第四章: 無愛之幕

  如果世界上有一塊無知之幕放在每一個男女之間,這會是一件很過癮的事。即是說, 在你身下的女子可以是任何人, 你並不會因為你是禿頭或是你矮小而失去跟美女溫存的機會。當然, 反之亦然, 醜陋的女人同樣可以跟潘安同床。過癮, 是因為這猶如賭博。
  另一方面, 這可以很沒癮。正如她所說: 這樣的交合只有性而無愛。 如果大家連樣子都看不見, 只有肌膚之親, 肉體之歡愉, 而沒有靈魂的相交, 怎可能有愛的存在?
  
  當天晚上, 在床上, 我一直在想這個問題。 這樣的交合真的只有性而無愛? 肌膚之親, 肉體之歡愉就不會有愛嗎? 可是, 第一次偶然地觸碰她的小手的時候,我已是心如鹿撞,那時候愛怎可能已存在? 然而我知道靈魂深處卻是顫抖着。 我不敢告訴她我的想法, 我感覺到只有親身感受,才可能知道答案。
  第二天下午, 我約了CK 在深水埗吃下午茶。

「我改左個名, 叫無愛之幕, 你點睇?」
「哈哈, 係呢個幕之下, 只有性而無愛, 所以叫無愛之幕。幾有意思。」


「如果係咁,無愛情既性, 你Okay?」
「算吧啦,呢個世紀, 仲有純粹嘅愛情咩?」
我心裡一震, 頓時無話可說。 我和她之間真的只有純粹的愛情?
「新聞都有講, 啲女仔最鍾意就係ibanker, 醫生, 律師。點會揀我呢啲Engine仔? 呢啲都叫愛情嘅話,咁佢哋只不過係同職業戀愛。結左婚之後, 性都係一種交易, 只不過係一種合法嘅叫雞, 雖然兩者都係除哂衫,但就無叫雞咁赤裸裸而已,你話係唔係? 你睇下個離婚率,每三對夫妻就有一對會離婚。」
我愈聽愈鬱悶, CK 所說的似乎很對, 如果大家因相愛而結婚的話, 為什麼會因結婚而不再相愛?

「CK, 我有一個提議, 你睇下work 唔work。」我喝了一口奶茶, 刻意降低聲量。「如果我係網上同人講無愛之幕呢個諗法, 可能會有人想試下,咁你就可以同一個你相識或者唔相識嘅女仔搞, 而唔會再有人因為你嘅職業你嘅樣貌身材歧視你, 你同所有人都一樣係公平嘅。」
「但係, 點會有女仔肯做呢啲嘢? 佢哋實怕洩底。」
「可能啦, 但係我相信女仔都一樣, 佢哋都會有性慾而無法解決, 亦可能佢哋係社會上都係遭受緊某一種歧視, 令佢哋嘅性慾無從發洩, 所以我相信係會有女仔對呢個無愛之幕有興趣。」
「咁但係兩個人肉帛相見嘅時候, 有咩可能我睇唔到佢嘅豬樣, 佢睇唔到我嘅毒樣?」



 
已有 0 人追稿