學堂沒有教我的東西: 學堂沒有教我的東西 44 真諦

學堂沒有教我的東西   44  真諦            二十年武術訓練, 帶比我既, 並吾係打遍天下無敵手, 反而係提昇左自身既條件, 無論係思考, 判斷, 觸覺, 反應, 都有一個質量既提昇, 呢樣先係武術既真正意義. 中國傳統武術到今日接近完全式微, 其中一個例子係西方思想既介入, 打破中國人一直以黎, 天人合一既思考方式. 最簡單既例子就係飯桌上面, 二千年黎, 只係靠兩枝木條, 上至滿漢全席, 下至街邊魚旦粉. 訓練既, 係個人技巧, 放係武術上, 就係功力既訓練. 寸d講句, 可以單手食到野, 點解要用雙手呢? 而西方思考, 就係用最簡單既技巧, 配合一億個方法黎使用. 係餐桌上, 只要你識揸刀, 由餐刀開始, 牛油刀, 面包刀, 前菜刀, 主刀, 全部要既技巧都係一樣, 做就既, 係普及性, 因為需要既腦力要求相對較小. 所以, 真正既武術, 可能一個下午已經講完所有野, 但係, 就花去你一世既時間去訓練. 單一套五行拳, 各門各派都有, 但要練到過關, 亦即" 五行順一氣" 既地步, 到現時為止, 我都仲未見過. 好多人練一兩個月就話精通五行拳, 情況就如小朋友話自己讀哂書一樣. 其實, 只係讀左幼稚園既一科英文... 五行, 其實講緊五種用勁既方法, 當你可以清楚明白自己, 同對方用既係邊種勁, 先合乎最低要求,但係明, 吾等同識用, 亦吾等於能夠係任何情況用, 所以就要練, 練到點呢, 用筷子既比喻, 用到夾豆又得, 夾起隻雞又得, 夾海參都得, 甘, 你就可以達到前人所講, 即"明勁" 階段,