[足球故] 我要踢港隊！: 九

每逄踢完球，晚飯都要吃很多很多飯，三碗白飯是「走唔甩」的，幸好老媽煮的菜多數都餸得飯。 

「食食食食食，食咁多飯，成個飯桶咁。」 

「請問關咩事呢？」 

「阿B，好心你踢波之餘就識下女仔啦，中學唔拍拖好哂嫁。好似你老豆咁，以前係中學踢校隊已經殺死唔少女仔啦，上至學姐下至學妹，無一幸免。」 

「嗯，今次我都覺得老豆岩。阿仔，攬住個波唔可以過世架。」 





「我唔攬波架。我多數都係踢佢既，有時咪控下佢的下佢囉，都算幾有情趣既。」 

戀愛，有誰不想呢？ 
要找個比足球更有魅力的女生卻不容易。 
應該說是，要碰到「她」繼而認識「她」是有難道的　… 


經過老爸老媽的勸勉後，我仍是一個人加一個皮球。 

放學後仍然是到街場踢球，嘉明還是偶爾與我一起到那兒踢。 




每次踢完球，也會跟舅父談談天談談心。 

「嘉耀，知唔知踢波最緊要三樣野。」 

「嗯？」 

「第一，你要知道李健和曾經底線傳底。 
　第二，你要知道歐偉倫曾經單刀橫傳。 
　第三，你要知道以上兩件事都係唔可以做既。」　舅父一臉認真地說笑。 





「哦，哈哈哈。」我是真心笑了出來的，舅父有時是蠻逗趣的。 


「嘉耀，你知唔知點解舅父會食煙呀？」 

「真係唔知。我第一次見到你果時已經覺得好奇怪，一個做運動既人又會鍾意食煙，明明會有影響架嘛。」 

「嘿，我情願你一世都唔知點解。」 

「下 …　哦。」　我是真的無言以對，舅父有時就是喜愛故弄玄虛。 




「喂，到我踢！」舅父頭也不回就跑了出球場，像個大小孩一樣。 





嗯，舅父就是一個那麼特別的「阿叔」。