居民與租客: 租客

「沙沙……坊間一直有聲音話基因法要將嚴重罪犯子女都囚禁太過唔人道，唔知李博士又點睇呢？」



「呢啲單純係臆測，根據研究顯示，子女同父母嘅DNA序列最高可以去到99.9%相同，犯罪風險同樣極大，囚禁佢哋絕對係防範於未然，而新一輪報告顯示本地犯罪率比20年前降低咗3個百分點，足見成效之卓越及必要性。」



「相信李博士已經解答到大家嘅疑問，多謝各位……沙沙……」







警衛旁的收音機播著一檔我經常收聽的節目。



沙沙……







一束束髮絲在我眼前，飄落飛散。



一邊摸著我圓滾滾卻又帶刺的頭，一邊跟著警衛走。



接過分發的日用品後又繼續走。







兩旁列滿了有如獸籠的監倉，但監倉中並無野獸般的罪犯張牙舞爪，只有一個個空洞的眼眶。



「呢度停！」



聽到警衛的喝聲，我的步伐驟然停止，冷汗直流。



冰冷又威嚴的語氣使我動彈不得，只能四處張望。







只見在旁邊倉房的囚犯一邊吹口哨，一邊整理床單。



警衛緩緩拉開鐵閘大門，響起沉重的金屬聲。



「入去啦，等咩？」







我小心翼翼地走進我的倉房。



「嗙！」



警衛熟練地鎖好了閘門。



一張床，一個馬桶，一個洗手盤。







整理好日用品後，我呆坐在床上。



口哨聲在寂靜的監獄中徘徊，在好奇心的驅使下，我忍不住看向旁邊的監倉。



正好和旁邊囚犯對了眼，奇怪的是他的眼神，清澈又生氣勃勃，與剛剛看過的囚犯們相比，簡直天差地別。



「你好，我新嚟嘅，多多指教。」







他點了點頭。



「你喺度好耐？我衰偷嘢入嚟坐兩年。」



「我由細喺度住到大。」









我跟這鄰居開始慢慢熟絡起來，每晚無聊時都會聊一下天。



「唉，好想去飲酒溝女呀！冇去咁耐，口又痕鳩又痕呀！」



「酒係咩嚟？飲得嘅？溝女又係咩？」



「酒喎，飲咗會勁high會醉嗰啲嘢飲喎，飲到貓貓地再帶啲女番房，諗起都爽呀！」



「嘢飲竟然會影響情緒？醉又係咩感覺？」



「咪暈暈哋咁……」



「仲有帶女即係帶媽媽入房？做咩？瞓覺？」



「都算係瞓覺嘅……」



他彷彿新年時候親戚家的小朋友，好奇心滿溢地問個不停。











這所監獄有個十分奇怪的規矩，每逢周末就要你在倉門前站著，不告訴你站多久，要是你問就會遭到一番毒打，站不直也要打。



我初來乍到的時候不習慣，被打了很多頓，但鄰居就永遠是站得最直，一聲不響，而且總是責備我站不好。



「屌，又比人打，出聲又打，拗個痕又打，痴撚線！你唔覺得奇怪咩？」



「你企唔好又亂出聲比人打有咩奇怪？一直以來都係咁。」



「緊係奇撚怪啦，出面叫人咁實當你心理變態呀！」



「出面唔洗㗎咩？唔洗咁星期日要做咩？照平日咁？定會做咩？」



「你就唔會想出去睇下？」



只見他眼神一陣晃動，隨即又變回往日的平靜。



「出去睇咗咁又點，都唔會畀呢度好！」



衝口而出的一句，就換來一周不見天日。









「今日新年，人人加一隻雞髀！各位新年快樂！」



接著又如常排隊領飯。



鄰居在隊伍中左窺右探，生怕雞髀派光，但興奮的模樣有如在遊樂場等候的小朋友。



「你表現一直最良好，比多隻你。」



那警衛臉上掛着真誠又溫柔的笑容。



鄰居雙眼彷彿綻放出光芒，那種是我早已忘記的光芒。



我不出所料地拿不到雞髀，靜靜走回座位。



看到我碟上沒有雞髀，鄰居先是一臉困惑，然後是一番掙扎，最後下定決心。



「我有兩隻雞髀，畀一隻你，新年快樂！」



然後他就把雞髀夾到我的碟上。



一股衝動湧上心頭。



「其實……」



但回憶中的片段閃過。



「你都知佢係嗰類犯嘅仔女，你知唔知你亂講嘢會害死佢，你坐兩年係咪唔夠皮呀！」



我欲言又止，默默地吃我的晚餐。