學堂沒有教我的東西: 學堂沒有教我的東西  37 營救

學堂沒有教我的東西  37   營救 





  戰場上，對敵人仁慈， 往往係自殺既行為， 我一見對方倒地， 左膝已經毫不猶疑地跪落去！ 兩處既傷口應該令對方連起身都無力， 而呢個時候， 就係我施以酷刑時機。 我將對方既左手尾指包係掌心， 輕輕一轉身，對方就已經發出哀嚎，係深夜既公路上， 格外 淒厲.... 要施酷刑， 係因為對方要開車走的話， 我一定追吾上， 所以我故意虐待對方既同伴， 令佢 產生營救既心理。 所以， 戰場上， 死，並不可怕， 可怕係受傷， 因為傷兵， 會做成負累， 負累你健全既同 伴， 而如果你連出生入死既同伴都放棄的話， 相信，你都好難再融入所屬既團體。 ‘‘停手！“ 果然， 當第三隻手指都斷左既時候，van仔既門打開左， 一個黑衫既男人向我 大叫。 我見目的已達， 放開對方已經變成怪異角度既手指， 而倒地既佢， 已經痛到咀唇發白， 滿身抖震... 面前既男人， 望一望倒地既同伴， 見仲有呼吸， 原本焦急既神態，亦都一緩。 “能夠甘短時間打低阿斗，睇黎你吾係普通人。“ 黑衣男將上衫除低， 露出一個健碩既上背，  發達既斜方肌， 係現代科學，係判斷一個人上身打擊力既重要指標。 “原果你以為我同阿斗一樣， 你會死得好慘“. 黑衣男指一指地上既男人。 並開始擺動膊頭。  下意識話我知， 對方係玩西洋拳既。 “打蠃你， 我衫都吾使除“ 我露出輕佻既眼神。 ********************************************************************** “打人如走路“ 師傅一句， “打人如走路“ 我一句。 “ 看人如蒿草“ 師傅又一句， “師傅， 咩叫看人如蒿草?“ 十六歲既我對中文既理解仲係好有限。 “蒿草， 一種野外常見既植物， 成年既有一個人甘高“ 師傅話。 “甘蒿草有咩好睇呢“ 我問。 “ 有見過打風嗎?“ 師傅並無直接答我。 “有“ 我口快快甘答。 “有無見打風會吹斷草?“ 師傅問。 “下? 甘又好似無喎“ 我腦海中幻想打大風既情況。 “看人如蒿草有多層意思， 而家既你， 可以理解為戰術上渺視對方， 戰略上重視對方。“ “心理質素， 好影響臨陣發揮， 能夠係心理上打擊對手，你已經成功一半。 “而拔草， 必由根拔起， 意即拔起對方既重心， 亦必由下而上， 擋者披靡。“ ************************************************************************** 回憶既片段閃眼即過, 瞬間, 已經拳風揍面,  第一拳, 已到!