唔係掛，我竟然可以入去女校溝女？: 第十章. (2)

也許我這一生 始終在追逐那顆九號球
卻忘了 是誰在愛我 卻忘了 是誰在罩著我
 
有時候，太過著重未來，反而會忽略現在。
有些事看似必然，但事實上卻不會長存。
終有一天，它們也會消逝。
 
我們一直在說「假如」「如果」，卻忘記了活在當下的重要事情。
當失去了，也不能再被尋覓。
 


撲鼻的藥水味罩著整個地方，把我的思緒也佔據了。
我依然活著…
不是我假如活著呢…
 
急促的腳步聲越走越近，不知怎樣我反射性地緊閉著眼睛。
 
「Michelle？醒啦。一陣等我黎睇住呀深啦。」她好像在叫醒我身邊的女孩
 
「…嗯…咦…思思…你黎左啦…」睡眼惺忪的樣子
 


「你都攰啦，睇左佢成日。佢…仲未醒吖？」
 
「係…都第六日…醫生話如果七日之內仲唔醒既話…可能永遠再醒唔番…」Michelle梗咽
 
「放心啦Michelle…佢應承過我…仲會黎睇我排球比賽決賽，如果贏左仲會請我野飲…」話雖如此，但思思的語氣依然非常低沉
 
「小姐，可能深Sir佢吉人自有天相呢…佢咁高跌落黎竟然咁岩落左去架貨車上面，先冇落到地…至少…佢冇生命危險呢…」看來思思與Lucy一起前來
 
「但係…得番一日喳…我仲…我地仲有好多野想同佢講嫁…」思思說
 


「唉…」眾人又陷入嘆氣聲之中
 
「你番去先啦…你都攰啦Michelle…」
 
「好啦…咁我走先…麻煩你地…」
 
理論上，我應該感到高興，因為有一堆好女生在照顧我。
事實上，我卻感到後悔，不知如何拆解種種關係。
是我的失誤，致到我倆陷入絕境。
差一點…只是差那麼一點點…
我就只能在他方眺望我懂的人和懂我的人。
 
「咁小姐我去倒杯水比你。」
 
「嗯。」


 
隨著Lucy的離去，我感覺到思思的氣息與我越來越近。
那種距離，就像那時的擁抱一樣。
 
「呀深…醒番好唔好…我唔想…失去左你。」
 
「警察都已經查明左真相，亦冇再追究我地落去…」
 
「而我亦都已經諗清楚，我會好好睇住自己…」
 
「我依家唯一想見到既…就係你…」
 
「我…」
 
「愛…」


 
「你…」
 
一滴滴淚水落在我的左手之上，還依稀感覺到她的體溫。