無愛之幕- 在幕下結合的我們, 或許在茫茫J海中再也找不到對方: 第十七章: 無愛之幕外傳 - 我的港大女朋友 Jenny 2

第十七章: 無愛之幕外傳 - 我的港大女朋友 Jenny 2

原來她不知道秘道的存在, 我不禁得意起來。
大一的時候, 我去了一個Ocamp, 組爸曾經在玩房game的時候, 偷偷地把我拉到一邊, 說要告訴我一個秘密。
「John, 靜靜雞話俾你知一個秘密。」
「咩秘密呀,組爸。」
「女仔唔知得架。我哋咪有個荷花池嘅, 知唔知香港仲有邊間大學有荷花池?」
「吐露港大學?」
「正是。呢兩個荷花池有一條秘道可以相通, 唔多人知架, 聽前人講,有時候佢地想係堂與堂之間嘅空檔去同情人溫存下,或者背住呢度嘅女朋友去吐露港幽會, 就會去荷花池用秘道架啦。」
「咁你搵到秘道入口未?」


「未,仲搵緊。不過,我就嚟畢業, 秘道對我嚟講無咩用,咪講俾你知。」
「哦, 多謝哂。」
「不過, John, 唔好講俾太多人知, 如果唔係, 我怕大學校方會知。」
「你驚大學封左佢,大家無得用?」
「唔係,我只係驚條秘道俾校長一個人霸佔左啫。」
「咁又係, 作為大學嘅一份子, 只要係知嘅, 就應該可以用。」
組爸真是一個好人, 自此之後, 我大一大二時, 間或會到荷花池走走, 賞荷花為名, 探秘道為實,一時摸摸銅像的拐杖, 一時敲擊石上的題字。可是, 一直找不到, 大概是組爸開的一個玩笑吧。

Jenny拍了我肩膀。
「做咩係到呆笑?」


「無嘢, 你搵我咩事? Jenny。」
Jenny忽然一臉忸怩。
「John, 我無時間啦, 如果無咩嘢可以令我留戀, 我下年就會去英國讀法律。不過,我Daddy 媽咪話俾番我自己決定, 我依家係想同你道別。」
我內心極亂。 
「John, 你有咩想同我講?就趁今晚講埋佢。」
我瞼色一白, 該說什麼好呢?
噢, 是了。
「Jenny, 我想...我想講...」