《學校裡面, 只能有一班生還》: 第十三話：《相爭》
楚漢相爭, 本以鴻溝為界, 以東為楚, 以西為漢, 兩國理應互不侵擾, 互不統涉。兩君自有理念, 亦因屢有兩地子民交流而不歡。
「我有我教學生既方法, 唔該你唔好再搞我啲學生! 」
「聖人無常師, 學到野, 攞到分, 摘到星咪得囉! 」
干戈, 從未平息。
直到今天, 生死之戰亦如是。
如是者, 中五生步步為營, 前往大堂, 投下他們神聖一票。
「應該安全。」伍老師走在眾人的前頭, 說道。
沒有明顯的威脅, 可他們卻感覺到前方, 有股莫名奇妙的壓迫感。
有團黑影正在他們前方。
「別來無恙嗎? 伍老師。」跟她是對手的李sir, 用著很電視劇式的打招呼語氣說著。
「哦, 係呀, 大家咁話啦李sir。」伍老師同樣同著一樣的語氣回應。
「咦? 估唔到你都拉咗一大班學生投你喎。」李sir故作驚訝之色, 說著。
「大家咁話啦。」伍老師看著李sir旁邊的數名女生, 答道。
現在談的, 不是榮譽或是權力之爭。
而是生命。
一輸, 就甚麼也沒有。
他們兩方皆不在此地大打出手, 顯然是懼怕有外來的不穩定因素。
只見伍老師向著後方的中五同學點了個頭, 他們就小心翼翼向著往飯堂的樓梯推進。
李sir瞧著中五生下著樓梯, 嘴角露出一個笑容。
「Iris, 剩低既野, 你同我安排晒佢。」李sir 沒有看著Iris, 只是看著前方的伍老師, 細語道。
Iris在側點了點頭, 就跟莉華, 淑惠拿著盾, 沿著樓梯上方回去。
回到3W課室的現場。
「海惠...海惠...」Myra雙手按在海惠的雙肩上, 悲慟地哭著。
3W課室, 一片狼藉。
血腥味, 已漸漸佔據整間課室。
「Ivan...你...」Myra盈著淚水, 看著倒地的Ivan。
雖然Ivan不支地倒在地上, 可是雙手仍是牢牢地握著灣海惠。
「Ivan...你冇殺到人吖? 」Myra哭著問。
「係...你地有指定目標...既好處係個目標只要死咗就得...但係我地呢啲游離份子...就一定要親自操刀...」Ivan虛弱地回應。
「天使特權? 」Myra看著手機的選項。
Myra毫不猶豫, 按下了天使特權的按鍵。
「唉, Ivan都算係我地班既同學, 算啦。」雪彤跟著在旁狀甚不悅的依亭, 說著。
依亭只是笑了笑。
「冇, 比著我唔會晒咁解啫。」依亭把手機放回口袋裡, 說。
「好, 實際啲, 投俾邊個。」依亭看著課室生還的人, 說著。
本來進來殺戮的人, 都做了各式各樣的裝備, 徐徐離開。
同樣, 在外面撕殺的人也踉蹌地回來。
「出面有啲中五, 想勸我地投俾伍老師。」在門外剛回來的小皮, 說著。
「小皮...你...」Vinci看著眼前的小皮, 愣著。
小皮跟數個剛回來的人, 滿頭披血, 身體不同部位都有著不同程度的傷痕, 血跡。
「辛苦你地...」Vinci頓然道。
「仲好講...好彩畀我係最尾幾秒搵到條友, 唔係我真係係咁先。」3W班的周公按著左頸的傷痕, 悻然說著。
周公的傷痕, 由左頸伸延至左腹, 應該是給人一刀斬下所致。
「洗唔洗幫你止咗血先...」Vinci趕緊扶起數張倒下的椅。
3W課室, 滿目瘡痍, 隨著回來同學數量的增加, 血腥也就愈漸愈濃。
「海惠...對唔住...我嗰陣唔應該走咗去...」Myra伏在已經成屍海惠, 不止地痛哭。
Ivan被獲救後, 也只是呆呆地坐在地上, 傻癡癡地看著自己女友。
「Jasmine!!!!」忽然, 有一把十分粗獷的聲音從門外喊進來。
是3B班的Gary。
「Gary, 你冇事就好。」雪彤一臉欣喜, 撲上前抓住了Gary的雙手。
「係咪要扑野呀? 」依亭在一旁不悅地揶揄著。
雪彤跟Gary可謂惺惺相識的深交。
當時Gary於3B班陷入人際困難, 被人排擠的時候, 幸獲雪彤領兵掃蕩, 挽回失地, 而Gary當上自己班的班會主席, 也調動票力把票數湧給雪彤, 才能讓雪彤繼續當上級會主席。
兩人, 交情非淺。
「好彩周公幫我殺埋我個目標...但係...我好似...」Gary說罷, 便像一個骨牌倒在地上。
原來他背部似中了刀傷。
「呀! 」雪彤按著嘴, 發出一聲尖叫。
「唔好呀! 你唔可以死架...」雪彤趕緊托著倒在地上的Gary。
周公, 小皮, 依亭等人都把視線聚焦在雪彤那方。
「我部電話呢...我部電話...我有特權...我有特權...」雪彤像一隻發了瘋的狂婦, 先是按按自己口袋, 再驚覺自己遺失手機。
「係嗰到. 頭先擺一擺低...」雪彤指著依亭旁, 窗台的位置。
只見依亭狡黠地笑了笑。
「唔好呀! 」雪彤瘋狂地大喊。