《學校裡面, 只能有一班生還》: 第五話：《烽煙》

西周年代, 為了防範西邊犬戎對周室的侵擾, 周室在鎬京一帶修建許多烽火台, 一旦哨兵發現犬戎來犯, 便會燃點烽煙, 以傳訊息, 通知各路諸侯抗敵。
 

    哨兵, 在一場戰役中, 往往有著舉足輕重的功用。
 
   「衛主席, 江強話樓下好嘈, 睇怕係中三班人開始打過黎。」一名身材矮矮胖胖, 酷像一個冬瓜般的同學, 焦急地在2G課室門大嚷。
 

   「欲戰, 定係和解? 」Martin半抿著嘴, 表情更嚴肅。
 




  「仲有大約45分鐘, 廣播嗰條友唔係流, 而家唔殺人, 到最後只會兩敗俱傷。」衛主席輕著聲, 在Martin和芠芯耳畔唸著。
 

   「咪住先! 」芠芯忽然瞪著眼, 似乎想起一些重要的事情。
 
    她這個倏然想起事情的樣子, 同樣可愛。
 

   「中三啲人好似畀我地少, 政府當年縮少個收生額。」芠芯低著頭, 沉思。
 




    Martin點了點頭, 似是了解。

   「所以, 我地級有啲人會搵唔到同自己相對應學號既對手。」Martin略有所思, 說著自己的了解。
 

   「但係...廣播條友, 係認真架喎...」芠芯皺著眉, 苦思。
 
    衛主席一早就知道這個盲點。

    因為他的學號是37號, 大得有點誇張。





 
    而遊戲主持人, 亦把這項資訊當成獎勵, 已告知他。
   
    但取而代之的是, 是要這群「游離份子」, 殺掉3B班的任意一人。

    相對來說, 難度較低, 因為不用在迷霧之中摸索。

 
    看見目標, 殺掉, 完成任務。
 
    是不是真的那麼容易?
   
    我們畢竟是人, 還是有血性, 有人性。






    殺人這些事情, 是道德範疇之中最嚴重, 最值得讉責的行為。
 

   「未到最後一步, 我都唔會咁做。」衛主席心中, 有著這樣的信念。
 
   「令雪, 你同其他人係到繼續救援, 我, Martin同芠芯落去睇睇。」衛主席因著剛才那名小胖胖的線報, 決定走這趟渾水。
 

    瞧瞧將來的獵物, 生成怎麼樣的樣子。
 
    衛主席一行三人, 沿著原路, 瞥見原來4R同樣逃不掉, 有同學亦在課室內趕緊施救。
   

    他們走到中四所屬樓層。





    看見同層的中一生, 亦無班倖免。

 
    答案真的很難猜嗎? 衛主席心裡只有對於他們的不解。
 
   「主席, 班中一...」Martin沉著聲線, 說道。

   「希望唔好死太多。」衛主席淡然回應。
 

     他們再下一層, 來到三樓, 亦是大堂位置。
 
     學校正門, 位於三樓。
    




    「喔? 中五既人? 」Martin在樓梯上方, 看見大堂的環境。
     

     大堂裡, 站著數個相信是中五的學生。

     是在東翼, 第二所建築走過來。

 
     在連接著往下方的樓梯位置, 我們看見了江強, 還有數個男生。 

    「衛主席, 啲中三, 係晒樓下, 應該係飯堂位置。」江強神色凝重, 向著主席匯報。
 

    「我唔係你上司, 如果你純粹共享情報既我冇所謂, 但係若果你係出於我係你地主席, 所以大過你地既話, 我絕對冇咁既意思。」衛主席嚴正詞嚴地跟江強說。
 




    江強微微點頭, 表示明白。


   「衛主席, 班中五過到黎? 唔覺有奇怪? 」Martin斜笑著, 道。
 
    「嗯, 東翼離我地主建築有一馬路之隔, 而嗰個區域並唔屬於學校範圍...」芠芯用著擔憂的語氣說道。
 
   「或者係任務, 無從得知, 唔影響到我地就得。」衛主席繼續在原地, 思考著。
 

    照現時所知, 中四只有兩班能夠逃出毒氣的魔掌, 中三亦有但不知數量, 中五有兩班今天不會在校, 而大堂裡有中五生, 中一二就逃出失敗。
 
    一是中五兩班逃出, 加中三有一班成功, 若然非也, 就是中五有一班能夠逃走, 而中三有兩班。
   

    如果廣播所言非虛。
 
   Martin瞥瞥手錶, 距限時還有半小時多些。
 

  「我地唔可以一直處於被動...」Martin看著樓梯下方, 似是向著一群無形的敵人, 說著話。
 
   未見其影, 先聞其聲。
 

   樓下的喧鬧愈來愈大, 中三級, 來勢洶洶。
  
  「哈, 各位, 仲有半個鐘喇喎, 仲係未開片呀? 」那把久違了的廣播男聲, 再度響起。