拖住我隻手，得唔得呀？: 第十二章：FF得太多會好傷身架

 
  「樑……阿樑……樑……」
 
  點解希文佢無啦啦會叫我個名架？佢唔係發現咗我頭先既行動下話？！
 
  「唔…唔……唔係你咁諗架，即係……呀…呀…呀……」
 
  死啦，無啦啦比你叫一叫我個名，搞到我個腦宜家一直空白，完全諗唔到點樣解釋至好。
 
  「樑……樑……好……好樑……」




 
  「好樑？」
 
  「好涼呀……點解屋企凍咗咁多架？」
 
  好涼？唔係下話？雖然宜家係十一月個天涼咗少少啫，但係都未至於係凍掛，更何況你屋企都開咗暖氣啦喎，照計就唔會咁架。
 
  就喺希文佢不斷咁講好涼好涼既時候，不知不覺間我呢位正覺得熱血沸騰既少年既心都冷卻咗落嚟，慢慢將個頭由希文面前抽返出嚟。
 
  原來當人變得冷靜既時候唔單止思路會變得清析，視野都會隨之變得廣闊。當我由本來幾乎面貼面既距離拉到去約30cm左右，就發現希文佢塊面唔係一般既紅。呢點我可以好肯定，始終我喺學期頭每一日返學都係為咗望佢嘛。無幾耐，我仲發現佢成個人開始喺到打震，震得仲要有啲誇張。我輕輕伸手去摸一摸希文既前額，居然感覺到非一般既熱，好明顯佢發緊燒，仲要嚴重到佢自己都冇發現。




 
  「咁熱既？喂，你發緊燒呀？」
 
  「我都唔知呀………」
 
  「唔知？！你屋企有冇探熱針呀？」
 
  「有呀……係……係…電視個鬼！」
 
  「唔好打克痴住啦，咩電視個鬼呀？」




 
  「電視個櫃呀，咪咁快問我啦。」
 
  「得啦，你都係快啲返去床到訓住先啦。」
 
  希文佢好似用盡全身既力氣去點咗一下頭，然後由客廳走咗返佢自己間房，今次係我第一次見到佢喺我面前展示佢最柔弱既一面。
 
  我係咁睇到底個電影櫃到有啲乜，真係估唔到希文平時睇落係一個咁企理既人，呢到啲野居然可以亂到咁。揾下揾下，幾經辛苦終於比我揾到支探熱針啦。支探熱針到有個好可愛既小熊維泥公仔喺到，始終佢都係一個女仔，就算喺人地眼前既佢係幾成熟都好，都應該中意呢啲可愛既野掛？一諗到呢我個心入面湧現咗一種莫名既喜悅。咪住先，我喺到諗緊啲乜野呀？呢啲時候邊可以曬時間諗呢啲野架，都係快啲拎入佢間房間啦。
 
  「我揾到探熱針啦，嗱。」
 
  「唔好意思呀阿樑，我宜家覺得好唔舒服呀，可唔可以幫我探呀。」
 
  你擺到一副咁柔弱既表情，好明顯我冇拒絕既餘地啦。呀，不過話時話，到底支野係點用既呢？有冇分乜野口探定腋探架呢？如果係口探既我洗唔洗消毒先呀？始終呢支野都係好求其咁放咗喺個電視櫃到，可能好污糟架喎。不過如果係腋探既話就冇需要考慮呢點啦。啱啦，一於腋探啦，反正咁做會比較方便，只係拉開佢件衫就搞掂。
 




  咪住先，拉開佢件衫？！咁我咪有幾會見到…唔止，仲有機會掂到佢心口個對……
 
  一諗到呢點，本來冷靜返既我，唔理上身定下身都一樣再次熱血沸騰起嚟，腦入面迅間諗返起平時上網睇到既野，仲要喺我腦入面用1080p咁播緊出嚟。
 
  咪住先，我認自己係一個成長得好健全既年輕人，思想上有時係中意偏向咁一方面既，之不過我都唔應該咁衝動既，不如我都係細心啲睇下支探針上面有冇寫啲乜野啦。
 
  就喺我放眼於成支探熱針，唔再只係望住個小熊維泥圖案既時候居然真係比我望到支探熱針既背後好清晰咁寫咗佢既用法。
 
  「肛探用」
 
  嗚呀，見到呢幾隻字我真係幾乎噴血都似。人地唔係成日話乜野「一鼓作氣，再而衰，三而竭」架咩？點解由口探諗到去肛探係一浪比一浪更加有衝擊力架？我宜家腦入面唔單止淨係用1080p播緊畫面咁簡單，仲要開緊5.1還佪立體聲播緊出嚟呀！
 
  「呀…好辛苦呀…阿樑…快啲幫我啦…快啲……」
 
  希文佢成個一縮喺被窩入面，依舊合埋對眼，慢慢咁講出希望我幫佢探熱。但係點解個感覺好似好饑渴咁既？！




 
  唉，死就死啦！呢鋪真係「一股作戲，再而衰，衫已揭」囉。
 
  就係咁，我手震震拎住支探熱針慢慢行到希文身邊準備幫佢探熱。明明我地只係得嗰幾步距離，但係我真係一步一驚心。正當我行到去佢床邊既時候，佢再次張開佢既嘴巴。
 
  「唔…唔係呢支探熱血針呀，呢支係我BB嗰時用，你睇清楚…個櫃啦，應…應該有支探耳仔架……」
 
  呢完呢句之後，我急急腳走返去個電視櫃到望，點知真係喺我頭先拎到支探熱針既旁邊發現咗一個平時耳仔用既探熱器。我輕輕咁放返底頭先支探熱針，耷底頭，腦入面既1080p同5.1都立即消失咗，我真係不得不承認自己好容易比一啲野衝昏頭腦。我嗱嗱臨拎個探熱器去幫希文探熱，呀，佢真係發燒啦。


  「你真係發燒喎，你屋企有冇退燒藥呀？」
 
  「藥呀……我諗……電…電視……」
 
  經歷咗頭先探熱器呢件事之後，我成個人清醒到一個極點，喺佢諗住講個「櫃」字之前我已經走返去嗰個亂葬崗既電視櫃到拎咗一包幸福必理素出嚟，倒咗杯水出嚟餵希文食藥。




 
  不過食完藥之後都唔會立即退燒既，由得佢個人保持咁高温都唔係一個好辦法。正當我諗住問佢有冇小萌退熱貼嗰陣，佢再次走咗去揾周公。
 
  咁無辦法啦，事到如今我唯有用返最傳統既方法啦，就係用濕毛巾。
 
  我慢慢咁將一條濕毛巾放喺佢淡紅色既額頭到，我一放嗰下就發展希文佢面上展示出一副好舒服既笑容。我輕輕用食指微微撥動佢面頰旁既黑色秀髮，點知佢居然一手將我隻食指捉住。雖然捉住既力度唔係話好大，之不過呢一下實在嚟得太突然，令到我唔知點樣縮返隻手至好，唯有由得佢捉住我隻手。
 
  比佢捉住隻手指既我，走開又唔係，叫醒佢又好似唔多好咁，最後唯有靜靜咁坐喺佢既身邊。望住比佢捉住既嗰隻手指，我開始喺到諗呢次好似就係由開學到宜家識咗佢都算係第一次同佢拖到手掛，雖然未必係佢突登咁做，但係個感覺又幾特別……
 
  我一個人坐喺希文既旁邊，除咗望住佢之外就唔知做乜野好，我漸漸覺得對眼皮好似愈嚟愈重，我都唔知幾時開始連自己訓著咗。到我醒返既時候，我發現自己既旁邊既床到已經冇人喺到，而我兩隻手都冇比任何野捉住。
 
  我望一望個鐘，原來已經九點。
 
  死啦，明明只係同屋企人講我只係去同學屋企温下書，但係到九點都返，實唔知有咩事啦，呢次點解釋好呀？
 




  正當我個心不斷喺到諗唔知點樣至好既時候，忽然聞到客廳到傳嚟好香既味道，似乎係有人煮咗啲好食既野。我離開已經坐到暖曬既凳走到開住黃色燈泡光芒籠罩住既客廳，第一眼望到既就係著住圍裙既希文喺到捧住一煲奶白色既忌廉湯。
 
  「咦，你起身啦，老公？」


--------------------------------------------------------------------------------------------------------------------------------------
嘩唔好意思呀, 咁遲先可以更新, 我諗之後會再努力啲寫架啦, 雖然我都唔知會唔會更新得好密，但係希望大家繼續支持呢個故啦 :)