2714-晶片.太空.超能力: 第十章
我們坐上懸浮車後，車子便自動啟動了，取代了方向盤的顯示板著起來，有時速，里數，電量等等的資料。
「南城６層第１區。」啊軒說。
顯示板馬上出現了「南城６層第１區」的字樣，然後車子便自動向前行駛，在行駛了段時間後，我和啊ｗｉｎｇ都十分驚訝地看着我們頭上，由於我們的懸浮車是開蓬的，所以我們可以看到我們的頭頂，但是我們看到的卻是令我們震驚的景象，我們的頭上竟是一個深夜的星空，一個滿佈星星的夜空，而我們的周圍則出現了草原。
「由於我地生活係地底，文博士知道人如果長期生活係地底，會變成怪物，所整左虛擬天空，佢嘅日夜轉換係跟番地球嘅自轉。」啊軒解釋。
可是，我們二人卻沒有留心聽着啊軒的說話。我們都陷入了深深的思念和回憶當中。
還記得我和啊銀十歲那年，我們和爸媽一起在暑假到郊野露營，那時的我是最快樂的。晚上和家人躺在草地上，那時我看到的星空是我一生中最喜愛和最漂亮的星空，我當時也跟啊銀約定，我們兩兄弟一定會互相幫助，互相扶持，做一輩子的兄弟，不能拋下對方。想到這裡我的眼淚便再也忍不住了，嘩拉拉的流了淚，啊ｗｉｎｇ更是重災區，思念家鄉的她早已哭成了淚人。
「我已經１０個月無見過佢地，我好掛住佢地啊。我地幾時可以見番佢地呀？」啊ｗｉｎｇ哭着說。
「我都好想番去見我細佬，一齊努力生活，唔要比任何野束縛，做我地想做嘅事，我要自由啊！」我一次過把連日來的怨氣都發洩了出來。
「我地全部人都好想番去，而聽日就係我地最關鍵嘅時刻。」啊軒凝重地說。
「嗯！」啊ｗｉｎｇ帶着淚說。「不過有樣野想問，其實點解一定要聽日做得到。」
「。。。」啊軒一聲也不響。我看到他的額頭流着大汗。
「啊軒，你好似有野瞞住我地喎！」我帶盤問的語氣說。
「。。。」啊軒還是一聲不響。啊ｗｉｎｇ也停止了哭泣，望住了啊軒。
「等我黎講。」文博士的聲音突然響起了，我和啊ｗｉｎｇ都面面相覷。不知聲音從何而來。
「我係一位超能人，我可以讀心，可以用我嘅能力改寫你地嘅記憶，性格以至一切。我而家係我嘅休息室同你地講緊野。你地都可以問我野。」
「我想問點解聽日咁重要？」我問。
「我地係潛藏人嘅晶片度發現左一個影響全人類嘅計畫。」
「你講啊森？」啊ｗｉｎｇ問。
「無錯，我地係佢嘅晶片發現左世界政府嘅奸計。自古以黎，我地人類都知道有外星人存在，民眾都信有，只係一直政府都唔認有，但係，其實世界政府由好耐之前已經有接觸外星人，政府同外星人一直都有交易，外星人提供不同嘅技術，而政府就准許外星人係我地星球嘅黑暗面活動，而我地發現嘅計畫就發現外星人向政府要求要用三分之一嘅地球人做神秘嘅實驗，交易條件就係提供成為神嘅方法，以及兩粒可殖民嘅星體。據了解，政府已經同意左交易，而且交易時間都決定左一個月後，所以我地要盡快搵到嗰５０００個士兵，搵到一個就夠。」
聽完後，我和啊ｗｉｎｇ都呆了，不敢相信耳朵所聽到嘅一切。
「真架？我唔相信依個政府會咁樣做，雖然政府係獨裁者，但係我唔相信佢會咁樣對人民！」我嚴肅地說。
「依個政府已經唔再係為我地着想，佢已經失去哂我對嘅一切信心，而家唯一可以做嘅，就係要盡快反擊，將所有人解放，如果唔係，我地嘅家人同埋未來全部都會失去。我地已經唔可以再收收埋埋。我都已經搵左其他基地嘅基地首長，全世界都會係聽日出動，去尋找我地最需要嘅野。好啦，我仲有野要做，唔講啦。」
「等等，文博士，我想問啊森而家點？」啊ｗｉｎｇ問。
「佢經已好得七七八八，醒左架啦，仲番左房，係６１１室，我地都幫佢加左阻隔同超能晶片。」文博士說完便走了，我感覺到他離開了，同一時間，我們也到了第六區，車就停在一條小巷前，小巷的左右兩旁都是房子，一條小巷共有十間房子，單數的房子在我們的左手邊，而雙數就在右手邊。
「你地入去前要做兩樣野，你地見唔見到門上面有兩個位置？」啊軒說。
「見到。」「見到。」
「首先，你要係左手邊嘅玻璃上輸入你左右手大姆指嘅指紋，下次要開門就要打其中一隻大姆指嘅指模黎開門。」
「ＯＫ！」啊ｗｉｎｇ說。
「而右手邊就需要你嘅一滴血，滴嗰滴血之後，你嘅晶片就會同我地嘅伺服器連接，不過你地放心，如果要控制你地嘅話，文博士都做得到，所以請放心使用。你地以前用到嘅功能而家都用得，不過你唔會再有任何限制。」
「好的，唔該哂你。」我說。說完啊軒便乘車離開了，只留下我們二人。
「我比你揀房呀。」我說。
「好啊。」啊ｗｉｎｇ臉上露出了很開心，很可愛的表情，我的心被她完全俘虜了。「唔該你啦，早抖啦，８８。」說時遲，那時快好已選了６１３室，是啊森的隔壁，可惜機會不是我的。
我只好走向６１４室，進行開房程序，當我完成後，我的眼前突然有了改變，我的晶片連線了，眼前的又出現與現實結合的橙色線條，我望向其他地方，也其他用橙線和橙字的標示和解釋。原來６１２室是小明的。我打了一個呵欠，我也很累，我不由分說就倒在床上，睡著了。