學堂沒有教我的東西: 學堂沒有教我的東西 46 大佬

學堂沒有教我的東西   46   大佬

         一見吾係郭教授開門， 已心知不妙， 仲要話老細想見我， 可以估到， 應該就係派人擄走chole既幕後黑手！ ＂立刻準備車， 我背後既女仔要立即送 去醫院！＂ “please let me handle miss kwok" 金髮美女報以一句簡單既回覆。 我不動聲色甘再次步入客廳， 廳內 已有三個人， 兩個年約28歲既青年人， 一個金色短髮， 好深既輪廓，一望而知 係北歐人， 另外一個就黃皮膚黑頭髮， 典型亞洲面孔，  從佢兩人站立既距離，角度，推測， 都係以佢兩個人中間既一人為中心， 而我既目光， 亦停留係對方身上， 一個年約55歲既中年男人， 身穿一套合身既深藍 西裝， 一頭既白髮令佢望上去比同年紀既人多左份 滄桑，雖然佢戴住一副中式既墨鏡， 但比我既壓迫 感並無減少，一種只有長期處於上位既人先有既氣 勢令我不得不低頭避開對方既視線。 但係, 心中既怒火, 已經想爆出黎, 係任何情況下, 情緒既起伏, 係致命既, 你睇酒吧夜晚甘多醉酒鬧事, 都係吾能夠控制情緒既結果. 多年既訓練, 令我知道, 吾能夠控制自己, 幾好打都無用, 而控制既第一步, 就係情緒. 所以, 我輕吸一口氣,  就已經調節好我既情緒 “啪，啪“ 兩聲清趣既掌聲由中年人手上嚮起 “後生可畏， 甘既情況都吾發嬲， 你倆兄弟都幾 忍得， 阿ROY, 學下啦“ 中年人後半句對住身後 既亞洲青年話。 “係“ 阿ROY 應左一聲， 但佢手上既筋抽左一下 令我知道， 呢個阿ROY ,都係好勝之人。 但更加令我防範既， 係面前呢個中年人， 一句 說話， 包含挑釁，試探， 激將 而更重要既係， 我竟然聽到佢講我細佬！