學堂沒有教我的東西  14  無間道    星期一, 下午1400, 我準時出現在“公司“ 全名應該係澳洲牛奶公司先岩。 越多人既地方越安全, 這個心理學應用是絕對正確既。 黎呢度既人都知道, 呢間茶餐廳既特式, 一張四人餐檯, 同另外三個完全吾識既人坐埋一齊係好很正常的事。 呢個對食客黎講完全吾user friendly 既設計, 造就了我同我親生細路, Andy, 的非一般見面。 Andy, 陳國華, 28歲, 02年於學堂受訓。 比我年輕三歲。 Passing out 前被O記招募了接受臥底工作3個月, 結果延期了一年。完成後事隔半年, 又開始了另一臥底工作, 最後與他見面, 是3年前。正式來說, 學堂畢業後就無正式見過佢. 每逢生日過年, 都係番一番黎, 逗封利是, 跟住就走, 所以佢而家係肥係瘦我都吾知. 入到公司, 一坐低, 你只會有好急速既感覺, 係, 你真係要諗定好食咩, 一坐低, 伙計一埋黎, "A餐, 通粉, 炒蛋" 六個字. 太多或太少, 伙計都會露出" 你識吾識叫野食架" 甘既面口. 若果你順手叫埋飲野. SORRY, 佢會表露出一個" why so hurry?" 既眼神比你, 之後同你講, "慢慢黎, 飲野食完先叫" 初初黎真係比佢吹脹. 係呢度食野, 除左“貼錢買難受“ 我搵吾到第個更好既形容。 連杯超迷你凍奶茶都飲完甘濟, 我對面終於有個男人坐低, 點完餐後,佢講左句“ 飲甘多奶茶削精喎“  個下, 我知道, 我要等既人出現左。  果然, 無見三年, 我細路由一個金毛死靚仔, 變成一個中環四眼上班族。 手戴隻rolex, 加上個公事包, 任何人都包括我, 都吾會諗到佢係臥底。 “拿拿聲, 妁左個客三點係中環“ 佢以一個salesman既口吻同我講。  “你對上一份工個老細搵我, 佢話你走左之後, 想搵我頂你個位喎“  我以一派淡定語氣問。 佢聽完後, 依舊繼續食野, 我預期既反應, 包括錯愕,意外, 擔心, 完全睇吾到,令到我知道呢幾年既生活, 佢已經練成喜怒不形於色既反應。 “你結婚未?“ 佢突然問左句。 “出年三月, 岩先影完結婚相“ 我話。 順手係銀包內拎張相比佢。 “大嫂好愛你喎!“ 佢只係喵左張相一眼。 “ok 啦, 你女友呢?" 我記得佢銀包都曾經有個女仔既相. "吾係度好耐啦" 佢依舊低頭, 今次係覆MESSAGE. 我不其然愕左然, 因為佢係話"吾係度好耐", 而吾係"分左手好耐". 而我依舊feel 吾到佢有情緒波動. 憑佢呢一句, 我知道, 因為呢份工, 無論佢,定係佢身邊既人,都付出左d野. "搵日探下佢" 我輕吸一口氣答。 我作為佢親大佬, 竟然要憑借對一個死人既慰藉而去了解自己細路既內心世界. 係呢一刻. 我深深感受到佢既痛苦. 佢一聽到我講呢句, 手上既動作停左一秒. 之後講左句 "有心". 又再繼續手上回覆緊既MESSAGE 個一刻, 我好感歎, 感歎一個人究竟要經歷過d咩, 先會令到佢對身邊重要既人既感覺隱藏得甘深。我認真想同佢講, " 吾好做啦, 番出黎啦" 但係, 以我識既佢, 係吾會半途放棄。 所以, 我只係講左句, "阿媽叫你多d番去飲湯“ 暗地裏即係我繼續認同佢所做既野, 但係亦希望佢吾好忘記親情。  佢聽完後無出聲, 只係講左句, “*我不入地獄,誰入地獄?“ “地獄不空, 誓不成佛?“ 我問。 “眾生渡盡, 方證菩提。“ 佢話。睇得出, 佢對呢份工作既執著。 由佢講出地藏王既名句, 我已經知佢吾讚成我做臥底既事。  最後, 我臨走埋單, 我同佢講“ 萬事小心“。 佢笑住話“ 定d黎,從來只有我擔心人, 無人擔心我“。 估吾到,呢一句, 就係最後一句聽到佢講既說話。    *我不入地獄,誰入地獄 --- 地藏王曾發下宏願說:「我自今日起,要盡我未來的時日,來經歷不可計算的劫數,
為受苦的六道眾生,廣設方便之計策,使眾生全部都能脫解罪惡,不再受各種地獄之苦後,我自己才要成佛上
天」。民間流傳著一句悲天憫人的話「我不入地獄,誰入地獄」,正是地藏王菩薩的寫照。           
已有 0 人追稿