「嗱!依度就係我住既地方啦。」她指指身前的大廈
 
那棟大廈顯然的是居屋,與不遠處河岸附近的私樓形成強烈對比。香港這個人傑地靈的地方,卻是埋藏著影響極嚴重的「貧富炸彈」,有的人花費畢生積蓄去買一個單位,有的人靠著父母早已經擁有兩三間豪宅。問題最嚴重的是,這個貧富差距又幾何可以收窄,即使你如何努力,也難以變成「私樓仔」。
 
「你媽咪會鍾意嫁可?」我拿起手中的曲奇餅
 
「應該啦,咁行。」她笑笑
 
「有冇人話比你聽你好串嘴先哈哈。」
 


「我一直都係咁嫁喎。」她按了按升降機的按扭
 
「幾好呀…夠直。」我由衷的說
 
「咪係囉,做番自己咪仲好,成日帶住假面具咩?」
 
「但係出到黎社會就…唉…」我壓低聲量
 
「下?」
 


「冇野,到啦喎。」面前的是1406號房
 
說是遲那時快,Michelle媽咪恰巧打開門拋垃圾
 
「Hi Auntie。」
 
「咦…黎到啦…坐呀…」雖然她貌似已經上了年紀,但依然臉色紅潤
 
我隨便找了個位坐,仔細打量著這個小單位。這是個典型的蝸居,幾百尺的地方依然「企企理理」,明顯地有定時打掃過。
 


「Auntie你好呀,我係深Sir,咁急黎到打擾你真係唔好意思。」
 
「唔緊要…難得今日唔洗番晚班嘛…」她的聲線有點虛弱
 
「其實呢,今次我黎係想多d了解下你地既。唔知有冇咩難題呢?」我問
 
「難題就應該冇既…只要個女讀到書就得。唔知佢平時喺學校點呢?」
 
「我只係駐校社工,對Michelle成績唔太清楚嫁。不過平時同佢班主任傾計既時候,聽講佢讀得就幾好啦。唔洗擔心。」
 
「咁就好啦…」
 
「聽講Auntie你一日番幾份工,唔知會唔會影響到你同Michelle之間既溝通呢?如果Auntie你有需要的話可以隨時搵我,我會盡力幫你地。」
 
「有心啦,暫時仲處理到…」


 
話雖如此,但始終一個母親要應付那麼多雜務和工作…即使她是鐵人,也熬不了多久…
 
「其實Michelle佢應該handle到嫁,佢都有part time,Auntie唔洗身兼咁多職…」
 
「喂!!!」Michelle突如其來的叫聲把我剛說的話完全覆蓋
 
「做咩…」我貼近她的耳邊說
 
「唔好講…」她輕聲說
 
不知不覺間…已經過了快一小時…
我知道…Michelle媽咪實在過份辛勞…
 
「咁好啦…如果Auntie有咩問題可以叫Michelle搵我…我走先…」


 
「咁我送佢。」Michelle道