唔係掛，我竟然可以入去女校溝女？: 第七章. (2)

「嗱！講左唔準同其他人講嫁。」我說
 
「知啦。」
 
「我鍾意左個女仔，但係又有個女仔鍾意左我囉…」
 
「情聖喎。」她笑笑
 
「你學院第二號人物喎，咪仲勁。」
 


「二號人物？」
 
「你唔知咩黎咩？」
 
「唔知呀。」
 
「得閒再同你講啦。你答左我先，你覺得我應該點做？」
 
「都係嗰句…名呢…」
 


「唔洗執著邊個打邊個啦，你當住一個係你好朋友，一個係你隊友啦。」
話雖如此，但事實上Michelle與Erica的確是個好朋友…
而Erica和思思是校隊隊友…
 
「邊有得當住先嫁？」她無奈地說
 
「暫時姐。」
 
「如果我係你，我就會盡快同鍾意既人表白囉。」
 


「咁鍾意我嗰個呢？」
 
「老師都有教過啦，魚與熊掌不能兼得喎…除非…」
 
「除非？」
 
「除非佢地肯啦，不過我就肯定會告發你，估唔到你係個花心蘿蔔。」
 
「放心啦…」我回答
她們願意的話又不失為個好方法。不過，現實與理想永遠都不會重疊。
 
「深Sir，其實呢…個答案你一早就知。」她說
 
「嗯？」我不解
 


「有d野呢，其實你已經有答案，只係你唔想去面對。最清楚你自己既人唔係我或者邊個，而係你自己。愛情，只求無愧於心嘛。係咪先？」
 
「講真呀，我都想喺中學拍次拖，無拘無束不知幾好。」她續說
 
站在通向愛情的路上，人們總是躊躇不前，在考慮一些問題：年齡、財富、地位、外貌、學識、健康、性格等等。我也是其中一個。
 
「深Sir…其實你已經諗得好清楚…機會…只會係霎時之間經過…」
 
有些人，做情人比老婆好。
有些人，當朋友比女友好。
 
有些人考慮了很久，結果與愛情失之交臂。
有些人雖然不假思索地往前趕，結果是獲得了愛情卻沒有獲得婚姻和幸福。
 
「你岩…不過睇唔出你對愛情咁有研究…」


 
「咁你決定好未？」
 
「我決定好未…」我窺探著自己內心的深處
 
不用數秒，它已經告訴我答案：「請好好珍惜她。」