【校園故】唉！好想返番去中學果陣: 第三章 張偉文篇

「我出門口啦。」
 
「嗯，小心D。」
 
天空一片蔚藍色，萬里無雲，而我亦以歡快的心情迎接新一日的校園生活。
 
我叫張偉文，3年A班的學生，在觀塘區一個普通的中產家庭長大。如果要我形容自己的人生，我會用「玫瑰色」作簡單的總結。由於我是家中的獨生子，父母一向對我寵愛有加，無論想要高達模型或者Nokia手提電話，父母都會盡量滿足我的要求。另一方面，我的學習成績一直名列前茅，體育方面更加是常常入選校隊，現時是中學的足球隊副隊長。
 
吃過M記的早晨全餐後，我站在通往學校的天橋上等待一個人的出現，這兩件事情已經成為我每日上學的必做事項。
 




大概十五分鐘後，她終於從樓梯處緩緩走來。她，擁有一把亮麗的黑色長髮(仲記得中學果陣，學校無要求女學生必需紮頭髮)，一對水汪汪的大眼睛，高挑的鼻樑配上櫻桃小嘴，白晢的肌膚加上修長美腿，連那套「老土兼核突」的校服穿在她身上都會變得閃閃生輝。
 
她就是我們學校的三大女神之一，唐如嫣，同時也是我相識超過七年的好友。
 
還記得小四的時候，個子嬌小的她常被同班的一個肥仔欺負，而我總會幫她出頭，最後被肥仔打得很慘。那時候起，我立志要變成運動健將，有今時今日的成績真要感謝那名肥仔。
 
「你係到等左好耐？」唐如嫣問道，她的笑容很美，給人純真無瑕的感覺。
 
我呆呆的看著她，良久也沒有開口答話。
 




「做咩成碌木咁企係到，再唔行就遲到啦！」
 
「嗯，知道啦大少姐。又話早D返黎食早餐，咪又係咁遲先到。」
 
「我…我…屋企個鬧鐘壞左！」
 
「咁你屋企D電器都幾易壞，早幾日又話壞熱風筒。」
 
「你…」唐如嫣往的的手臀一咬，我表面扮作很痛，實質甜到入心入肺。
 




唉！其實有好幾次我已經想對佢表白，但臨尾一刻又開不了口。我好擔心，我怕會被她拒絕，最後連朋友也做不成，不能夠每日在天橋上等她一起上學…
 
唐如嫣讀3年B班，而我讀3年A班，基本上我只會在午休的時候見到她，其餘的時間只能偷偷在櫃桶SD SMS交談。
 
嫣：中史堂好悶=(
 
我：我已經訓到流晒口水Z_Z
 
嫣：好噁心丫你(笑
 
我：我隔離位果個仲過份，係到織頸巾…
 
嫣：-O-我果班有人睇緊鹹書，好變態
 
我：係啦，陣間一唔一齊食lunch？？




 
嫣：唔啦，約左Fd食
 
無辦法，唯有「三支公」買飯盒返班房，食完便準備去操場打籃球。
 
經過3年B班的時候，我偷偷望進班房，看一下阿嫣回來了沒有，卻發現班房內只有兩日前在足球場見到的女學生及轉校生Rocky。
 
兩人各佔班房的一個角落，Rocky不停地用手指彈原子筆上的足球公仔，表情悶悶不樂，應該是為足球隊的事而苦惱。女學生則在看書，但時不時偷瞄Rocky，整個場景與電視播的愛情劇場一模一樣。
 
我行入班房，走到Rocky跟前說道：「喂，唔使咁唔開心喎！」
 
「你咪水？！」Rocky用凶狠的眼神望向我。
 
「你冷陣D先！我係學校的足球隊副隊長，你可以叫我阿文。」
 




「足球隊副隊長！」Rocky突然彈起身，不停追問：「足球隊選拔試點呀？我有冇機會入選？其實我果日真係冇打人，可唔可以…」
 
「我都叫你冷陣D先啦！選拔果日我咁岩見到你同另一位學生爭執，你冇打人既事我已經如實同教練講左，加上你選拔試既表現唔錯，應該好大機會入選。」
 
「YES！YES！YES！」Rocky高興得手舞足蹈，然後緊緊抱著我說：「多謝你，副隊長。」
 
「喂！喂！你唔好借D以抽水喎！仲有你應該多謝…」我望向角落位的女學生，她猛地向我打手勢，示意我不要說下去。
 
「我應該多謝邊個？」
 
「多謝…多謝教練囉，最終決定權係佢到MA。仲有你快D放手，好基…」