鄰家少女 --- 第二季: 插班生

「Good morning class. 」

吖屌，又係呢個肥婆 Miss Chan！教咗我三年英文，今年仲做埋我班主任！

「Gooooood morning Miss Chan.」隨住全班講呢句 Good morning，我正式踏入高中生涯，我一坐底就趴响枱瞓覺！

「各位同學，……」Miss Chan 開始講嘢，「今年我哋有位轉校嚟嘅新同學，……Anjali，你介紹吓自己啦。」

「大家好，我係 Anjali Daswani……」



咩阿咩呢？打咩呢？咁蹺口嘅個名？我聽到把清趣悦耳嘅女仔聲，講嘢有少少口音，……係鬼妹仔？我抬頭睄吓，……吖屌！……

企响 Miss Chan 隔離，係個高高瘦瘦嘅南亞裔女仔，皮膚幾黑，好似啲地盤佬曬到黑晒咁嘅膚色！黑色頭髮，鬢咗兩條孖辮，眼大大，戴住個白色膠框眼鏡，如果唔係啲膚色咁黑，佢都算係個靚女。

「我係印度人，香港出世，識中文……」個女仔繼續介紹自己。「你哋可叫我做戴安妮，呢個中文名係我個小學中文老師幫我改嘅。」

全班同學拍手歡迎新同學。

「Anjali 你坐住嗰個位先啦。」Miss Chan 指一指我隔離右邊個吉位……



個女仔行埋我隔離位坐低。吖屌，好大陣味呀！……好大陣咖喱味呀！……我擰個頭去左邊，繼續趴响枱度瞓。

第一日返學，都係派吓通告，又再講吓校規咁啦！踏入高中，Miss Chan 花咗好多口水，語重心長咁，講吓我哋要點樣調整心態，點樣備戰 DSE 喎！

吖屌！三年後嘅事呀，使唔使依家就開行 turbo 吓哇？況且，我呢啲料，讀唔讀，都係咁上下……冇料㗎啦！

「楝冬凍楝，楝凍冬棟」，放學鐘響，無驚無險，又到十二點，第一時間「撇s」~！

出到學校門口，吸啖新鮮空氣，清吓個鼻同個肺啲咖喱味先！