學堂沒有教我的東西: 學堂沒有教我的東西 11 著紅鞋 勾二嫂

學堂沒有教我的東西  11   著紅鞋   勾二嫂  就係我飲緊杯"茶走" 既時候, 茶餐廳既門推開左, 有個約莫5呎5, 黑皮膚既男人行入黎. 我既腦海又再有片段閃過... 記得以前入餐廳食野, 一定有甘入坐甘入, 貪佢冷氣大, 出學堂後有幸出左期*vice, 入面有個叫喳哥既人, 最鍾意戴住副黑超, 第一日坐低係荼餐廳就問我, " 你背住個門口坐, 張子強入黎你都吾知啦, 古惑仔都識揀門口位, 一眼關七, 方便走人. 你仲衰過古惑仔..." 自此, 我去到邊度食野都要望到個門口. 入黎茶餐廳既男人， 一眼就睇到我坐既位置， 而我， 亦係同一時間見到佢， 我叫左聲“ 鍾sir" , 佢亦好客氣地同我打招呼， 之後坐低， 嗌左個沙嗲牛米， 熱奶茶。 寒喧完一輪， 佢講左句， “我O記有個老死放風， 問有無人有興趣做*UC". 我聽完打左個突， 無諗過會突然間有個甘既offer.  老實講， 無間道既野， 拍戲就拍得多， 但有幾多人知背後既辛苦， 個套戲入面， 唯一一樣岩既野， 就係你個期限會不停甘extend, 雖未去到3年又3年， 但由3個月extend到半年， 再到一年， 亦都聽人講過。 試諗下， 成年吾番屋企係咩感覺呢。 重要既係， 吾單止你有影嚮， 一旦你單case, 上到court, 吾夠料， 告對方吾入， 又或者十個被告， 得4個夠證據, 其他六個無罪釋放。 甘你就要做好過街老鼠既準備。 係短期內， 短則一年， 長則兩三年， 吾好去人多人雜既地方。 免得比人認得， 追住黎打。  “ 著紅鞋， 勾二嫂“ 都係江湖大忌, 係家法侍候既， 講開又講， 點解二五仔， 叫著紅鞋呢，其實， 呢個係典故黎， 大家都知， 差人同古惑仔而都有一個共同既偶像， 無錯， 關雲長關二哥，而點解會同阿二哥拉上關係呢， 實在因為二哥乃係史上第一位有記載既二五仔， 無錯， 武聖的而且確係一個二五， 仲係人盡皆知添。  據《三國演義》第25至27回記載及有關傳說，劉備爲曹操所敗，關羽被俘，愛才惜將既曹操將關羽留居營中。曹操好器重關羽，請漢獻帝封侯賜爵，千方百計使關羽歸順投降，爲其所用。而關羽銘記桃園之情，忠心不移，心系使君。故有“ 身在曹營心在漢“ 之說。時移勢易， 慢慢就演變成形容二五仔既代名詞。 而著紅鞋之說， 源於關雲長之造型， 現代流傳下來， 主要為兩大類， 一為手持關刀， 腳穿紅鞋。 而另一造型為手持春秋， 腳穿綠鞋。 警局內關帝像為前者。 是以有“著紅鞋“為與警察勾結之意。  *vice --- 特別職務隊