唔係掛，我竟然可以入去女校溝女？: 第八章. (5)

此時此際，我晴天霹靂，想不到一切的源起也是因為呀蘭。是她利慾薰心，隨人翕張，還是我其實只想「溝女」，而忽略她的需要…
 
影子在月光的照射下變得修長，看起來更添些許愁緒。我在街上四處流浪，不曉得自己下一步讓怎麼做…
 
去…危機四伏…
不去…我不知道她們將會變成怎樣…
說真的，所謂靠人脈辦事，大概是給了不少甜頭予警察吧，好叫他們有個好地方來盤問。律師什麼的當然也不準進入。
 
「仲未到？」Lucy又傳了一個whatsapp給我
 


幹…差點忘記了…
我還有一個夥伴…
 
幾分鐘過後，我看見她在OK門口外不斷來回，焦躁得很。
「你唔好再慢d？」她看到了我就立即開口
 
「等等先…我明你好急…其實我都係…先聽我講…其實…」我將剛剛發生的情節百份百的向她透露
 
「原來係咁！咪住先！即係你呃我？你又話你既任務係保護小姐？」
 


「我係呃左你。但你信我，我對你地冇惡意。呀蘭咁做我阻止唔到…」我踢走了腳下的空鋁罐，稍微緩解我的不安
 
鋁罐「鐺」的一聲飛到老遠，清晰地聆聽到與地板相撞的聲音。
她眉頭深鎖，似是在判斷應否相信我。
 
「其實你唔信可以搵你d人幫手救佢…」
 
「我都想！但係如果咁做一定有大型衝突，仲要對方係警察。到時即使成功，但後果都好嚴重。冇單、冇貨、冇錢，邊個負責？」她凌厲的看住我
 
「一係你可以自己去救嫁…唔係我冇義氣，而係你唔係可以一夜之間搞掂成個組織既人咩？」


 
「下？」她不解
 
「江湖傳聞黎。」
 
「我冇。如果我有咁既能力，一早走左唔洗喺度等你咁耐。」
 
所以說…那個傳聞也是假的嗎…
呀蘭製作的那場戲…原來從那麼早期就已經編排好…
 
「咁你信唔信我？」我問
 
「我仲有得揀咩？」她反問
 
「所以下一步應該點做呢？partner？」我笑笑


 
「仲洗講？傾好點做就入去救人啦。」
 
我閉上眼睛，無思無想，進入深邃的沉靜。
我曉得，假如我們成功的話，江湖將誕生新的傳奇。
 
一個屬於深Sir與Lucy的救人傳奇。