學堂沒有教我的東西: 學堂沒有教我的東西 16 交易

學堂沒有教我的東西  16   交易  停屍間內， 企左3個人， 一個係我， 一個係法醫， 另一個係年妁45歲著西裝既男人。 

由西裝質料去判斷， 佢絕對屬於管理層， 加上佢既站姿， 睇得出佢係年青時受過嚴格既紀律訓練。

" 身體總共28處傷痕， 4處骨折， 3處刀傷。 全部都非致命既“, 法醫檢驗完後, 一路除手套一路講。

“甘死因係?“ 西裝男人問。 

“應該係失血過多。“ 法醫稍微停頓一下，

"但係正常人無可能係甘多傷口之下， 支持到甘耐。

“ 法醫除低眼鏡沉思之後答。

“吾該哂你“ 西裝男知道答案後 ， 立即下逐客令。

“詳細報告下星期有， 有咩問題可以打比我。

“ 法醫亦好識做甘準備離開， 好明顯佢地係識既。

淨低我兩個人， 我圍住手術台行左個圈， 

仔細甘睇一次所有既傷口， 嘗試將法醫既報告同我對人體既知識融合。 

“ 兇手有2個， 一個擅長用刀， 5呎2至5呎4, 

另一個係徒手， 介乎5呎6至5呎8。應該有180-200磅。 吾排除外國人。 

"我想要呢兩個人既料“ 我將視線由細路身上移到西裝男人身上。 

由西裝男企係度個刻我已經知， 佢係唯一知道我細路身份既人， 

加上佢既神態同埋與法醫既熟絡程度。我有九成肯定佢係我細路單case既長官。

所以， 我直接問佢拎兇手既資料。我相信以佢既職級， 要搵邊個同我細路既死有關一d都吾難。

“雖然你係陳國華阿哥， 但係基於保密理由， 我吾可以透露任何資料比你“ 西裝男以一副官腔答我。 

“ 甘你...請便“ 我既理智話比我知道佢係有求於我，否則係法醫走既時候佢都應該走左。 

"我姓黎， 係你細路既*handelling officer。“西裝男人以一副平靜既

口吻回答， 同一時間， 佢亦拎左張warrent card出黎。

“我無興趣知你貴姓“ 我望左一眼， 得知佢係一個總督察。 

***當一個人開始向你介紹自己時， 亦都係佢有求於你之時。*** 

“ 陳國華係一個禮拜前打過比我， 話有野會交比我， 佢有無向你提過。“ 黎sir開門見山問。 果然， 天下烏鴉一樣黑。 

“無！" 我㩒住心入面既怒火， 好決絕甘回答佢。 

“你諗真d, 呢樣野對單案好重要。“ 佢既態度令我相當反感。 

"請你離開， 我想靜下“ 我忍住爆發既衝動。 

“你認真諗下， 萬事有商量“ 臨走前， 佢都不忘開個條件出黎。 意

思係：只要你有我想要既野， 我可以比齊你需要既資料你報仇。 

我忍住想殺人既衝動， 係佢掩埋門個刻， 我喊左出黎。 

*handelling officer --- 每個臥底都會有一個直屬上司監察其工作進度.