《一位明星，在自己的「生前喪禮」上死了》: 終結

一個星期後。

「簡單黎講，成件事就係因為陳校長唔想 Vincy 安樂死，但佢自己又有絕症，所以就要趁自己在生時殺咗 Vincy，避免佢進行安樂死。佢本身諗住做到好似一場自然死咁，自己又唔會被人懷疑係兇手，但因為佢個殺人機關俾我地發現咗，所以就要揾鄺牧師黎做替死鬼。」

「無錯，就係咁樣。」

「其實證據真係好明顯，只不過根本無人會諗陳校長會殺自己個女。呢個簡直係超乎普通人嘅理解能力。」警察先生說。

「我都係咁認為呀。係呢，咁警方會點處理？」





「唔會翻案架啦，都公佈咗話鄺牧師就係兇手，無可疑，連個 file 都 close 咗囉，無謂搞咁多嘢喇。況且陳校長又已經因為手術失敗而走咗，知道佢係兇手又點啫？落地獄拉佢坐監咩？算喇。」





＊＊＊

Erica 走出警局。





已經是黃昏，天色開始暗。

見到一幢大廈天台，有一個地標式的大型霓虹燈光告示牌，寫著『神愛世人』四個字。

Erica 之前為了調查這案件，特意研究過氬氣這種氣體。

原來一般霓虹光管裡面，都會用上氬氣來填充。光管通電後，氬氣受到電擊而離子化，發出漂亮的藍光。







Erica 望著那個『神愛世人』霓虹燈，心想：

氬氣，可以用來發光，榮耀人們信仰的神，在黑暗中帶來光明，在絕望中帶來希望；

同樣，氬氣亦可以令人窒息致死，用來殺死自己最親最深愛的女兒。

信仰。
氬氣。
對人類社會，是貢獻，還是破壞，就看人們怎樣使用。

＊＊＊

安樂死合法化的爭議，始終都沒有機會在香港立法會中被討論。

縱使有大學做了一次大型民意調查，結果顯示有百分之六十五的香港市民支持安樂死合法化，更有百分之八十的香港市民認為立法會應該就安樂死進行討論，但由於立法會議員之中，尤其是功能組別議員之中，有大比數為保守派以及基督徒，結果「立法會應該就安樂死議題進行辯論」的議案被否決，是繼 2001 年後同一個議案第三次遭立法會否決。






香港安樂死合法化之路，依然遙遙無期。


<全文完>