Emma帶住憐憫既眼神行到我面前,就好似天使憐憫可憐既世人一樣。

『Emma…你點會黎既?』我帶住微笑...

我習慣對住任何人都要強顏歡笑...

「我好擔心你...」Emma捉住我雙手…

Emma擔心我?



你太好喇...你對任何人都咁好嘛?

『我OK喎...你...入唔入黎坐下?』始終有客人黎到,無理由要客人企喺家門外。

「嗯...」Emma點一點頭。

『隨便坐~地方淺窄...要你屈就喇...』我急忙整理一下地方...

「唔唔...」Emma帶住微笑擰擰頭,將平底布鞋仔除過後,坐到木梳化上,「呢間就係飛揚成長既屋企~」



『嗯~係丫~我由細到大都係住喺呢道...要飲D野嘛?』我急急忙忙入廚房,睇下有D咩可以招呼Emma呢個貴客。

「水得啦唔該~」

徹底清洗隻玻璃杯,斟D暖水,插支飲管...

出返廳,望見Emma翹住腳坐喺將木梳化上,頓時覺得呢間唔係自己住左廿幾年既屋企。

高貴大方既Emma實在太靚,置身喺任何地方都唔會減低佢既吸引力...



只見Emma左望望,右望望,好似好好奇我間屋咁。

『飲啖水先~』我將杯暖水送到Emma手中。

「唔該~飛揚真係好細心~連屋企都可以有飲管~」Emma甜絲絲咁啜一啜支飲管。

『邊係呢...係呢,你點知我住喺呢道?』地方太細既關係,連自己都無得坐,只可以企喺道...

但企喺Emma身邊,由上而下咁望落去,難免又望到Emma豐滿既北半球...

仲要見到白色Bra...

「要知你住邊...其實唔難~」Emma帶住微笑望一望我。

咁又係...



隨便問一問肥豬都問到啦~

『係呢咁...你今日唔返工?』我問完呢條問題先覺得自己有D蠢...

Emma鍾意返就返,唔鍾意返就唔返架啦~

「無左你既公司,返黎仲有乜意思...」Emma情深深咁望住我...

Emma咁講係乜意思?

係喎…或者Emma唔想孤零零一個人喺公司道呢...

『咁公司咪無人囉?』呢條問題就更戇鳩~



我都無撈啦!仲擔心公司咁多做乜?

「嘿嘿~由得隻肥豬自己一個人忙都好架~鬼叫佢平日乜都交晒俾你做...至於你...咁多年黎,你都無點放過大假~我同佢講左當俾你清大假~」Emma企起身,向住我同阿Wing間房行過去。

下?

即係話我仲有糧出?

『但得佢一個人做,做唔掂架喎...』我跟住Emma身後。

「你會唔會人太好喇~呢D時候仲擔心其他人...」Emma行左入我同阿Wing間房後,轉一轉身望住我...

『ER…』都係既…隻死肥豬平日咁對我,而家既我真係話知佢死啦!

最怕係我返到去,又要我去執手尾姐...



「你同你細妹既房~好多你細妹既相喎~」Emma望一望四周。

『係丫~女仔鍾意影相嘛…』同Emma身處喺自己既房間,硬係有D唔習慣...

「仲有好多都係同你既合照呢~」Emma望住張阿Wing攬到我實一實既相...

『係丫…細細個既阿Wing已經係由我照顧...所以好多時都係我同佢合照~』一張又一張合照,平日都好少機會會認真睇下。

而家睇一睇,又真係好溫馨~

「好令人羨慕呢~我都好想可以俾人照顧...」Emma若有所思咁望住張相...

『大把人照顧你啦~』我好不經意咁口快快噏左出黎...



仆街喇...我咁講會唔會太過唐突呢?

只見Emma擰擰頭...

我係唔係講錯野...

CCTVB D劇都係話有錢女無人錫,就係得物質同物質...

現實中又係唔係真?

其實我好想問問Emma,但又唔知點問...

就咁開口又好似怪怪地...

「上面係你瞓既床?」Emma望一望張上格床。

『嗯~』不過好幾日都無瞓過...

「我可唔可以上去睇下?」Emma已經準備爬上去。

『可以...不過小心D...』我想上前扶一扶Emma,但又唔知應該扶邊道...

扶佢條腰?托佢屁股?

我喺後面望住Emma對美腿...望到上個屁股...

只見Emma個屁股擺下擺下,條短裙又飄下飄下...

Emma越爬越高,已經見到Emma條白色底底...

我呢個角度睇得好清楚....

絲質既白色底底反反地光,仲有D Lace係條底底邊...

眼定定望住Emma條底底同美腿,我條JJ又開始硬起黎...

Emma爬一爬到我張床道,轉一轉身,曲一曲起對腳坐定定四圍望。

話時話,我將床有無D不雅既毛...有無D乜係唔見得光架呢?

唔見得光...死喇!安全套!

尋晚同阿Wing研究完之後,我有無收返好呢?

俾Emma見到就尷尬喇...

「飛揚~上埋黎丫~」Emma一副期待既眼神望住我。

『哦哦...』我輕輕彈兩彈,就彈左上張上格床。

上到自己張床,有少少唔習慣...

一來都有好幾日無瞓過呢張床,二來張床多左Emma...

『Sorry…張床有D細,同有D近天花...』我唔係咁好意思要屈就Emma。

「唔緊要~我反而覺得好有安全感...」Emma面紅紅咁點點頭。

安全感?

我又諗起安全套...

死喇...盒杜蕾斯放左喺邊呢?

我對眼碌下碌下四圍望下...

望下望下望到盒白色野喺Emma背後,床尾既位置,攝左喺角落頭道!

仆街喇...一定係我尋晚怕夜長夢多戴起個套就砌阿Wing,所以手快快掉左盒套上黎...

死喇...盒套仲要係家庭裝,Emma會唔會誤會我晚晚都要瘋狂做愛先瞓得著架...

其實唔係咁架唔係咁架!只係因為家庭裝買一盒送一個我先買架咋...

屌!而家唔係諗藉口既時候,而家應該係諗點樣收埋佢!

「呢隻熊仔咁得意既?身上插滿晒劍既?」Emma第一樣喺我張床發現既,竟然係以前同Ashlynn做完愛,佢都會拎黎玩既公仔...

『係丫…呢隻叫劍熊~係我以前女朋友話隻熊就係我...D劍都係佢插既...要我記住我點傷害佢,佢就用幾多把劍插到我身上...』都唔知有無黏過我D精液,或者Ashlynn D淫水添...

「邊有人用劍插自己男朋友架...」Emma帶住一雙憐憫既眼神,摸下摸下隻劍熊個頭...

『可能佢真係好憎我...』我拎走Emma手中既劍熊,免得俾Emma喺劍熊身上,發現唔見得光既毛髮...

「你個Ex咁對你,你唔嬲架咩?」Emma疑惑咁望住我...

『嬲?果陣時又真係無諗過喎~是旦啦~愛得越深,恨得越甘丫嘛~可能佢太過愛我啦~』可能係我唔夠愛Ashlynn啦...

『你真係好特別...』Emma忍住笑咁打量左我幾眼...

又好特別...

其實又有乜咁特別呢?

我只係盡量將D唔合理既事合理化姐...

做人好多時都係咁架啦...活在當下丫嘛~唔係可以點?

「我從來都未試過喺咁高既位置瞓覺架~」Emma就好似D細路女發現新大陸咁,望一望落下面。

『係丫?其實都幾危險架~』我想轉個身去Emma後面,拎一拎走盒Dom Dom...但張床又太細太窄,我又過唔到去...

「係咩?但我覺得好得意~」Emma想轉一轉身望向床尾。

死!俾Emma轉身既話,佢一定會見到盒套!

我情急之下一手就捉住Emma對膊頭!

Emma定一定,好似俾我嚇呆左。

『係丫~其實真係幾危險架~好似話瞓瞓下唔知會唔會碌落床架嘛~』我尷尷尬尬靠近牆邊...

我努力嘗試趴個人去勾盒攝住喺角落頭盒套...

「乜你好翻瞓架咩?」就喺呢個時候,Emma亦都挨左埋牆,壓住左我隻手!

Emma既背脊完完全全壓實左我隻手臂,我郁都郁唔到!

而Emma亦縮起對腳,條短裙滑到落去小複!

一雙雪白美腿盡在眼前...

仲有若隱若現既白色底底...

『我…我都唔係好翻瞓既…』都係講下野,分散下注意力…

「咁你有無試過碌落床?」Emma挨到落我身上...

『咁又無...』我隻手唔知放邊道好...

我想繼續嘗試勾盒套,但我已俾Emma夾到實一實,唔敢亂郁。

手掌又唔知放得去邊...

Emma輕輕擺動一下身體,我隻手指公就掂到佢條底褲邊...

SHIT!底褲邊丫!好危險丫!

Emma條底褲好滑手,明顯係高級質料!

呢種內衣褲明明就係用黎挑起男人性慾!

唔係咁既…唔係咁既…

真係令女仔著起上黎舒服D姐...我明既...

冷靜D...冷靜D...我岩岩先失戀...

係咯…我岩岩先失戀...仲有乜好忌諱...

「飛揚...我可唔可以問下你...」Emma細細聲講。

『嗯嗯...』Emma想問咩?

「你女朋友咁對你,你會唔會好傷心?」Emma更細聲。

『唔...』Emma突然咁問一問,我又唔知點答。

係唔係好傷心,我又唔可以立即答話好傷心。

但係個心就硬係頂住頂住咁...

呢種係乜野既感覺呢?

『你問我係唔係好傷心,我又唔可以話好...或者係一種恨掛...』我不自覺咁摸左落Emma個屁股道...

我做咩抽Emma水呀?!

但Emma又好似唔係好介意咁...

「恨?」Emma困惑咁望住我。

『嗯...』我點一點頭,『你知道嘛,我戴綠帽仲要俾佢數...』

Emma好似唔係好理解咁望住我。

『佢失蹤左成個星期,原來同左第二個男人去開心,嗰個男人仲要係佢好姊妹既男朋友...』我咁講Emma明唔明呢?

只見Emma好留心咁聽我講,好似一個等緊聽故仔瞓覺既小妹妹。

『到俾我踢爆左,佢都仲要數臭我...』我眼前出現返Ashlynn點樣指住我黎屌。

Emma攬住左我條腰,抬頭眼定定咁望住我...

『自問唔係對佢唔好...佢要乜,我都盡量俾晒佢。佢想點,我都聽晒佢話。係...我係無自己既樓,我無車,甚至連車牌都未考...我陪唔到佢去旅行...我窮...』我係好窮...

Emma將我隻手放到佢屁股上,再攬一攬實我。

『我係窮,我都好努力去為佢付出...六年喇,佢有咩想要而係我力能之內無盡力俾晒佢?!我就係俾唔到層樓,俾唔到架車,陪唔到佢去旅行姐!但點解仲要話我無出色...話我唔上進...點解佢要咁對我呢?俾綠帽我戴咪算囉!做咩要將所有罪名推到落我身上?!』我真係好恨Ashlynn...

一個讓我付出最多既女人...

「Sorry…」Emma趴喺我心口細細聲講。

『傻啦~都唔關你事...我應該多謝你先岩,要你聽我講咁多廢話...』我輕輕搓一搓Emma個屁股...

我做乜咁多手呀?!

不過咁樣搓一搓,Emma個屁股好彈手呢~

再加上絲質布料...Lace邊邊...

Emma震左一震,縮左一縮…

可能Emma唔鍾意咁俾我摸...

我唔係有心架!我真係唔係有心想抽水架!

我都係鬆返開隻手,唔再放喺Emma個屁股道。

雖然無得摸住Emma屁股有D可惜,但仲有另一樣更吸引,就係Emma對豐滿乳房。

其實我一直都感受住Emma對乳房既柔軟彈性~

我好似好耐都無摸過咁大咁豐滿既乳房...

「我可唔可以瞓下你張床?」當我仲喺道幻想緊可以摸一摸Emma,Emma問起一條咁奇怪既問題...

『可以...可以...』其實又無乜所謂既...GiGi都瞓過啦...

Emma回身想拎一拎張被之時,佢定一定身,眼定定望住個床角...

SHIT!盒套!俾Emma發現左添!

Emma拎一拎起盒杜蕾斯…

『之前用剩既...哈哈...』我尷尷尬尬...

擔心咁多又點呢...到最後都係俾Emma發現...

「你...每次都會用架?」Emma拎住盒套,塊面超紅咁望住我。

『嗯~佢怕有BB嘛…』但就唔怕有James既BB囉...

「咁...你唔會覺得...無咁舒服架咩?」Emma塊面越黎越紅。

『都有少少架...不過安全丫嘛~政府宣傳短片都有教啦~愛自己、愛別人,要有一套丫嘛…哈哈...』我而家就真係有D後悔,點解當初唔中出Ashlynn一萬次!

「咁...你都真係一個好好既男人...」Emma含情脈脈咁望住我。

『係咩係咩...OK啦...哈哈~』我都係快快手手拎返走Emma手上盒杜蕾斯,收返好佢。

當我收返好盒杜蕾斯放返入個盒仔道之後,Emma拉一拉起張被,我地就瞓左落床。

『Sorry丫...張單人床有D窄...』我同Emma面貼面,貼得好埋。

我唔係好敢正視Emma...因為Emma既美貌實在太易令人著迷...

「唔緊要~我覺得好舒服~好安心~」Emma再貼近D...

我地差唔多係鼻貼鼻...

我可以好清楚感覺到Emma既呼吸,佢個嘴仔好香...

今次唔係士多啤梨味,係咩味呢?

當然唔少得仲有Emma既體溫...

「可唔可以攬住我?」Emma對大眼仔半開半合咁,但都好大對。

『哦哦...』我撓一撓過Emma條小蠻腰,攬一攬住Emma。

Emma都伸一伸手翹住我條頸...

「由細到大,我都未試過俾人攬住黎瞓...我無哥哥,無家姐...就係得我一個獨女...」Emma𡁯一𡁯長個嘴仔...

Emma變得好似細路女咁。

『咁你父母一定好錫你~』我輕輕掃一掃Emma背脊,就係隔住件衫都覺得好滑。

「佢地係錫我,但無時間陪我...我經常都係自己一個...無人陪...無人攬...」Emma用一用力,拉一拉我埋去。

我已經貼得好埋,仲差D就錫左落Emma個嘴道...

我都用力攬一攬實Emma,但呢一下攬實,Emma順勢轉身,我就壓左上佢身上...

我雙手俾Emma壓住左喺床道,個身又壓喺佢身上,我條JJ仲要喺Emma大腿上磨下磨下...

Emma對乳房真係好豐滿,就算係瞓平左,我個胸口都感覺到佢對乳房彈下彈下...

一對又豐滿...又有彈性既乳房...

唔得...唔可以再諗色色野!

我條JJ會越黎越硬架!

Emma會感覺到...到時就尷尬喇!

我嘗試撐返起個人,但Emma又箍得我條頸好實。(實際上係我自己唔捨得...)

我聞住Emma由秀髮散出黎既香味...

總有一㮔刺激神經既作用...

我感覺到我既心跳加速,仲貼住喺Emma大腿上既JJ開始硬起黎...

仆街喇...都話我條JJ好撚敏感架啦!

唔得...再係咁落去,會俾Emma發現我扯旗...

會誤會我想佔佢便宜...

會誤會我想搞佢架!

但好明顯我真係想搞佢啦...

唔得架唔得架...要控制一下自己既情緒,分散下自己既注意力...

諗下其他野,將觸覺放喺其他地方!

但仲可以放係邊丫?

我成個身都貼住左Emma喇!

唔得喇...真係越黎越硬,越黎越大碌...已經變左條巨棒!

而家既Emma無可能唔知,佢條大腿一定感覺到我條巨棒已經充晒血!

完全係進入作戰狀態!

我緊緊攬緊Emma,用胸口感受佢對豐滿雙乳,用巨棒感受佢條大腿既彈性。

我用力聞一聞,Emma既少女體香。

『嗄…』我忍唔住抖左一啖大氣。

我隻手開始有動靜,我好想...好想可以...親手摸一摸...摸一摸Emma對...

「飛揚...好多謝你俾到我從來都未試過擁有既安全感...」Emma好溫柔咁喺我耳邊講。

安全感?

俾Emma咁講一講,我崩潰既意志又立即返晒黎!

Emma覺得我俾到安全感佢?

我...Emma咁信任我,我竟然...

竟然想侵犯佢...

無人性架我...我簡撚直唔係人!

Emma係一個好女仔!點可以因為我一時既衝動,破壞佢既清白之身...淫辱佢?!

唔可以咁架!唔可以咁對Emma架!

我完完全全打消晒想摸Emma既念頭,乖乖地攬實Emma。

Emma都好似好舒服...好享受...好放鬆咁...瞓著左?

『Emma…』我細細聲喺Emma耳邊叫一叫佢。

但Emma好似無乜反應...

我慢慢起一起身望一望Emma個樣,佢真係甜絲絲咁瞓著左...

呢個Emma...點可以隨隨便便喺人地張床瞓著架?

仲要係男人張床...

唉...

「唔唔...」我望多兩望,Emma又用一用力箍返我落去...

唉...

好喇好喇,等我做下你既攬枕啦~

有時候,男女之間既相處唔一定要色色。

有時候,一對男女可以攬住一齊瞓,比起出野更滿足。