我係網上面識左個女仔: 第三十三章-這不是導火線(7)

我將個狗狗公仔比左陸仔，就好似將Anna交左比佢咁。

你問我點解會捨得就咁唔要個女友？點會捨得呀，但係我接受唔到自己繼續同佢一齊既話，不如搵個更愛佢既比佢好過啦……咁樣對大家都好，Anna可以有個愛佢既男友，陸仔可以追到佢想追既女仔，我……唔洗面對阿爸，三贏呀……

我叫左陸仔係Anna 5號生日果日比個驚喜佢，我會同Anna鬧交，叫佢乘虛而入，如果失敗，我就直接講分手，無論如何，Anna一定要幸福，同我一齊我根本比唔到幸福佢，陸仔愛佢多過我愛佢，好多……

我好似無講點解陸仔會識Anna？咁大家聽多個愛情故事啦。（才不是要撐字數）

Anna同陸仔其實同一間小學，即係話Anna係陸仔小學師妹。陸仔係小學三年班(被迫)參加課外活動嘅時候識到Anna，果時開始，陸仔已經鍾意左二年級既Anna，但係毒向左走向右走性格，無同Anna做到朋友，一直暗戀Anna，暗戀到陸仔佢六年班。



終於陸仔鼓起勇氣，去左搵Anna，問佢打算讀邊間中學，Anna對於陸仔唐突既問題無多留心，答左佢，跟住陸仔真係入左Anna所講果間中學，所以先識到我，呢個係後話啦。

不過Anna無入到第一志願，佢地最終都係唔同校，陸仔都以為自己四年暗戀終於要告終，佢勸自己放低，佢以為自己放低左，但佢中二某日，係旺角見到Anna出現，心跳既感覺突然出現翻，佢先發現自己仲鍾意Anna，跟住就鍾意佢到依家，一直以黎做Anna既「守護天使」，默默伴在旁。

陸仔中二開始節日呀Anna生日呀乜野特別日子都好，都會以「小蘋果」呢個名送禮物比佢，寫卡祝福佢果啲，至於點解要叫小蘋果，佢唔肯同我講，nvm。

你話啦，我比到幸福Anna定陸仔比到？

我有咩資格霸住Anna？



我退出，對陸仔先公平……

陸仔付出太多啦……