我係網上面識左個女仔: 第二十四章-戀情(5)

帶住疑問，呢日就咁過左。

第二日係禮拜六，唔洗返學，我打算落街食早餐。

一打開門……Anna！？
見到Anna係對面屋開左門，我個腦突然一片空白。
而佢都一樣，我地你眼望我眼，大家都呆左。

「Anna……？」
我首先開口。



「Frog……？點解……你會係度？」
「我……打算落街食野……你呢……？」
「我都係……一齊？」
我意思係你點解會住係我對面呀。

「好。」
食飯再問。

我地去左樓下一間茶記（對，又是茶記）。



「餐蛋麵呀唔該」
「火腿通呀唔該」
我地同時開口。
大家有啲尷尬。

「點解你會係我屋企對面既？」
我地再次同時開口，今次仲問埋同一條問題。

「我……不嬲住係度。」


Anna答左我。

「我姨媽住呢度，阿媽死左我就搬左黎……」
我都答左佢。

我突然醒起我應該要解釋果日既事。

「Anna……果日呢……我同Rummy唔係你諗咁架！」
「Rummy係我朋友，你偷食都偷遠啲丫嘛……」
死！我一提佢就有少少嬲，個樣仲有少少想喊……

「Rummy拿我黎激佢男友咋……」
跟住我將成件事解釋清楚翻比Anna聽。

「信我啦……我愛既只有你一個架咋！」


「我……」
Anna聽完好似未消化到咁，目光亦唔知應該放響邊而四處遊走。

最後佢whatsapp Rummy問清楚，之後就原諒左我。

今次係真既。

我地呢棵小樹苗終於捱過呢次風波。

我地開開心心咁食呢餐早餐，感覺呢間茶記既野食比我以前樓下果間甜得多，係因為Anna係我隔離嗎？