《學校裡面, 只能有一班生還》: 第一百一十一話：《詭計》

   「佢真係好煩....」身手敏捷的云佬成功潛入北翼一樓。

   「希望冇人巡。」云佬謹慎地察看通道。

    在前線的人只要捱得久, 引得他們懂特權的人上前線, 那云佬就可以順順利利地在中三課室... 


    進行真正的殲滅! 






    云佬在後樓梯繞上去, 絕大可能會跟中三前線碰頭, 所以他決定爬水管, 從窗口突襲。

    如要用此方法, 那第一班就必定會是3R。

   「嘿, 黎到。」云佬穿著黑衣, 並有著黑夜作保護色, 室內的人沒可能察覺到窗外有人。

   「只係班垃圾! 」


   「啊! 」在3R課室的女生, 看到窗戶忽然這樣爆裂, 也慌得尖叫。





   「咩事? 」煜仔慌忙看著課室後方, 只見黑衣人已經一刀斬向其中一名女生。

   「出去搵人幫手! 」煜仔喊著。

   「唔洗, 我根本都冇出去, 你太大意喇! 」正在一角瞌睡的列沚滔猛然醒來, 並控著水體襲向云佬。


   「嘿, 食飽就訓, 訓飽就食, 死肥仔。」只見3R大門已被一大片砂牆封住。





   「你唔出去仲好, 可以比我收拾你。」云佬竊笑著, 並再向著女生衝過去。

   「砰! 」水體恰好阻擋著云佬去路。

   「仲晒時間救人, 好! 就殺咗你先。」云佬二話不說, 左右閃步地襲向列沚滔。

    「砰砰砰! 」列沚滔控著水體, 不停地轟向云佬, 可都被他一一避開, 而列沚滔亦顯得有點吃力。

   「去死啦! 」云佬斬向列沚滔的頭, 被列沚滔一個蹲身閃過。

   「喝!」 列沚滔再一個蓄氣, 控著水體。


    兩人一攻一守, 鬥得難分難解。





   「點解你可以打得落手? 」云佬邊斬邊問著。

    列沚滔沒有回應, 只顧專心攻擊。

   「你搞到成個班房都係水, 你覺得Josh見到會開心? 」云佬一下斬空, 劈裂了放粉筆的木架。

   「Josh...」列沚滔退後了兩步, 並分了神。


   「Josh...」他的腦海忽然被剛才在教員室地帶的畫面佔據。

   「係呢一刻啦! 」云佬將劈向列沚滔。

   「唔好啊! 」忽然, 在旁邊有人這樣喊著。





   「係你? 」這次, 輪到云佬分心。


    有個人影撲了出來... 

   「噗! 」同時, 列沚滔亦回過神來, 馬上向著云佬發放水砲 。

   「啊...」在場的人, 包括列沚滔, 也同時愣在當場。

   「Kiki! 」煜仔喊著。

    云佬被列沚滔的水體攻擊, 錯手把他手上的刀... 


    在混亂期間刺中了Kiki跟他自己... 





    「Kiki, 點解? 」列沚滔跟數個男生, 慌忙地走上前。
   
   「我唔想見到你地兩邊受傷...」Kiki的胸脯已淌著一大片血跡。

   「你做乜要咁傻? 」云佬此時也虛弱地問著。


   「師兄...我知道你唔會殺我...我信你會珍惜我地係國史學會一齊相處既時光...」Kiki看著正在擔心地看著她的云佬。

   「原來佢地係識...」煜仔跟列沚滔這樣說著。

   「唔止...」云佬雙眼泛著淚光, 看著垂死的Kiki。

   「唔止? 」Kiki微笑, 帶著疑惑的語氣問著。




 
   「其實...」云佬說道, 而班內的人也神傷地看著這淌血的兩人。


   「其實...」云佬嚥一嚥口水。

   「其實我鍾意咗你好耐...」云佬垂下頭, 喊著。

   「係啊? 咁俾個靚面我...收手啦...」Kiki看著云佬, 莞爾微笑道。

   「對唔住...呢樣我應承唔到你...對唔住...」云佬看著Kiki, 語氣只流露百般無奈, 還有身不由己而感到的悲傷。

    「本來要殺晒你地...先可以行到呢一步...不過...」云佬忽然從腹部的位置抽出一條像線的物體。

   「為咗你...我而家就咁....就當係補償...」云佬神傷地瞧著Kiki。


   「再見, 腳毛...我殺唔到方包幫你報仇...」云佬露出一聲淺笑。

   「退後啊! 」煜仔此時才覺有異, 可惜已經太遲。

   「砰! 」一聲猛烈的爆炸聲, 傳遍整幢北翼大樓。