《青梅竹馬的婚禮》: 第五節

起身之後，我聞到廚房傳嚟一陣中藥嘅惡臭，有啲嘢你一聞就知道唔好味，例如屎同埋榴槤。
 
我起身行到廚房，見到阿欣喺度煲緊藥，我就心知不妙，但我仍然明知故問：「我一間係咪要飲晒佢？」
 
阿欣大我兩歲，已經識做家頭細務、照顧其他人；相比起我，剩係識喺屋企打機，真係好鬼冇用。
 
「係。」阿欣答。
 
「如果我唔飲咁點？」
 




「你唔飲就唔會好番，我就唔會同你去玩，同埋……」
 
「同埋？」
 
阿欣調皮咁講：「唔同你瞓教。」
 
我知道自己已經輸咗，於是就乖乖哋爬上床等飲藥。
 
我大個咗回想起呢件事，先知道原來十幾歲嘅細路女已經識得捕捉男仔嘅咸濕心理。
 




過咗冇幾耐，阿欣就拎住一碗藥行埋嚟，同我講：「乖乖哋飲晒佢。」
 
我發誓，直到呢一刻我仍然記得碗藥係幾撚咁臭！
 
阿欣將隻匙羹餵到埋我嘴邊，我緊閉雙目吸咗一啖，當陣苦味傳到我味蕾嘅時候，我虎驅一震，將所有藥噴晒出去。如果果陣我已經識講粗口，我一定會嚇到阿欣腳都震埋。
 
「乜你咁弱雞㗎，飲碗藥都飲唔到！」
 
「如果你錫我一啖，我即刻飲晒佢！」以前嘅我總係口不擇言，可能呢啲就係細路仔嘅專利。
 




「你飲完先講。」
 
就係咁，我閉住氣一啖灌晒啲藥落肚，果次亦成為咗我日後只肯睇西醫嘅伏筆……