懶貓奴卡卡/《虐狗正人渣》
 

 
相信近日大家對呢隻已經死左既狗仔都唔陌生。
 
佢既「好主人」叫Jacky Lo,十二號晚仲話自己手上有六隻流浪狗,如果高登仔答錯問題就殺一隻咁話喎。
 
愛護動物協會隨即報警,話極度關注呢件事......
 




然後又係微博聲稱係內地逗留多日,根本冇登入Facebook,仲話如果警方搵到佢就會和盤托出。
 
好喇,其實我唔係報新聞既,只係想係度講下我感受姐。
 
首先,狗仔視你為最重要既一切,然後你居然好開心咁將一隻唔會冇犯錯又唔會反抗既狗仔殺死。佢可以咬你反抗,但係佢冇咁樣做,因為忠誠。
 
然後你又放上網,甚至對網民同警方作出挑釁。揚言會殺更多狗,簡直係罪大惡極!
 
網上有一班非常厲害既起底高手,將佢既資料爆出黎,仲表示呢個人仲係香港。但係警方居然話捉唔到人,我唔係質疑警方能力,我質疑既係警察包庇兇手完全係因為大陸人呢個身份。點解拉「政治犯」又咁高效率呢?
 




繼多個選擇性執法既事件之後,政府偏幫大陸人都唔係初次聽聞。但係當佢唔只係隨處便溺、同其他人發生衝突,而係將寵物殺死既時候,點解警方會冇動作呢?
 
我大膽假設幾項:
 
高登起底組失手──佢可能真係身處內地;
 
如佢係微博所講一樣──佢上唔到Facebook。
 
咁點解唔係主動澄清,而係微博表示「不評論、不發表、隔山觀虎鬥!」呢?
 




無論如何,疑點都太多,各位不妨思考一下......