其實……我地係咩關係？: 第六回──機會

第六回──機會
之後的幾日，大家不斷有在skype對話。可能大家也喜歡打機，聊得十分高興，幾日之間，大家的對話已經好像認識了很久一樣。

「係呢，你有冇拍拖嫁？」她，仍舊打開了我倆之間的話匣。

「我呢啲淨係識打機嘅毒男，邊會有女朋友呀？」

「都唔係丫，我覺得你性格好好啵！雖然係唔夠高登仔180標準，但睇你個人斯斯文文，應該都會有女仔鍾意嫁」

「哈哈！望就咁望啦」



「祝你好運 #good# 我都差唔多要訓覺啦，聽日再傾 #bye#」

「嗯」我好不情願地收線……

這樣就結束了我倆這晚的對話，雖然只是幾天，但我已經慢慢對這個女孩起了感情，想跟她試試發展下去。順道提及一下她的背景，她是2014年的DSE考生，家住新界，不算有錢，但算比我有錢，感覺相當清純……之前只有一個男朋友，已經分手了一個多月    。

「今日返學返成點呀」這次好像是我第一次打開話匣。

「Bio好難Chem又唔係好識……」



「可惜我唔係識理科幫你唔到 [sosad]」

「唔緊要啦！機聚post果度都有人識Bio同Chem，之前我都問過佢地數既」

心想難怪他們會這麼熟稔了吧！原來早已認識多時。

「原來係咁」

「喂喂！我想睇呢排上果套爆3俏嬌娃呀，你有冇興趣？」



其實我心裏是一萬個不願意……因為我知道只是一套爛片。但既然她邀請我，唯有應約吧！但應約前也要使出來一招以退為進！

「下？你冇朋友陪你睇咩？」

「佢地都唔係好得閒呀！你唔想睇呀？」

「唔係，問下姐。你想睇嘅話，陪你去睇啦 #good#」

「咁你邊日得閒？」

「下星期五晚旺角睇好唔好？睇完可以去食個飯」

「就咁決定啦 :)」



「洗唔洗買定飛？」

「好呀，不過都要早兩三日先知有咩時段，你買完我到時比返你啦」

其實我星期五是day off的，但難得她約我，作為一個毒男當然會應邀了吧！

下回《色？》待續