我係網上面識左個女仔: 第三十章-這不是導火線(4)

回家吧……
如果遇上Anna要怎麼樣？
我唔知應該點面對佢……
我假假地都係佢…阿哥？
唉……
雖然異父異母……
算了，先到處逛逛。
 
講起上黎，今日已經係六月一號。
你問我有咩特別？


Anna五號生日呀……
 
不過我仲未考慮好，點處理同Anna既關係……我到底仲可唔可能繼續同佢一齊？我可唔可以若無其事……？
 
唔理啦，我都好耐無行街，就趁呢個機會行下街買下野啦。
 
旺角其實好多野行，我一時之間都唔知行邊先好，呢個時候，我見到陸仔，自己一個孤伶伶……
 
「做咩自己一個咁dry呀？」
「唉……咪提啦，比人放飛機呀！」


 
結果就變成我同陸仔2個行街（唔係拍拖），去邊佢話事，唔洗我諗。
 
到最後我地由花園街開始行，行到朗豪坊陸仔收到電話，放佢飛機果班人原來只係玩下佢，依家係旺角，跟住佢就神采飛揚，趕住去投胎咁走左，我就繼續行多陣。
 
最後我係街邊鋪買左隻狗狗公仔，打算送比Anna做生日禮物，佢之前話生日禮物想要小狗，雖然唔係同我講，我亦送唔起隻狗仔比佢，不過我諗佢會中意嘅，但其實我唔知我到底會唔會送。
 
翻到去屋企，我攤係床度，望住白茫茫嘅天花板，再次思考。
 
其實理性咁諗，我同Anna一齊係無問題既，最多咪當阿爸係「世伯」，反正我同Anna無血緣關係，又唔算亂倫。


 
不過呢家唔係數學計數喎……Anna可以話間接有份害死阿媽，雖然佢唔知情，如果同佢一齊，可能日日都諗起阿媽，我個心都唔舒服啦……加上要日日對住阿爸……每次叫佢做「世伯」其實個心都好唔舒服，我真係得咩？我真係接受到同Anna一齊咩？
 
－－－－－我是可愛的分隔線（才怪）－－－－－
某放假中的讀者，如欲觀看以下內容，請出文:)