[足球故] 我要踢港隊！: 十一

「今年有邊個報左足球隊？」 

我校的體育課不同其他學校，不會一上課就自由活動，打球打到下課鈴聲響起； 
我校的體育課卻是特別的。 

分開兩節： 
第一節是乖乖的坐下聽肥佬黨說故事，當中包括人生道理、時事、常識題等等。 
第二節才是自由活動的時間。 

在第一節的時間裡，他又開始說一些閒話家常。 





「舉手啦，報左足球隊果啲人呀。」 

我和嘉明緩緩地舉起手來，在舉起手的同時，發現坐在我們前面的阿健也把手舉起了。 

「你地喱班人踢足球隊呀？啊，咁就開心啦。今年足球隊唔洗旨意入八強囉。」 

肥佬黨總愛挪揄別人，我早就聽慣，已經當他的話是耳邊風； 

「我地一定會拎冠軍比你睇！」阿健顯得十分激動，緊緊的握住了他的拳頭。 





「乜阿健有踢波既咩？平時我地玩大腳盃果時佢又唔黎玩埋一份既？」嘉明低聲的對我說。 

「你問我，我問棵樹呀？」 


「喂，你兩個係咪有野要發表呀！要講出黎講呀！」肥佬黨指著我們說。 

「無野，無野講。」我和嘉明齊聲道。 






終於到了自由活動的時間。 

「喂，阿健。乜你有踢波架？之前體育堂做咩唔同我地一齊踢既？」 

阿健中二也跟我和嘉明同一班，算是緣份吧。 

「我都係踢左波無幾耐之嘛，哈哈。」阿健一邊回答我，一邊傳了皮球給我，然後就徐徐地走向手球籠那邊。 

「黎啦，射我啦。」 

「屌，阿健你好撚基呀。」嘉明說著說著， 

我卻二話不說的在籃球場的中圈把球射過去，手球籠的面積很細，很難取一個很妙絕的角度，所以我只是用了點蠻力就把球射了出去。 





「砰！」阿健用手把球擋住了，可是力量不少，皮球彈了出學校的欄柵。 

「唉，仆街。要執波添。」 

在學校踢球最忌就是把球踢高，一來會射破玻璃，二來會射出學校。 

「阿健，你啲反應都唔錯呀。」我說。 

「哈算係過得去啦。黎緊一齊加油。」 

「一齊加油！」嘉明也跑了過來。 

「加油！」 
我們三個拳頭碰拳頭，說下這句鼓勵說話。