《鬼滅伊之助豬頭底下嗰個靚仔，點解唔敢俾人望》

《鬼滅伊之助豬頭底下嗰個靚仔，點解唔敢俾人望》

伊之助阿爸本身係個好勝嘅人，完美主義者。十幾歲嗰年，佢阿爸，即係伊之助嘅阿爺，喺山路度俾鬼襲擊。佢阿爸企喺隔離，明明有機會拉阿爺一把，有機會嗌救命，但佢腳軟咗，郁唔到，眼白白望住阿爺死喺自己面前。

阿爺死咗之後，佢阿爸成個人變咗。佢覺得係自己冇用，係自己唔夠英勇，冇盡到做個仔嘅責任，所以害死了父親。呢份羞恥，日日喺佢心入面燒，亦都驚命運會向他報復 ，終於有日自己會被兒子害死。佢開始有精神病咁怪責自己，覺得全世界都睇得出佢係個失敗嘅人，係個唔合格嘅阿爸。

所以當伊之助出世，塊面生得越嚟越靚，越嚟越似佢老婆，佢阿爸就越驚。佢驚呢個仔第時會叻過佢，靚過佢，睇穿佢幾廢。所以佢要用盡方法，證明自己仲控制到個仔。

佢係24小時監視個仔。喺屋企，伊之助郁一隻手，抬一隻腳，阿爸對眼會即刻碌大，死死咁望住。望住佢隻手做咩，隻腳去邊。伊之助去攞杯水，阿爸都要眼定定望住佢，望到伊之助一定要理佢為止， 阿爸才會移開目光，同時伴隨一句咒罵，批評他這個行為有什麼做得不對。





當伊之助做家務 ，阿爸也必會眼定定望著他，找機會批評他怎樣錯， 而且經常越說越激動，甚至說要拿刀斬死他。

伊之助唔理，係想自保。他是天生9 型人格中的5號仔，生存就係靠有個山洞隔住，等自己可以喺入面有個人空間唞氣和叉電。但阿爸一定要望到佢理為止，就係要用眼神鑿穿個山洞，同佢講：你冇得匿，你連唔理我嘅自由都冇。

跟住就會開始鬧。

「你咁蠢，做嘢咁唔得，你咁樣出到去生存唔到㗎！」
「你冇用㗎，你做咩都係失敗㗎啦！」
接著便是對伊之助和其母親的家暴





呢個就係核爆級嘅打擊嚟，對5號嚟講，係最精準嘅處決。

點解？因為5號個信念，本來就係「我唔夠料應付呢個世界，所以我要縮入去個腦度，儲多啲先出得嚟」。呢個縮入去，就係佢唯一嘅生存策略。

但阿爸日日咁鬧，等於日日同佢講：「你縮入去儲嗰啲都係垃圾，你本身就係垃圾。」

藤條打落嚟，痛，但有完結。打完，可以縮返入房舐傷口。但眼定定呢種，係冇完結㗎。佢唔掂你身體，佢掂你個腦。你瞓覺，個眼神都喺你個腦入面。你冇得舐，因為個傷口就喺你諗嘢嗰個位。對5號嚟講，身體係最後嘅堡壘，個腦先係屋企。你打爛佢個腦，佢連退都冇地方退。 同時也摧毀他的生存策略 ，讓他感覺到自己生存經常受到威脅。

最毒嗰句，係阿爸成日講嗰句：「我係你老豆，點解唔望得你？你咁驚人望，你有精神病。」





佢明明係用眼神去控制個仔，但話係個仔有病。個仔本來感覺係「好唔舒服，好被侵犯」，俾佢咁一講，就會開始懷疑自己：「係咪真係我有問題？係咪我太敏感？」

長年累月，個仔部機就咁樣壞咗。

正常5號，用能量去諗嘢。受傷嘅5號，八成能量用咗去睇人眉頭眼額。阿爸今日咩心情？佢望我幾耐？我而家唔出聲會唔會又俾人鬧？部機成日開住個雷達，邊有RAM剩去讀書，去識朋友？唔係佢懶，唔係佢拖延，係部機要分八成去同隻病毒打，剩低兩成，先去同自己個腦入面嗰把聲打交：「你咁蠢，讀咩都冇用啦。」

終於，伊之助趁阿爸瞓著，跑上山。佢咁細個就知，再唔走，佢成世都冇電。呢個係佢做過最聰明嘅決定。

佢俾野豬阿媽執咗，山入面冇人望佢，佢先叉返啲電。但個監視器已經裝咗喺佢個腦入面。

就算阿爸唔喺度，佢去到邊都覺得有人望住佢。返到鬼殺隊，俾人望多兩眼，背脊即刻出汗，因為個神經系統已經學咗：俾人望住，就等於就嚟要被憎恨、被鬧。

佢天生靚仔，呢樣本來係禮物，變咗詛咒。一落街，阿伯見佢靚，會望。呢啲本來係好奇嘅望，但佢個身分唔到，全部當晒係阿爸嗰種「我睇死你」嘅眼神。

佢一唔舒服，唔係喊，係周身散發一種「唔好掂我」嘅氣場，塊面繃緊。路人見到，梗係皺眉行開啲，係自保。但喺伊之助眼中，佢見到嘅係：「你睇下，又係咁，人人都好似憎我咁望住我，同老豆一樣。」





佢越驚人望，就越惡，越多人皺眉，個圈就咁鎖死。佢以為全世界憎佢，其實全世界只係俾佢個驚嚇到。

所以佢練到成身肌肉，扮到大癲大肺，話自己最強。因為當人哋驚佢，啲眼神就會退開。驚嘅眼神，至少唔會話佢蠢。

所以佢戴豬頭。豬頭有兩個窿，可以係佢望人，唔係人望佢。對5號嚟講，呢個係生死權。

喺鬼殺隊，冇人明。炭治郎佢哋好善良，唔會直接鬧佢敏感，只會勸：「除低啦，冇嘢㗎。」但越勸，伊之助越覺得自己孤單。因為佢嘅痛苦係無聲嘅，部機喺入面當緊，但出面睇落冇嘢。

直到嗰日見主公。

產屋敷耀哉冇叫佢除低豬頭。佢只係坐喺度，輕聲講：

「伊之助，你過嚟少少，唔使除低。」





「你係咪覺得，出面好索取，好危險？喺屋企，你阿爸成日望住你，話你蠢，話你冇用，做咩都生存唔到。所以你學識咗，近得滯就會俾人睇到自己幾廢，然後俾人鬧。所以拍拖、做朋友，一近你就驚，一驚就推開人，係咪？」

伊之助定咗喺度。

主公再講：「我知你有間房，喺個腦入面。你本來諗住縮入去就安全，但你阿爸連間房都唔放過。佢企喺門口，眼定定望住入面，話你諗嘅嘢全部係垃圾。仲要話你有精神病。你本來想退，退唔到。係咪好似成個系統都當機咁？」

「你唔係懶，唔係唔想開始。你係因為個腦入面，八成電都用咗去睇人眉頭眼額，睇下今日會唔會又俾人望，剩返兩成電，仲要同嗰把話你蠢嘅聲打交。你邊有電去同人講嘢，去做任務？

你係九型人格分類中的5號。這類的人 很需要個人空間 ，被入侵個人空間是最大的痛苦和傷害。其他像你這樣類型的人，一般會研究很多東西，成為專家。但你家境沒有這樣的教育，也沒有金錢讓你囤積很多東西去保存自己的資源。所以只能訓練自己的體能，囤積力量去抗衡外界對你的資源和社交精力的索取。」

伊之助喺豬頭入面，細細聲講：「...你點解知我有把聲話我蠢㗎...我阿爸唔喺度，佢自己都會鬧我...」

主公點頭：「因為嗰把聲，已經搬咗入你個腦度住咗。你阿爸走咗，但個監視器仲喺度。呢個唔係你敏感，呢個係你細個嗰陣，為咗生存，先至裝落去嘅。而家個監視器壞咗，分唔到咩係好奇嘅望，咩係惡意嘅望，全部都當係阿爸返嚟。」

「你戴豬頭，練大隻，扮惡，唔係因為你想恰人。係因為你想話俾全世界聽，唔好再行入嚟。呢個係你嘅盔甲。」





嗰一下，伊之助哭了。佢咁多年以為自己真係有精神病，真係敏感，原來佢只係傷得太深，深到冇人睇到。

主公最後講咗句：「你靚，唔係錯。俾人望，唔係你錯。錯嘅係，有人用望嚟做武器。」

由嗰日開始，伊之助都係戴豬頭。但喺成個鬼殺隊，佢最鍾意跟住岩柱，悲鳴嶼行冥。

因為行冥係盲嘅。佢永遠唔會用眼神望住伊之助。佢係用念珠嘅聲，用腳步聲，去知伊之助喺邊。

同行冥一齊，伊之助唔使分電去睇人眉頭眼額。佢第一次覺得，原來俾人「見到」，可以唔使痛。佢可以喺行冥隔離，將個豬頭除低一陣，透下氣，叉下電。

因為嗰個人，唔係用眼去望佢，係用心去聽佢喺邊。