經歷過九世輪迴生死般的我總算溝到女了，但係。。: 三 第一次接觸，再見。
我跑到返屋企，入屋做第一件事唔係要洗手，我第一時間拎返張自我介紹出黎，坐左係沙發。我左手揸住阿Yee既自我介紹，右手拎住我自己部電話，準備輸入阿Yee既電話號碼。我感覺到旁邊空氣的抖動，左胸心臟跳動增快。撥出了。左邊太陽穴正有一顆體積約2立方厘米的汗珠掉下來，其實我仲未諗到要講啲咩，點算呢。。但係已經接通了。
"Hello？"
一句帶有美式口音的問好從聽筒裡傳出。
"。。Hi，我係阿朗。"
"Why are you calling me？"
"你係張紙寫住Call me maybe既。。"
"Dont be so silly！我英文名叫Maybe啊！你識唔識英文架？"
嘟------
我收左佢線，媽啊！我又柒左喇！
啪------
我使出鐵沙掌往沙發打了一掌，沙發立即呈現手形的形狀，是我的怒氣造成的。
我諗緊自己錯係邊，點解條溝女片冇教到我溝女要識英文！我屌！我宜家真係想喊出黎！明明之前係咁順利，唔通讀書真係咁重要？我深知自己已經失敗左第一次，但係我覺得開心，因為我係一個失敗者！我冇後悔！我打開我部電腦，去返果條YouTube片度留言：點解你地唔講溝女係要識英文？？？？
留完之後我就去左沖涼，估唔到沖完就有人覆：恭喜ching！你溝果個係Abc港女。
ABC？咩係ABC港女？我再係YouTub搜尋“ABC港女”，果然，又有教學短片。我專心地睇晒呢條片，好好咁背晒入面果幾招，片中所指既ABC港女意思係為左溝仔扮識英文既女性，聽到呢句之後我即刻充滿信心，因為阿Yee係因為我先做ABC港女架！我終於安心去睡了，睡夢中的我也默默為日後做好作戰準備。