學堂沒有教我的東西: 學堂沒有教我的東西 9 當差, 係用腦既

學堂沒有教我的東西 9    當差, 係用腦既    會場上， 呢三個人不停甘接觸人群， 又不停甘離開人群， 好明顯係吾想係鏡頭下曝光太多。 而係佢地不停解開靜坐人士既途中， 其中一個顯然係鍾sir, 10年無見， 佢依然係甘fit, 動作， 速度， 對時間既判決， 全部都一氣呵成。 我好記得臨*passing out 前個晚我同佢既對話。  個日， 佢以好嚴厲既態度挑剔我一d雞毛蒜皮野， 我都心知古怪， 直至佢話要留低我**extra PT, 我就知佢有野想同我講。“76, 你知吾知當差最緊要係咩?“ 鍾sir 係佢office內問我。“ 正直同誠實既品格， sir." 我行貨到不得了甘答。“ 你咪同我黎呢套啦。“ 鍾sir 立刻表現不滿。“er...., 個腦囉， sir" 我回想入學堂時， 教官既說話。“係觀察！“ 鍾sir 不經意甘話。“yes, sir!" 我答。 27個星期既訓練， 答yes sir已經係變相***muscle memory甘濟。“由第一日見你， 我都知你有武術底， 我無興趣知你學邊家， 因為吾重要， 重要既係你點用“。 鍾sir 呢一刻好似變左個人甘， 平時既嚴厲吾見哂， 反而似師傅多d."吾好以為識功夫當差有著數， 我當差三十年， 真係用到既， 數得出得三次，真正出手只係一次。“ 鍾sir 沈思後答。“甘少?“ 我聽完打左個突。“因為當差係用腦，吾係用對手“ 鍾sir又搬番呢套出黎。“甘辛苦日日練， 吾食得煙吾飲得酒， 作息定時，仲要藏頭露尾，先用得一次?“ 我個下完全不能接受。“兩個人打交， 最緊要係咩?“ 鍾sir 無理我反應， 繼續問。“當然係距離“ 呢樣野我完全吾使諗。“學堂教既， 同你識既距離， 有咩吾同?“ 鍾sir追問。“學堂教保持距離，係保護自己， 同埋有足夠反應時間比自已“，我將背左一千次既model answer背番出黎。“我師傳教既， 係短打既距離， 盡量埋身， 越埋身越有利“。我回憶師傅講過既說話。“甘學堂教既咪同你學既有沖突?“ 鍾sir笑著問。“甘。。吾同既， 吾同既情況用法吾同啫“。 我答。“甘即係你既觀察，會影嚮你既判斷， 從而影嚮你用既方法， 繼而影嚮結果啦?“鍾sir 歸納我既講法。我不禁點頭。"觀察, 觀察, 能夠旁觀, 先能覺察, 記住, 生死關頭往往吾係你吾夠投入, 而係太過投入. 十個有九個都係****隧道效應死既".  鍾sir 語重心長甘話."走啦, 吾想再見到你" 鍾sir 講完呢番話, 又回復番之前既冷漠, 我知道, 佢係睇在我有功夫係身, 吾想睇住我出到去逞強, 死左都吾知咩事...." thank you sir, good bye sir!" 我雖然無制服, 都不其然*****俾個五蚊佢. 作為多謝.   *passing out--- 學堂畢業典禮**extra PT --- extra physical training, 即係罰留堂, 加操****muscle memory---肌肉記憶(Muscle Memory)是一種自然法則，當你教你的身體如何做某些事時，像是騎自行車、衝浪、瑜珈、跑步，這會創造生理藍圖(Physiological Blueprint)。因此，即使你有一段時間不從事這些事情，當你又開始進行這些事時，會比起剛開始學時，身體能更快的熟悉這些事情。而肌肉記憶不僅包括身體如何完成事情，也包括肌肉組織的損壞、修補與重建。這個生理知識的觀念，能讓你從受傷、治療甚至是懷孕中，更快、更容易回到原狀，甚至比以前更好。(出自http://www.unclesam.cc)****隧道效應  --- 隧道效應常常在戰鬥中發生，意思是指你的視線集中對焦在一點而忽略其他環境資訊的狀況。警察常碰到的例子：商店被搶劫後，警察去做筆錄。詢問口供時，被害人通常可以把歹徒所持槍枝做出巨細靡遺的描述，就算不知道槍的型號，但是依然可以描述出精準的外觀。但是當詢問歹徒特徵時，被害人卻無法肯定自己的記憶，或是根本沒看見歹徒長相，甚至連口音、歹徒的口頭要求都無法正確回億。
以上這兩種情況都是隧道效應造成的，因為你的視線被一個強烈的震撼給吸引住( 胸部或是槍枝 )導致你無法對其他外界資訊進行判斷。 *****5蚊 --- 敬禮時動作, 因五指並合, 行內戲稱"俾個五蚊"對方