「no la」
其實我都係得個4殺,打得唔算好,一黎我覺得我冇資格教人,二黎我唔係gay,三黎你實在太煩,就算我carry曬全場都唔想理你。

「點解喎…T—T」
「I'm not gay」
「...」
就係咁,冇下文,我終於可以擺脫呢個變態佬。
當時我真係咁覺得,但係幾分鐘後...

「唔緊要啦,你唔教我我地都可以做朋友架嘛!:)」


我到底應該點答?朋你老味?唉,都唔知係咪打得飛機多,宜家上天要懲罰我。

「...」
「就咁話架啦!:目」
「…」
「其實你係咪唔識打中文?我可以教你架喎;)」
「no」
「哈哈,你真有趣!」
趣你老味,我突然覺得自己一直覆佢先係問題所在,如果我唔理佢咪得囉!都唔知點解一直都會覆佢咁on9。
...


...
...
佢一直等唔到我回覆,一直無再講野,阿媽我得左啦!

「你係咪怕羞呀?」
我唔會上當架啦,你死心啦。

「你真係怕羞?哈哈哈!你好得意呀XD,做咩唔覆我?唔洗怕羞喎,姐姐請你食糖糖啊XD哈哈哈」
fuck!你真係好絕!我再唔覆你就好似個怕羞仔咁……
咪住!姐姐?



「you are girl!?」
「梗係啦,我幾時話過你知我係男仔?-3-」

唔向左走向右走係掛?有女仔話同我做朋友!?