《學校裡面, 只能有一班生還》: 第六十二話：《傷亡慘重》
「點解你同峻熙會比人脅持到? 」J東一邊使勁地推著門, 邊問著。
「係走廊, 咁啱撞正佢地上黎。」景希淡然答著。
「守唔住... 再走唔到就等一鑊熟。」令雪哽著咽說道。
「唔得...」 J東同樣看到這樣的形勢。
「唔好。」我聽到湯宛叫著J東。
「死有輕於鴻毛, 亦有重於泰山! 」J東用著他上課時學過的文化點, 答道。
「我唔可以畀你地一鑊熟....」J東提著刀, 在我身旁走過。
而「箭頭人」跟令雪則不停攻擊著阿Ben, 陷入僵持。
「發發! 」我看見阿Ben從指間彈出數枝刀片, 打在令雪身旁。
「嘿! 」阿Ben用著OG的身體作掩護, 令雪的攻擊完全沒有效用。
「唔好啊! 」J東見狀, 馬上趕了上前。
「茲茲...」 J東提著的刀子, 以及雙手, 皆發著綠光。
「唔係吓...」阿Ben用著OG的身體擋了J東一斬。
「點解...」 OG的身體, 沿著刀痕斷開了兩半。
「係特權既威力? 」阿Ben唸著。
「削砰! 」J東繼續向著阿Ben瘋狂亂斬。
我看見J東所斬之處, 雖然不中刀, 但我彷彿看見空氣斷成兩截般。
「連空氣都劈得開...? 」阿Ben在此局勢, 只能退著。
「快啲啦! 幫你地拖緊時間! 」J東叫著。
「J東, 逼佢過黎, 轉佢位, 我射唔到佢! 」令雪喊著。
「不外如是! 」阿Ben竟然把身體轉至令雪射程範圍。
「係機會喇! 」J東叫著。
不會, 事情不會這麼簡單。
「唔好啊! 」我喊道。
「咇! 」一聲槍聲傳出。
「啊...」J東發出一陣低沉的慘叫, 就像野獸受了傷的嚎嘷。
如果沒親眼看過, 根本沒辦法相信... 阿Ben剛才的走位, 實在不是常人能辦到, 他先站在令雪跟J東之間, 使令雪能夠射到他...
可他剛才一個「靚」避, 避開了J東的猛劈, 再順道讓令雪的子彈擊中J東。
「啊...」 J東稍微曲下身子。
「去死啦! 」阿Ben一個拉刀...
「唔好啊! 」令雪喊著。
「喢! 」刀子直插在J東的背上。
「我同你死過! 」令雪扔開了狙擊槍, 赤手空拳地撲去了阿Ben處。
「唔好啊令雪師姐! 」敖欣喊著。
「唔可以過去! 」聽到湯宛這麼說, 她應該是抓住了敖欣。
我跪在地上, 目睹著一切...
「拔唔返把刀出黎... 」阿Ben猛然退後。
「呼呼... 」再來兩枝箭頭, 限制了阿Ben的行動。
「走啊令雪... 」J東淌著血, 虛弱地跟她說著。
「就得喇... 」聽見峻熙喊著。
「J東, 快啲走! 」令雪喊著。
「我拖住佢, 佢地就得喇! 」令雪發著狂地喊著。
「令雪... 你... 」J東說道。
「你唔嬲我? 」他繼續問著。
「我冇放過係心... 」令雪用著她的軀殼, 接著阿Ben的斬擊。
「唔好啊! 」我喊著。
「方包... 枝槍冇晒彈架啦...由佢啦... 你快啲走... 」令雪對著我說道。
「要死一齊死...」J東說著。
「黎啦! 」忽然, 令雪揭開了她最外面的外套。
是一排炸彈!
「對唔住, 我隱瞞住大家, 諗住係必要時用, 估唔到而家就係... 」令雪說 著。
「痴線。」阿Ben已被J東纏住。
「J東走啊! 」令雪喊著。
「得啦。」後方的人叫著。
「芠芯, 方包, 攞唔到架啦, 走啦! 」Candy拉著還在跪的我, 說道。
「一齊死。」J東一邊攬實阿Ben, 邊唸道。
「你仲有條女, 你唔可以... 」令雪焦急地說道。
「快啲呀冇時間! 你地呢啲女人可唔可以唔好咁婆媽? 」J東背部不停淌著血。
「方包, 走啊! 」令雪對著我喊道。
「唔好... 死得太多人... 」我已經哭得雙眼都腫起。
「Candy, 快啲帶佢走! 」令雪說罷, 便往阿Ben跟J東衝去。
而Candy亦把我拖行至大門位置。
「唔好...」我只能絮絮唸著。
我感到我自己被人拖至門外。
「刪實道門... 」Martin說著。
「砰轟! 」剎那間, 圖書館內發出猛烈的爆炸聲。
「大家... 浚燊... 」我跪在地上, 拍打著圖書館大門。
我只能任由自己的眼淚, 放蕩淌下, 不能控制亦不想控制。
為何我定給自己要成為最後四十人的目標, 到現在達成不了的不是我, 而是其他人。
為何好人總要那麼早死?
「好人短命, 因為現實太殘酷; 壞人總活得長, 因為上天要佢係地上受更多既苦。」我想起我班主任黃老師曾對我說過的話。
但是... 也太不公平...
現實世界也有它的美好...
「方包... 」芠芯搭著我的肩。
現在我們這隊人只死剩Martin, Candy, 芠芯, 湯宛, 敖欣, 柳景希, 安峻熙還有我...
明明剛才大家還...
「點撚解啊啊啊啊啊啊!!!!!?」 我發著狂, 任由聲線在這空間竄蕩。