其實……我地係咩關係？: 第二十九回──轉變

第二十九回──轉變
在接著的幾天，她也很努力地尋找工作。最後，如她所願，惠康聘請了她。老實說，我真的不太喜歡她在惠康工作。人工不太高，雖說工作量少，作為弱質少女的她也不會有太多工作給她，但仍需到貨倉內工作。一想到有很多男人一起跟她工作就不太高興……但奈何自己沒有本事真的請她成為我的秘書，所以唯有……接受……
 
「今日第一日返工，攰唔攰呀？」
 
「冇咩野呀，幾舒服呀」
 
「冇咩粗重野做咩？」
 
「冇呀！個個都好鍚我」


 
「我朋友之前都做過惠康，但做左兩三日就quit左」
 
「你朋友係男仔？」
 
「係呀」
 
「男仔辛苦好多嫁，又要去倉拎貨，又要執貨。總之體力勞動都死啦！」
 
「咁你做咩？」


 
「大部分時間都係收銀咋！」
 
「收銀都攰啦，又冇得坐」
 
「有嫁！」
 
「我見即使有得比佢地坐，但通常都係冇人坐嫁啵」
 
「我啲同事都係照坐嘅」


 
「咁都好啲，舒服啲」
 
「嗯！」
 
「掛住你呀……」
 
「早幾日先見完咋啵！」
 
「已經係早幾日嘅事啦！不見一日，如隔三秋丫嘛」
 
「傻嘅，想見咪之後先見囉！不過你就黎要考試啦啵！」
 
「係呀……呢排好多project要交，又要present，仲要準備考試……就痴線啦！」
 


「加油呀！」
 
「一定！」
 
「不如你搞掂晒所有野，考試前你有一個星期做reading week，就係果時睇下戲，等你考試之前放鬆一下啦！」
 
「好呀！」
 
之後的幾星期，我倆在閒時都會聊天一會，但由於她要上班，所以有時頗累……
 
「喂喂」我在whatsapp上叫道。
 
「應下我啦」我再次叫道。
 
「一句都好啦……應下我啦……」我又再一次叫道。


 
「咩事？」她終於回應了我。
 
「叫你咁多次先應機 :( 」
 
「放左工好攰呀，想休息下……」
 
「我見你whatsapp時時都online嘅……」
 
「我睇人地message咋嘛，都冇應機……」
 
「哦……」雖然我的口裏表示認同，但心入面總想著她會回覆其他人，而不回覆我。或許，是我太煩了吧……
 
「夜啦！我想訓覺……」
 


「我地下星期係咪去睇戲？」
 
接下來的兩小時，也沒有一點的回覆，但總是一會兒就見到她online一次……

下回《為何？》待續