一邊𥄫Emma對腳,一邊做野,簡直係真正既生活態度~

話咁快就做到十二點半~

『Emma~你肚餓未丫?』而家公司多左個女仔,做男人既一定要照顧下人地感受~

「我OK丫~可以食得落~」Emma一邊專心工作,一邊回答我。

『咁...你想食D乜?』我對眼仲未可以由Emma對腳抽離...



「我無所謂架~你平時食開D乜?」Emma對腳又踢下踢下~真係好得意~

『我丫...我平時都係叫盒外賣叉飯,一邊做野一邊食...』又無錢又忙,係咁架喇...

「唔...呀~係喎~我表姐喺呢頭岩岩開左間餐廳~叫我去試食~不如一齊啦~」Emma放低手上既工作,行左過黎我身邊。

『之但係...』

「唔好但係啦~行啦~」Emma拉住我隻手就衝出門口...



喂喂喂...

我D野未Save...

仲要熄燈鎖門架!

Emma拉住我行左幾條街,又過左幾個街口,對玉手真係好滑...

我唔係咁好意思俾佢拉住...



因為我隻手比較粗...

我怕會刮花Emma隻纖纖玉手...

『喂喂喂~唔駛拉住我啦~都行到黎呢道,我唔會逃走既~』我鬆一鬆開Emma隻手。

「嗱~你講架~唔準逃走架~」Emma向我伸出一隻手指尾...

咁大個人都仲要勾手指尾?

『OKOK...』見你咁做得野,就順下你意啦~

手指尾一勾,Emma用佢隻拇指掂我隻拇指...

由細到大,我硬係覺得呢個咁純真既手勢係扑...係接吻既意思...



過左幾條馬路,轉多幾個彎,去到一間餐廳前面...

呢間餐廳外面既櫥窗用上深啡色十字木窗框,門係用上深啡色木制拱門。

單睇外面既裝修已經好高檔...

旺角幾時有呢D高級餐廳?

睇黎我真係太耐無行過旺角...

事實上,自從旺角被蝗侵佔後,我都好少會喺旺角行街...

再睇真D放喺門口前面既Menu...



咩文黎架?

唔似係英文喎...

呢個係唔係蛇靭蕉呀?

呢個唔係蛇靭果呀?

你唔會話我聽係法文呀化?

我諗住你話餐廳係茶餐廳黎架咋...

點估到你Lunch都要食法國野咁High卡...

我而家明白點解頭先Emma話要勾手指...



Emma同左個接待員交代係老闆娘邀請我地黎試菜之後,接待員帶左我地入間房...

過往,我都會同Ashlynn食法國野,不過只限於大時大節...

好似話佢生日呀、情人節呀、聖誕節呀、清明呀、重九呀咁囉~

不過你話食法國野食到入房既,就真係第一次...

散發出一陣陣清幽香氣既房間裏面...

一張鋪有珍珠白皮檯布既正方餐檯上,放左兩支紅色玫瑰花。

坐喺張歐陸式凳上面,硬係覺得D氣氛怪怪地...



一個Waitress放低左兩份Menu之後,企喺我地身邊...

份Menu頭先已經睇過下,上面我無一隻字識...

你唔係真係要我點個蛇靭蕉同蛇靭果嘛?

『麻煩你幫我同Chef講整佢最拿手野俾我地。」Emma溫文爾雅指示Waitress。

Waitress點點頭後,收起我地份Menu就行左出房。

Woo~

咩叫氣派?

我一世都無既野...

我終於知道,點解呢個世界上有階級觀念...

上等人真係唔易做。

我地呢D下等人真係一世都去唔到...

「呢道既環境O唔OK丫?」Emma托住個頭,情深深咁望住我...

『OK~好好呀~』對我呢D下等人黎講好到爆啦...

「咁我照實答我表姐架喇喎~」Emma對迷人雙眼一直盯住我...

咁樣會唔會唔係幾好呢?

我呢D下等人既意見點可以作準架...

“咯咯咯...”呢個時候,有人敲一敲道門...

頭先個Waitress拎左兩個玻璃杯加一支...紅酒?

「老闆娘知道你地今日會黎,所以特別為你地開支紅酒,已經抖夠氣,請兩位慢用。」Waitress倒過酒後,離開房間。

唔係掛?

Lunch飲紅酒?

利賓納得啦...

『飲紅酒...會唔會唔係咁好丫...』我望住已經拎起酒杯既Emma...

「唔緊要啦~一兩啖OK既~Cheers~」Emma舉起酒杯...

呢次真係酒杯敲你個頭,你阿媽話痛...

食完一餐美味而高尚既Lunch之後,真係好滿足。

老實講句,平日唔係同D麻煩客傾生意既話,都唔會食得咁豪。

個心情真係完全唔同!

同D麻煩客食,條中氣係頂住頂住,龍肉都無味!

但而家,紅酒配美人...

不過...呢餐會唔會貴到嘔呢...

我D卡仲有邊張夠埋單...

「嗱~我真係飲左一兩啖咋~係唔係好聽話先?」Emma放低酒杯...

『聽話~聽話~』我都只係飲左一兩啖,始終下午都仲要見客...

「我一直都好聽你話...」Emma面紅紅咁望住我...

一直都好聽我話?

Emma講緊乜丫...

唔係飲兩啖都醉呀化?

係就大件事...

等等仲要返工...

等等仲要見客...

我邊有時間照顧Emma?!

「好喇~飲飽食醉就返去喇~」Emma突然變得好清醒咁起身。

『ER...張單未埋架喎...』我真係好清醒。

Emma一個大轉身:「表姐請得我地黎試菜就唔使俾錢啦~你醉喇~嘻嘻~」

究竟係我醉,定係我眼前既Emma醉?

我分唔清...

返到公司,大家繼續做野。

同Emma相處只係第二日既事,但Emma對我既態度好似好熟絡咁。

雖然我唔知Emma既家底係點,只係知佢係幕後大大大老闆既寶貝孫女...

應該都係一個千金小姐,非富則貴。

萬千寵愛既佢理應比港女更公主病。

但到而家,Emma俾我既感覺都係好平易近人,一D架子都無!

或者呢D就係鬼妹仔性格啦...

唔係...

佢係日本妹...

做下做下野就做到兩點多D。

差唔多係時候要去見客...

『Emma,我出出去見個客。放工我都未返到既話你就走先啦。』我拎好公事包準備行出門口。

「喂喂~你去邊道見客?」Emma叫停左我。

『我要去葵芳嗰頭...石籬囉。』

「係丫...你搭地鐵去?」

『嗯,地鐵轉巴士。』

「但荃灣線發生信號故障...成條荃灣線都塞滿晒人喎...」

『唔係呀化?又信號故障?非繁忙時間都塞滿人?』有無搞錯呀?

港鐵季季加價,服務一直變差!

個政府搞咩架?

唔識監管架咩?

唔係喎...政府係港鐵最大股東喎...

自己監自己公司?

監條春咩?!

「係丫~新聞係咁講...睇黎仲有排搞添...」Emma指一指個Mon...

『死喇...唔通要搭紅VAN?但又唔知會唔會等好耐先開車...』呢個客最唔鍾意人遲到...

「不如我車你啦~」Emma轉下轉下張凳...

『下...你車我?』Emma識揸車架咩?

「做咩丫~信唔過我?」Emma谷起塊面豬登。

『唔係...但你岩岩先飲完酒...』加上少少唔信咁囉...

「都過左咁耐啦~咩都散晒啦~行啦~」Emma又拉住我走。

喂喂喂...

未熄燈呀~

過幾條街,Emma帶到我去到朗豪酒店停車場,行到一架被黑色車套蓋住既汽車前...

車套前...一大個Logo...

黃黑色既Logo...

唔通係...

Emma一手打開車套...

唔係呀化...

我真係俾眼前既景象嚇到由對眼傳落個心道,再由個心震返出個身!

呢架咪就係...

傳說中既...

Lamborghini Aventador LP 700-4 Roadster?!

之唔係My dream car!!!

蓬已開...

隻色仲要係我最愛既Metallic Blue!

十足十官網部Model一樣!

HOLY SHIT!

我真係無辦法控制到自己既情緒!

實在太震撼喇!

「飛揚~做咩呆晒呀?」Emma既甜美聲線仲未足夠拉返我入現實世界...

『你揸Lamborghini...丫?』我仲唔係好相信自己對眼...

你可能會話女仔揸超級跑車姐~有乜咁出奇?

大把女仔揸法拉利啦!

但你必須明白,Lamborghini係唔同法拉利!

Lamborghini係一隻狂牛!

歷代Lamborghini所使用既Model名字,都係使用曾經叱咤風雲既鬥牛名字改成!

Lamborghini就係狂牛既化身!

唔係鬥牛勇士既你千萬唔好諗住揸佢!

你凌駕唔到佢!

「信我啦~我手車好好架~」Emma掀開鍘刀式車門。

我手震震咁掀開鍘刀式車門...

坐上真皮跑車座椅...

貼地既車身令到我有好似坐喺地下既錯覺...

Emma用佢隻纖纖玉手掀開紅色蓋,按落個發出紅色光既“START ENGINE STOP”字樣既黑色掣道。

“吼!”我感覺得到我背脊好似有隻狂牛要衝出黎一樣!

“依...”Emma一俾油,LP 700-4 Roadster就衝住去!

“吼~吼~吼~吼!”咩叫超跑?

轉彎定,俾油快,ENGINE吼吼聲!

一架成差唔多八百萬既超跑,我重新做人好幾世都買唔起...

你可能會諗有八百萬會買超跑定買樓好。

但我同你講,你得嗰八百萬喺手就唔好諗買超跑~

你買唔起~

一架超跑其實係一件玩具~

你有幾多身家先捨得買玩具?

我會用十分之一既身家。

則係我有三萬放喺銀行先捨得用三千幾蚊買部PS4。

照咁計則係我有八千萬放喺銀行先捨得買架LP 700-4 Roadster...

有八千萬放喺銀行我諗我層樓都起碼值成億喇...

所以話八百萬一部LP 700-4 Roadster既意義真係八百萬咁簡單?

唔知係唔係因為靚女揸靚車既關係,路上既司機都好禮讓...

平時D司機大佬抽頭就去,你耷慢一步都刮花你架車!

但而家,就算係林雪都會讓我地行先...

唔好話司機,行人都好禮讓...

平日旺角D馬路人多過車,行人大搖大擺喺條馬路上面行,車都要讓人。

但而家,D行人望一望Emma,笑笑口點點頭讓我地行先...

雖然係咁...

但我深心就連一D優越感都無...

坐喺Dream Car上面的確好興奮,之不過...

內心深處總有一絲絲鬱結...

“吼~吼~吼~吼!”

好快,我地就衝左上高速公路。

靚車美人~你叫我專心喺邊樣好?

梗係兩樣同時享受啦~

感受住Aventador LP 700-4 Roadster既高速之下,我偷偷望一望Emma對髀...

大家唔好以為,坐開蓬跑車就可以見到Emma條短裙俾風吹到飄下飄下,可以一嘗Emma既裙下春光~

其實閂左窗,就算係開左蓬,車廂內都唔會有風。

有既話都唔係顏射嗰隻。

超跑既空氣動力學真係唔講得少!

就算係開左個蓬,空氣都唔會衝入車廂,令車身承受更大風阻。

我都係唔好拉到咁遠,有興趣既朋友可以自己上Lamborghini官網睇下。

雖然唔可以一嘗Emma既裙下春光,但係可以欣賞到Emma既髀形...另有一番風味~

Emma對腳一收一放,大髀上既粉紅色短裙就越攝越入~

攝下攝下,攝左一條溝出黎~

條溝既闊度真係岩岩好可以塞我正值硬晒既JJ落去~

Emma對髀咁滑真係KY都唔駛搽~

而且條短裙攝得越入,就拉得越高...

粉嫩既大髀就展露喺空氣之中...喺我雙眼之中...

呢種大髀真係百看不厭~

真係好想摸下睇下係Ashlynn滑D,定係Emma滑D~

我估就係Emma滑D喇~

Emma後生小小,而且又保養得好D~

我已經認定Emma係用牛奶沖涼架喇~

望下望下,再望上D...

隱約望到Emma個三角位~

我都好少可以𥄫到女仔既三角位...

除非係D著熱褲既MK妹啦~

不過我都唔係咁鍾意𥄫嗰D...

嗰D熱褲直頭緊到個西形都露埋出黎...

唔得...唔得...

我都係鍾意𥄫返好似而家Emma咁~

男人就係咁奇怪,脫光晒唔夠過癮,硬係要若隱若現先夠挑逗~

我都唔明點解~

或者係一種犯罪心態掛~

“吼~吼~吼~吼!”好快就轉到上山~

係時候要收起狼心!

因為一陣見客既地方好危險...

唔可以有任何偏差...

我會形容嗰個地方係...男人禁域!