唔係掛，我竟然可以入去女校溝女？: 第六章. (11)

夜空逐漸變得昏暗，時間無情地逝去，反而剩下的是越來越多的人群。
看到那些為數不少的鬼怪，所謂百鬼夜行果然是沒有錯的呢。
 
我舉頭數算著閃耀的星宿，一粒…兩粒…三粒…不知數到了多少顆，她終於回來了。
 
「番黎啦？好唔好玩呢？」我看著從鬼屋出口走過來的她
 
「呼…你話呢…呼…」她氣喘吁吁
 
「做咩想練到咁大膽先？」我問


 
「有得解嫁咩？想做就做嘛。」
 
咦。對啊！想做就做！
或許我們太過拘束於原因與結果，其實有時不用多想，勇往前前可能會更好。
置身事外的她，就是因為這點純真，才可以徹徹底底的忠於自己，勇敢地追尋自己的夢想。
 
「諗咩諗到咁入神吖？」
 
「冇。估唔到你講既野其實都幾有道理喎。」我回答


 
喜歡一個人，需要理由嗎？
想愛就愛，想追就追，也許才會有收獲。
 
「洗乜你講。」她露出雪白的牙齒
 
「話說你有冇鍾意既人嫁？」
 
「有吖。」她斬釘截鐵的說
 


「邊個？」唔係掛…
 
「Taylor Swift同Avril Lavigne囉。」
 
「下？」
 
又話唔係les...
 
「下咩野？」她好奇地看著我
 
「呀…冇野…」我恍然大悟
 
此鍾意不同彼鍾意…
 
「我既意思係，有冇鍾意既男仔？」


 
「Ummm…應該有掛…唔知呀！」
 
「咁即係有定冇先？」
 
「秘密！」她吐吐舌頭
 
「咁你點先講呢…」
 
「睇情況啦！」她一屁股就往另一間鬼屋奔馳
 
我有氣無氣的看著她，心想：「遲d再逼佢講啦！」
 
我倆玩到筋皮力盡，才萌生歸家的去意。
 


「有人接你？」我問
 
「有呀。依個時間Lucy會接我。」
 
「咁好啦。我行依邊啦咁。有咩事打比我啦，你知我電話既。」
 
「ByeBye！好多謝你陪我吖！」
 
我報以微笑，就轉身歸家，不帶走一點雲彩。