「深Sir,做乜一見到我就嚇到咁?」她若有所思地看著我
 
眼前的她與我剛好站在忽明忽暗的第六根燈柱之下,而我也終於能夠清晰地看到她的臉龐。
 
她不像Erica般容光照人,擁有別具一格的美妙情懷…
也不像林思思般的出塵脫俗,氣質和美麗的完美化身…
帶給我的感覺也不像Michelle給我的那種放鬆愉快的情感…
 
不知怎樣的,我總覺得她將「深Sir」二字說出來的時候好像意有所指…
 


眼前的她擁有高挑的身材,棕色卷髮軟軟地搭在肩上,深深的雙眼皮,濃密而長長的眼睫毛自然往上卷,嘴唇小巧而圓潤,就像一個典型韓國美女的模樣。
 
若果你將此刻問我你會選擇學生妹還是她…
我會回答…
 
WHY NOT BOTH?
 
「林思思呢?」我沒有直接回答她剛剛的問題
 
「小姐?小姐佢唔喺依度。」


 
「佢喺邊?」
 
「好似約左朋友…」她垂下手槍,續道:「同個叫Erica既女仔一齊。」
 
好彩佢唔喺度姐…
如果唔係一陣一定腥風血雨…
啊?!
Erica想送禮物比林思思,所以就約左佢?
 


「咁你點,可唔可以同我講咩事?」
 
「同你講?好…」
 
「嗯。」
 
「等等!你點會識黎依度?」她眼神突然變得銳利,槍頭又再次印在我的腦袋前:「你係…臥底?!」
 
「唔係唔係。你聽我講先!」我連忙解釋
 
「我已經查過你。你根本唔係社工。講!你既目的係咩?」
 
「係…我唔係真正既社工…但係我同你既目的都係一樣…都係要保護林思思。」我坦白的說:「你有冇聽過『UNDEAD』?我就係組織既其中一員。」
 
的確,我與呀蘭也是敞屬UNDEAD這個組織。


然後,大佬就正正是UNDEAD的真正「大佬」。
不過,那就是另一個全新的故事了。
 
「UNDEAD?我地同你地無仇無怨,點解要襲擊我地?」
 
「我地對你地完全冇惡意。我既任務的確只係保護林思思,至於邊個委托…你知行內規矩黎…我唔可以洩露…」我半真半假地陳述
 
真的,就是委托人身份必需保密…
而假的當然就是任務目的…
不過,我暫時真的對她們沒有任何惡意…
 
「好…我信你。」Lucy終於相信我的話
 
「咪住!」我腦海閃過一個念頭:「你唔係林思思既近身守衛黎嫁咩?點解你喺度?」
 


「我同思思係由細到大已經識,仲成日一齊玩。久而久之我就做左佢既守衛。」她續道:「思思話今日依個朋友好重要,叫我地唔可以跟住佢,再加上有風聲話有人會攻擊我地…所以我就喺度埋伏。」
 
「你話喺度埋伏…?即係依度仲未比人打?而出面嗰d頹垣敗瓦本身就係咁?」
 
「係呀。做個樣出黎嫁喳。」
 
「咁d血跡呢…?」
 
「我地組織成日都要喺附近練武,少少傷在所難免啦。」
 
「咁頭先你見唔見到有人出左去?」
 
「冇。」
 
「頂!調虎離山之計!」我連忙從暗巷跑到洞穴之外


 
那具屍首…不見了!
 
真正的敵人究竟是誰…?
為何呀蘭會收到「天使」被急襲的風聲…?
為什麼應該死去的人會不知所蹤…?
 
一個個疑團接二連三地纏繞著我…
 
然而,這些並不重要。重要的反而是林思思的安全!