，你將Kerry推咗比Rachel，係因為你怕、你懦弱。你以為你好大方，你先係最自私嗰個。你唔係愛佢最愛嗰個，你係鎖住Kerry最耐果個。」

「Rachel姐，對唔住，但係我必須要講，你留係Kerry身邊係一直想補償你當年好勝、睇唔到自己個心，你覺得只要留係佢身邊，就機會等到佢回頭。你同言舅父一樣，只係換咗個位置去執着、唔放手，你哋都係加咗把鎖比Kerry！」

Marcus一直在輸入。

「Michael哥，對唔住，你係最有問題嗰個。你本身已經得到Kerry個人、Kerry個心，係你自己推開佢。佢今日呢個狀態，你有份一手造成…」

「Flora姐，你係Kerry姐計算過嘅人，但都係計算過之後都冇辦法唔在乎、冇辦法傷害嘅人。你嘅放手成全，係我最欣賞。但係你心底裏面，好可能係另一個言舅父。」





「原本我都唔想講咁多嘢，唔想插手。我知道我開咗呢個group其實就係最大嘅插手，咁係因為我真係對你哋每一個人都好冇眼睇。我份人向來好簡單，愛就愛，唔愛就唔愛。愛，我就相信自己係佢最好嘅選擇，我會俾佢最好嘅嘢。唔愛，我就好好放手，唔會令佢再擔心我。」

「如果你哋冇一個識愛佢，咁唔該，你哋離林泳昕遠啲。」Marcus繼續：
「我對自己好有信心。你哋唔識愛，咁就我黎愛佢。」

所有人都已讀，在線上。

Marcus退出了群組，把管理員交給Ken少。
但Ken少，也退出了，他把管理員交給我。
剩下Michael、Flora、Rachel和我。





我懦弱……
嗯……
是嗎？

子豪，向來是個敢愛敢恨的人。如果他喜歡Kerry，就去吧。
說不定，子豪也是一個可以的人選……
嗯。

Ken和Michael添置了新馬。
說起來，我一直沒怎樣在香港觀賽。到場拉頭馬這件事，都交給我朋友。
他們最近研究的，比以往深入。確實是香港一個重要的聯誼之地。之前我一年回來香港次數不多，曾經去過從化調研，探望我的馬匹。但香港，確實交給朋友幫忙為主。

他們的馬匹、Rachel和我的馬匹，不約而同將會明天出賽，他們和我約好在前一天去馬房探望馬匹，Flora也會一起。





「咳嗯…你隻昕昕向榮啊！」
「點啊嘉利之星？」
Ken和Rachel已經探望完畢，到Michael。
馬名這件事，嗯……

Flora一直很安靜，但她望向Michael的馬匹，目光滲出妒忌和羨慕。她最近望向Michael的眼神，複雜了，我知道。

「葉嘉儀，你餵吓佢…」Michael拉起Flora的手，把紅蘿蔔放進她的手心。Michael相當雀躍，Flora的耳朵紅了。
Flora望向Michael抿了抿唇，Michael捉住她手，把蘿蔔尖伸向他的「永遠開心」。
「我哋餵多幾粒…」Michael烘近Flora。
「嗯…」Flora在壓抑。我看到。

Michael本來就是「情場高手」，也難怪Kerry……

他們的相處，我知道。對於Kerry，嗯……




我會繼續佈局。
Flora那邊，我再處理一下。