當我落左巴士,行到去葵芳地鐵站門口,我已經見到一個熟悉既身影...

心諗今次真係仆街喇,俾佢早到過我添...

我步步為營咁行近地鐵站門口,我見到Ashlynn已經翹住對手,擺出一副好唔順超既臭嘴臉...

今次真係唔只仆街咁簡單...

我步步驚心...





但經過Ashlynn既男人無一唔俾佢既美色吸引到視覺!

個個都會掃視Ashlynn全身...

男人真係好膚淺...

往往都係睇表面...

而更膚淺既係男人往往都會俾表面既野害到連命都無...





我繼續好小心咁行近Ashlynn...

Ashlynn亦都見到我...

佢個嘴就好似上梗彈既M16咁...

點解我會咁形容?

好快你就會知...





當我行到Ashlynn面前...

「你個死野做乜死咁耐先死到出黎呀你有無病呀要我等你成個字俾D麻甩佬喪𥄫都算直頭視姦完咁你都仲唔著緊下你係唔係男人黎架仲有你個頭搞乜呀成PET屎咁搞乜呀你死遠D唔好黐咁埋費事影衰我呀!」

各位巴絲們,真係唔好意思。

小弟唔係唔想或者唔識加標點符號,而係真係無機會俾我加。

我一行到埋去,Ashlynn就一輪嘴BE LE BA LA係咁車埋黎...

咁你而家知點解我用M16黎形容啦?

『Sorry...Sorry...我整個頭整耐左...』我一個九十度鞠躬,向Ashlynn致以最深切既道歉。

話我遲到?





遲得嗰五分鐘姐,就鬧到我咁行?

我平日等你都起碼等成半個鐘啦!

今日俾你早我少少姐,唔駛做保長呀化?

「整個頭?我咪問你個頭搞乜囉!」Ashlynn指住我個頭...

『柏豪All Back呀嘛,而家興嘛。』我指住條街上面D潮童,個個都一式一樣。

「興你個頭呀興?一早OUT左啦!仲有呀,又唔知自己矮,學人剪個All Back喎!好似之前咁咪幾好,摷起晒佢睇落去都高D呀!而家?我企直D個人都高過你啦!」Ashlynn挺起胸膛。

你梗係高過我啦,你而家足足企高我兩級樓梯呀...





「唉!唔講呢D喇!講黎都晒氣!好肚餓呀!」Ashlynn一路行去扶手電梯一路講。

係你自己要講咋嘛...

『想食D乜呢?』我跟住喺Ashlynn後面上扶手電梯。

「唔好黐咁埋呀!影衰我呀!你諗啦!」Ashlynn上多兩級...

『你鍾意啦,我食乜都得。』我隔住兩級電梯望住Ashlynn個屁股。

Ashlynn今日著住件花花連身短裙,修長既雙腳真係好迷人。

「屎你食唔食呀?一D主見都無!」Ashlynn一句話,立即無晒性慾...

『日本野囉...』我望住元氣個廣告牌...





「有輻射架!想食死我呀?!」

『越南野囉...』

「我個胃唔好你唔係唔記得嘛?」

『食粥囉...』

「淡茂茂!」

『食譚仔...』

「咁Cheap!」





『屌你法國...』

「都唔好食!」

『歐元高高...』

「咁多人!」

『泰國野...』

「我唔食得辣架!」

『可以唔食辣架姐~有酸有甜架嘛~』

「唔食辣食乜鬼泰國野?算喇算喇!食日本野喇!又要等又要等!」Ashlynn去到部機面前撳左張飛。

『你一早黎攞位咪唔駛等囉...』我細細聲自言自語...

「你講咩呀?!」Ashlynn轉身指住我個鼻。

咁都聽到?!

「你係唔係男人黎架?!要個女朋友去拎定位等你呀?唉~都係Amy好~佢個男朋友打定電話Book埋位揸埋架波子接佢去食Lunch!你?車牌都未去考!」Ashlynn大庭廣眾指住我黎屌。

Amy個男朋友?

哈~James呀嘛~

我認得佢~

上個星期去老蘭同個客傾野先見到佢飲到爛醉咁左攬一件,右摷一件~

好喎?

你地D女人真係盲架!

人地偷食唔通話俾你知咩?

就係覺得人地表面好,俾人呃蝦條都唔知啦~

『嗯嗯嗯...』我真係無你咁好氣。

唔通大庭廣眾同你撐咩?

你唔要面,我都要啦。

不過又真係奇怪,街上既人好似唔覺得一個癲婆周街鬧人係有問題。

有問題嗰個反而喺俾人鬧到頭耷耷嗰個...則係我。

D人係唔係真係咁鍾意睇人仆街架呢?

我都唔知...

亦都唔想知...

我就係知面前既Ashlynn仲係咁數我點點點衰,人地個男朋友點點點好...

算啦~

都慣架喇~

咪由得佢發下噏瘋~

可能佢唔發下癲真係會死架呢~

好唔容易喺元氣門口忍左Ashlynn半個鐘,終於入得去坐。

當我諗住拎碟三文魚壽司落黎醫下肚之際...

“啪”Ashlynn一手打落黎:「你識唔識野架?放得上去迴轉帶既都唔新鮮!識食梗係食點返黎架喇!」

你都傻既...

你點完佢咪又係喺個迴轉帶上面拎返落黎俾你食!

你真係當人戇鳩架咩?

『嗯嗯嗯嗯...你真識食喇~』當然我就唔會同佢嘈啦!

有失身份。

Ashlynn點點點點點...

點親都係D貴野...

唉...糧尾呀大佬...

我月頭就已經俾你洗乾...

月中開始,我日日都係食麵包過活...

阿六嬸尋日先同我講完話黎梗又加租,來貨上升,人工三十三蚊都無人做,成本上脹,又要加價...

我就快連麵包都無得食...

唉...

睇黎又要碌卡過活...

「拎你部電話出黎。」Ashlynn點完野食就攤大手板問我拎電話...

『做咩?』我潛意識唔係好想咁摷緊個電話出黎。

「叫你拎黎就拎黎啦!」Ashlynn搖左兩下隻手。

又想Check我電話...

Ashlynn接過我電話之後,好熟練咁解開個鎖,又好快速咁開左我個Whatsapp!

大家係唔係諗梗:「今次你仲唔仆街?」

大家梗係覺得Ashlynn睇到我同班兄弟Whatsapp既內容必定發晒癲咁起勢鬧我呢?

無錯,佢真係會發晒癲咁起勢鬧我!

前題係要佢睇到D Messages~

你估我真係傻的嗎?

明知佢會Check我電話,明知佢睇到D Messages會發癲,我仲唔晨咁早刪左D Messages去咩?

「乜你今日同佢地去踩單車咩?」Ashlynn碌下碌下,碌下碌下我部電話。

『係呀,不過陪你重要D~所以我推左佢地喇。』我含住舊三文魚刺身講。

當然,識得刪就一定唔會刪晒~

唔記得左邊個偉人講過,好似係蔡生...「如果個男人部電腦裏面無A片既話,呢個男人一定係好鹹濕。」

世上無一個男人係絕對專一。

再專一既男人都會夢見自己同第二個女人搞野。

老老實實就算有好似Ashlynn咁正(個Body)既女朋友,喺街上面我都會𥄫其他女。

要令自己既女朋友覺得自己無去滾,最好既方法唔係刪除晒所有女仔相,係刪D唔刪D~

D靚到爆鏡、正到起機既靚女相就要刪除!

D豬扒呀...大嬸呀...無殺傷力嗰D呢就留返低!

咁樣女朋友先唔會起疑心~

「咁乖?算你啦~」Ashlynn講完之後,親手餵左件三文魚刺身俾我食。

嗱~仲可以令佢有一絲絲既內疚~

望住眼前既Ashlynn,其實佢唔巴渣既話,真係好吸引...

話說...我從來都無用“死港女”呢個代名詞稱呼我呢個女朋友...

因為我真係唔想承認自己咁無眼光。

好多時我都會回憶返Ashlynn既溫柔去麻醉自己...欺騙自己...

Ashlynn都有溫柔既一面既~

有咁靚女既女朋友我仲想點丫~

剩係玩腳都玩足成世啦~

唔好話我,我相信好多男人都想搞佢...

應該話有邊個男人唔想搞佢?

我喺其他男人眼中已經好幸福!

可以晚晚同個腳長、腰幼、波挺既大美女砌足成晚...

唔精盡人亡就假。

唔好話摸一摸,諗一諗都硬一硬!

但真係咁?

你真係咁諗?

事實真係同FF一樣?

食完一餐價值七百蚊既元氣(我真心唔明點解食元氣可以食到七舊水),碌完咭,又係時候諗做乜好...

『BB去你道好唔好?』好明顯我就係飽暖思淫慾。

諗一諗又硬一硬...

行起路都要拐下拐下...

「屋企有人丫...」Ashlynn唔多情願咁既樣...

『咁去我道啦~』我條JJ話俾我知唔可以咁易放棄!

「咁遠!唔去!」Ashlynn相當決絕...

去佢道又有人...

去我道又話遠...

咁去得邊?

我絕對唔會去殘廁搞囉!

我硬係覺得除左D俾唔起爆房錢既死MK會喺殘廁搞野之外,無人會喺咁嗱喳既地方搞野囉!

當然亦都有人會為左尋求刺激,又或者搏上報都會去殘廁搞野既~

不過嗰D殘廁特別香,好似IFC嗰D呢~

『咁點算呀~我地好耐都無...』我都未將“搞野”呢兩個字講出口...

「自己搞掂啦!」Ashlynn就打斷左我既說話...

又自己搞掂...

我已經好多晚都靠這裏成人電影喇!

我已經丁過港女吹好多次喇!

丁到我條J都搖搖頭SAY NO喇!

真係邊有女朋友鍾意自己既男朋友丁其他女人?

你地真係唔覺得你既男朋友丁其他女人就好似通奸咁架咩?

你地個男朋友因為其他女人既身體已興奮喎!

望住其他女人既身體Chok喎!

Chok到射精喎!

射晒俾其他女人喎!

你地咁都忍到呀?

當然我明白Ashlynn唔係咁既意思啦~

Ashlynn既意思係就算要丁都要望住佢D相黎丁...

諗住佢黎丁...

要出野都係因為佢既Body而出...

要射都要射落佢D相道...

唔可以益人...

痴線架!

簡直係人都癲!

打丁本來係好私人、好自由,應該無無拘無束架嘛!

而家連打丁都要被控制思想!

呢個香港仲有無自由?

『咁而家去邊呀...』講下講下J都縮,無晒性慾...

「不如去睇戲咯~我有套戲都幾想睇~」Ashlynn就拉住我走。

睇戲?

都好既...

平平地一套爛片七十蚊~

兩張夾埋都係一百四十蚊~

一百四十蚊坐兩個幾鐘都算唔錯既。

走到去百老匯...

Ashlynn揀左套七十蚊既愛情片...

名就唔開啦~自己諗啦~

OK啦~完全喺我預計之內~

買完飛仲有D時間...

「仲有D時間先入得場...不如行下街囉~」Ashlynn又拉住我走。

行下街?!

咁就失預算囉!

你要知道女人行得街等於要買野。

唔買野既話就唔叫行街!

行街...買野...洗錢?!

又要洗錢?!

唔好喇掛...

咁搞法碌卡都唔捱得幾耐咋喎...

Ashlynn首先捉左我去6ixty 8ight。

呢間野就勁囉!

我會覺得係男人既聖地!

點解我會咁講?

因為Under部都係男人既禁區。

雖然無話列明“男人與狗不得內進”,之但係係男人都唔係咁好意思走入去。

有D鬼鬼地既鬼仔就話Open D姐,陪女朋友去揀Bra、揀底底姐~

好似我呢D連ABC都唔係既傳統中國藉男子真係好尷尬架嘛...

但6ixty 8ight就唔同喇!

6ixty 8ight裏面除左賣內衣褲外,仲有買Casual wear!

當男士入到去,只要將對眼盡量投放喺Casual wear嗰邊就得~

當然盡量好喇~

而6ixty 8ight既Target主要係D十四、五、六、七、八歲岩岩發育無耐既小妹妹。

而呢個年齡層既小妹妹又唔會好介意俾好似我呢D咁成熟既男人睇佢地揀Bra喎~

佢地只係覺得我係大哥哥...或者係爸爸咁啦~

所以我就可以放膽𥄫女~

A Cup...A Cup...A Cup...A Cup...

D小妹妹揀親都係A Cup...

究竟A Cup波係點架呢?

我諗...應該同阿Wing差唔多...

阿Wing...

諗一諗,條J又彈一彈...

仆街唔可以諗阿Wing!

男人就係咁奇怪~

無得摸,無得掂,無得搞,就係只可以FF都咁興奮~

但呢D都唔係重點!

最重要既係,女士們就可以盡情咁要男人俾錢!

等Ashlynn揀好幾件Bra同幾條底底之後...

唉...又要洗錢...

算喇~

洗左錢又止左渴...

都叫抵既~

等價交換呀嘛~

「仲有D時間!去埋Lowrys Farm!」Ashlynn又再拉住我走。

『下?!仲行?』我個銀包已經唔係咁願意...

「你唔係好想去架咩?」Ashlynn用上一個好匪夷既眼神望住我。

『ER...』

去到Lowrys Farm,Ashlynn就拎起一對又一對鞋黎試。

成間Lowrys Farm都只係買女裝野,但都有唔少男人好似我咁陪女朋友睇衫。

你又唔好以為D男人好悶喎~

其實男人同女朋友睇衫真係好識自己搵節目~

成個場D男人好明顯就唔係睇衫...

佢地個個對眼都係望住Ashlynn係道換鞋,試鞋...

Ashlynn單起隻腳,用手指勾一勾隻涼鞋...

條短裙就係道搖下搖下,時高時低...

雪白既美腿就係空氣中掩掩攘攘...

不時又伸長隻腳,單腳企下,又行兩步,轉個圈...

輕輕摸一摸自己對腳...

彎低身拎起對鞋,條白色底底邊就快要跑出黎!

成班男人既視線就跟住Ashlynn既動作上上落落~

雖然我已經睇過好多次,再誘人既動作Ashlynn都為我擺過,但...

好迷人...

老老實實我就唔係好介意其他男人𥄫我女朋友。

因為我唔同一般既男人,係唔係都要酸一輪。

我會覺得有其他男人𥄫我女朋友即係葡萄我。

酸既應該係佢地~

的確,我係一個幾自大既人。

唔係咁既話,要咁靚既女朋友呢做乜?

要黎擔心?

梗係要黎享受啦!

唔單止肉體上要享受,精神上都要好好享受!

男人,任何時間都要做王者!做霸主!(喺FF既世界裏面...)

「呢對高踭鞋真係唔錯,可惜丫~一著就高你半個頭~」Ashlynn著住對三吋高踭鞋行到我面前...

邊有半個頭咁多姐...

頂盡咪高兩吋咁大罷!

成日話我矮矮矮!

你自己咪又係高唔過我!

頂多同我平排咋!

「𥄫完未呀?」Ashlynn繼續一邊試鞋,一邊問我。

『𥄫完好耐喇。』我望住個Counter答Ashlynn。

「𥄫完就走喇。」Ashlynn又再一次拉住我走。