《學校裡面, 只能有一班生還》: 第三十九話：《觸發》

「喂! 」此時, 我們察覺到在對面, 有一個中六喚著我們。

    「咩? 」我做著口形。

     他瞧瞧外面, 而我亦隨他視線看著外面。

     Panda在風沙中左顧右盼著。
  
     他看準Panda沒看到這邊的時間, 跑了過來。





    「想點? 」當他到達的一刻, Martin立時伸出刀子, 恰好在他中六頸前方。

   「冇, 而家唔好分敵我住, 夾手夾腳殺咗出面條契弟先啦。」他說道。

    「你乜水? 」芠芯微笑著, 問道。

    「佢地多數叫我耀俊, 又或者尼奧寵物入面其中一隻寵物既名, 不過你地都唔識咖啦。」他說道。

   「講吓你個plan。」衛主席沒有容許他再發表半句廢話。





   「你地有個叫Candy架嘛, 我地首先叫佢出去同佢傾, 分散佢注意力, 我就再睇準時候, 攻其不備, 佢嗰枝係M16, 同我近距離打唔划算。」耀俊說道。

   「點確保我一出到去唔會比佢即刻射死? 」Candy問著。

   「我地唔係剩返好多時間, 仲有廿分鐘比你咁做。」我也認真地跟這名師兄說道。

   「你都識講仲剩返唔係好多時間, 我地留係呢個掘頭路, 走又死唔走又死, 不如試吓盡地一搏啦。」耀俊細語說道。

   我跟衛主席等人, 互相對望, 思考著這個計劃的可取性。





   「Candy, 你點睇? 」我問著她。

   Candy點了點頭。

   「你係後面back up我。」Candy看著耀俊, 道。

   耀俊作了一個「可以」的手勢。
 
   「萬事小心。」芠芯用著一個可愛的腔調跟Candy說道。

    芠芯才剛說罷, Candy就趁Panda不是正在瞧這邊看的時候, 跑到了前方的飯堂下, 並同時蹲在樑柱後。
  
   「Panda! 」Candy在桌下喊著。

   「Candy? 」Panda瞪大雙眼, 並跟她的槍管一樣掃到來我們的位置。





    我和一干不關事的人等也立馬把頭縮回在樑柱後。

   「衛主席, 你個位見唔見到Panda? 」我輕聲問著。

    衛主席搖搖頭, 並緊皺著眉

   那即是代表Candy的支援, 也只有耀俊這個異邦人了。

   「聽我講, 以前啲恩恩怨怨, 而家三口六面講清楚佢, 好冇? 」Candy大喊著。

   「收皮啊! 同我死出黎啊! 」

 「砰砰砰砰! 」忽然, 又來一連串極恐怖的槍聲。





  同時夾雜著玻璃碎裂的聲音, 她應該是掃射飯堂旁的落地玻璃窗。

  「小心流彈。」衛主席一邊摀著耳朵, 一邊說著。

   「你咁樣無補於事架, 有咩咪唔啱講到啱囉! 」Candy待槍聲響完, 就繼續說著。

   「不如咁, 真係傾傾佢啦。」Candy繼續說道。

   「好, 你同我出黎! 我同你慢慢傾。」Panda繼續用著盛怒的語氣回應著。

   「但係, 你可唔可以放低你碌炮先呢。」Candy用著一個誠懇的語氣問著。

    我跟衛主席, Martin等人亦探出些許的臉出外, Panda沒有瞧見我們, 同時亦有很多人都躺在地上, 躺在血泊之上。

   「唉, 大屠殺...」我自唸著。





   「得, 我揹係膊頭到。」Panda說罷, 就把她手上的M16附帶的索帶扛在肩膞之上。  

    Candy回頭看著耀俊, 而耀俊亦回了一個「可以」手勢。

   「我出緊黎, 大家有咩慢慢傾...」Candy說罷, 從另外一個方向繞出去, 緩緩站起身子。

   「唔好有事...」我聽見芠芯這樣的絮絮唸。

    我偷偷地瞧著外面環境, 也不禁感擔心。

   外面的地板, 也漸漸被血液無聲無息地佔據。

   我眼看著身陷險境的Candy, 步步為營, 我也不自覺地隨著她的步伐而緊張萬分。





   人, 也死了太多罷。

   就是因為Panda, 拜Panda所賜。