「飛揚...」Emma扁扁地嘴咁行埋我身邊...

『點解你會喺道既?』我一頭問號咁望住眼前既Emma。

「我離家出走...」Emma谷一谷起塊面豬登...

『下?』我唔係好明Emma既意思...

「我知道我爺爺黎搵過你...仲同你講左D好難聽既說話...所以我嬲起上黎咪離家出走囉!」Emma谷到塊面都紅埋...





『哈哈哈~咩離家出走姐~你根本就唔係住喺你爺爺道~你自己一個人住架嘛~』我真係頂呢個大小姐唔順~

Emma係唔係仲未搞得清楚離家出走既定義?

「我就係要連自己企屋都唔返!等佢擔心下!」Emma叉一叉住自己條小蠻腰…

『哦...咁你今晚諗住點丫?』睇黎Emma係認真架喎...

「喺你道過夜~」Emma單起隻大眼睛,向我整左個雙槍手勢...





喺我道過夜?!

即係話...喺我道瞓?!

唔係呀嘛?Emma唔係講真架嘛?

就喺我仲打量緊Emma係唔係講真既時候,我感覺到D三姑丫...六婆丫...七叔丫...八嬸丫...B女丫都喺自己個鐵閘鬼鬼祟祟咁偷望出黎...

『都係入黎先講...』唔係既話,聽日朝早我就會成為呢棟公屋既焦點...





“啪啪啪啪”一入到屋,第一時間開晒全屋D燈先...

孤男寡女獨處一間咁鬼細既屋仔裏面,光猛D,安全感都大D~

『飲D咩?』屋企仲有D咩野飲可以招呼下Emma呢位貴賓呢?

「酒丫~」Emma除左對布鞋仔之後,輕輕坐落木梳化上。

『無酒丫~飲水啦~』我先唔會俾你飲酒...

一陣醉左就真係唔知會發生D乜事...

斟杯暖水,插支飲管落去,放到Emma手中:『估唔到你會任性成咁架喎~』

「乜我真係好任性咩...」Emma扁扁地嘴…成個細路女...





『ER…都唔係既…對比起你話因為要去迪士尼,累到你爺爺無左十億生意黎講...小巫見大巫啦~』我半帶恥笑,話一話Emma。

「咁佢今次真係好過份丫嘛…」Emma啜兩啖水。

『咁佢都係關心你,擔心你會俾人呃姐~』雖然我唔係一個騙子...

「咁都係姐...我大個女架喇嘛…我有識朋友既自由!我識分邊個待我好,邊個待我差架喇~」Emma咬一咬下唇。

誰人待我好,待我差,太清楚?

你又唔係水瓶座~我先係丫嘛~

『但你咁樣走出黎,你爺爺咪仲擔心囉~』雖然我唔認為Emma咁樣算係離家出走~





「俾佢擔心下都好架!等佢唔好下下都管住晒!管住晒!管住晒!管住晒!管住晒!管住晒!」Emma又谷起塊面豬登。

『唉~怕左你喇~咁你都Send個WhatsApp俾佢,報個平安都好丫~』任性起上黎既Emma,都真係幾細路女下~

「唔Send!」Emma翹起對手谷起塊面豬登擰歪面...

『拎部電話黎,等我幫你Send喇...』我伸出手。

「唔要!」Emma搖一搖個身...

『咁我打俾肥老闆,同佢講你喺我呢道,叫佢搵你爺爺黎接你走喇~』我拎住部電話,扮晒野咁撳撳撳。

Emma立即行埋我身邊,拉住我隻手搖下搖下:「唔...飛揚丫...你唔係咁對我丫嘛…唔好咁啦...唔好咁啦...我好可憐架...」

望住Emma個扁嘴樣...我投降...





『唉~好喇好喇...但我呢D家徒四壁,地方淺窄,無乜野招呼到你架咋...』你都唔好話,我只係想搵個地方舒舒服服咁坐下都無...

「唔係丫~我覺得OK喎~」Emma喺我個廳道轉下轉下...

條粉紅色碎花吊帶連身短裙就飄下飄下,擺下擺下...

Emma對修長美腿丫...好白丫...好滑丫...

好想...摸摸丫...

死喇...我既注意力又俾Emma對美腿吸左埋去添...

講開又講,Emma唔係著短裙,就係著短褲...著長裙既次數就只有我幫佢買嗰條一次咁大罷...





其實佢係唔係有心賣腿架呢?

我都好明白女仔係會將自己既優點表露無遺黎吸引異性既目光~

就好似D貓咁,發情期既時候,又要叫春又扯直晒條尾露出個西引人屌~

好多女仔都係咁,我明架~

我唔係話Emma賣腿有問題,我係覺得Emma咁完美,唔使刻意賣腿都夠晒吸引力啦~

更何況離家出走去我道,要賣俾邊個睇呢又?

望住Emma喺我間狗竇道輕輕舞著舞著...

「飛揚丫~你介唔介意借個浴室俾我沖個涼丫...我嬲得制匆匆忙忙咁衝左出黎...仲未沖涼...」Emma雙手放後,擺下擺下個身。

『哦哦...可以...可以...你唔介意個廁所細既話...』我個廁所細到唔見得人架喎...

Emma嗰D浴室,分分鐘仲大過我個廳...

有晒摩浴缸、蒸氣房、桑拿房、光波房咁架嘛…

我個廁所嚴格黎講得個屎塔同花灑...

好屈就Emma姐...

「咁你可唔可以借埋套衫俾我換丫?」Emma繼續擺下擺下個身體...

『我D衫...OK既...』死喇...我有D咩衫見得人,可以借俾Emma換架呢?

我走到房裏面打開個衣櫃,係裏面搵下有無新淨D,正經D既衫褲俾Emma著...

但成個衣櫃裏,唔係假既亞D打屎,就係假既泥茄...再唔係就初音含撚樣...

仆你個街,當初我做乜貪平買D咁既衫返黎架?

搵左好一陣子,終於俾我搵到件純白色既Tee同條黑色運動褲俾Emma~

等我再拎埋全新未用過既浴綿出黎:『衫褲洗乾淨未著過...浴綿係新既未用過...廁所裏面既所有野都可以隨便用~』

「唔該~」Emma甜絲絲咁接過我手上D衣物浴綿後,轉身行入我個廁所...

“啪”一聲閂門聲後,我個腦先跳出一句“Emma喺我個廁所沖涼”!

Emma喺我個廁所沖涼...Emma喺我個廁所沖涼呀!!!

Emma會除晒D衫...一絲不掛咁喺我平時沖涼既廁所裏面沖涼...

光脫脫丫...光脫脫丫...光脫脫既Emma丫...

諗一諗嗰個情境...Emma既雪白美肌...一對豐滿乳房...纖幼小蠻腰…仲有我最愛既修長美腿...

嗚呀!諗一諗都扯晒旗!

仆你個街點解可以咁刺激?!

唔得架...唔好再諗...唔好再諗喇!

唔可以淫慾Emma架...

我係唔可以對Emma有性幻想架!

幻想下姐...幻想下都唔撚得!

我唔可以咁架...我唔可以咁對Emma架!

就連諗下都好似褻瀆神明咁呀仆街!

我要保持冷靜...冷靜D...

色即是空...空即是色...受想行識...亦復如是...

我們在天上的父,願人都尊你的名為聖...

What the fuck are fucking fuck!

好喇好喇...冷靜返D喇...冷靜返D喇...條JJ無扯得咁行喇...

“灑”一下花灑聲...

Emma除晒衫,已經赤裸裸咁沖緊涼?!

除晒衫...一絲不掛既Emma...

“滴滴滴滴滴滴滴滴滴”暖水灑到柔順既髮絲...流落精緻既面蛋...再由粉頸流到落豐滿既雙乳...直流到纖幼既小蠻腰後,滑到落小腹...沾濕已修剪過既陰毛...流到落修長既美腿...

嗚呀!太正啦!

唔得喇...唔得喇...係男人既又點可能忍得到呀?

我個腦全是Emma既裸體呀!

唔得喇...唔得喇...我扯到成條巨棒快要頂穿條褲啦!

好想𥄫Emma丫...好想𥄫Emma沖涼呀!

氣窗…氣窗…

痴撚線架咩!𥄫人沖涼咁缺德既野都諗得出來?!

係人唔係呀?!

嗰個仲要係Emma黎架!

Emma…Emma…

好想打丁丫...好想諗住Emma黎打返個丁丫...我要出野丫...我要出野呀!

我係唔係要開Emma個Facebook,望住佢D相黎丁一丁?

丁一丁…丁一丁…

我立刻坐到喺電腦面前,開著個Chrome...開Facebook...搵Emma個Facebook!

當我一撳落Emma個Facebook,見到我同佢既合照...D短裙相...佢D晒腳相...D黑絲相...D靚相之時...

屌你老母係唔係變撚態架?!

人地喺你屋企沖涼,你就聽住佢D沖涼聲,望住佢D相黎打丁!

Emma一陣沖完涼出返黎之時,你叫我點面對佢呀?

屌你老母諗到嗰個都唔係人黎架!

我立刻交叉返個Chrome,“啪啪”醒自己兩巴...

冷靜D...冷靜D...唔好做D會令自己後悔既事...

唔可以褻瀆神明...唔可以褻瀆神明...唔係既話,會俾高登一眾巴打燒春袋架!

再搵D野分散一下注意力...

但應該搵咩好呢?

上網?求鳩其搵D野黎丁?

唔好再上喇...一陣又忍唔住撳左去Emma個Facebook入面...

聽歌...係喇!聽下歌分下神好!

聽咩歌好呢?

唔好理咁多喇!開著部收音機,聽到咩歌就咩歌啦!

我咋咋淋開著部殘到爆既收音機...

收音機裏岩岩出現一首音樂...「今日收到同一個班底,都係伍樂城加上Wyman,當然唔少得既係Juno啦...耿耿於懷續集...」

“十年又過去 舉止仍像少女

你跟我每夜仍聚聚 到夢裡追

贈你哈囉吉蒂那玩具 這天早變作茉莉香水

你的笑 卻是照舊和煦

留在你漫畫書裡 當初那美麗神仙伴侶

就像那青春洪水 現在已經不可能追”

呢首歌...

“那故事倉猝結束不到氣絕便已安葬

教兩人心裡有道不解的咒沒法釋放

讓我們打聽對方今天過得一切平安

縱使相見已是路人茫茫 臉書等愛侶入睡卻偷看”

點解好似...

“自離別剎那 今生停頓了嗎

縱使我最後曾認命 邂逅了她

但信一天總會再遇吧 我想聽你說別喜歡她

你跟我 以後抱著回家

其實你是一幅畫 狠狠往這舊人心上掛

現實過得不順嗎 定定望向這畫中曇花”

好似好到肉...

我個心一路跟住個節奏跳動...

“那故事倉猝結束不到氣絕便已安葬

教兩人心裡有道不解的咒沒法釋放

讓我們打聽對方今天過得一切平安

縱使相見已是路人茫茫 記憶中你仍像初戀好看”

阿月...

”吻過二十年還未寒 離去六十年仍熱燙

共你就似被舊情下了降 像下了降

每晚都想起對方”

點解我個心會不停諗起阿月?

點解我眼前不斷閃出以往同阿月一齊既影像?

我地坐喺公園道談心...

我地一齊偷偷地去無乜人見到既地方食早餐...

我地一齊溫書...

一齊去到學校附近,各自各前後腳行入校口...

“誰亦會講 假使那樣懷念必會再次有迴光

其實只要 讓我耿耿某人思憶早閃閃發光

個個也探問愛戀不老的秘方 唯獨壯烈離座可百世流芳

你未忘 我未忘 猶勝伴在旁”

點解同阿月相隔左咁多年無見,感覺依然好近...

就好似一直都喺身邊咁...

好似從來都無離開過...

好似...好似...

“那故事倉猝結束不到氣絕便已安葬

才成就心裡那道不解的咒沒法釋放

讓我們打聽對方天天過得一切平安

縱使相見已是路人茫茫 這生恐怕會念念你不放”

「零四年耿耿於懷既班底,伍樂城既曲,Wyman既詞...」

“流連著不想過對岸”

「Juno負責監製,伍樂城都係負責監製...耿耿於懷Part Two,歌曲名字叫做念念不忘。」

一直以黎,一棵名字叫做Cherry既大樹栽種喺我心裏面...

一直以黎,呢棵大樹都吸收我既心血茁壯成長...

我一直都無正視呢個問題...一直都只係收埋佢...

一直以為收得越埋,就可以當無件事...

但係...

無錯...

念念不忘...

我對阿月或者就好似呢首歌咁...念念不忘...