簡介

佩服大陸女人



銀行職員︰下一位。
 
新移民女士︰我想開銀行戶口。
 
銀行職員︰呢份煤氣單唔得喎,有冇文件可以提供到你嘅住址?
 
新移民女士︰呢個咪証明左個住址囉,又唔得?
 
銀行職員︰唔得呀,份文件個名唔係你。
 


新移民女士︰身份證得唔得呀?身份證都唔得?
 
銀行職員︰係要一份住址証明嘅文件。
 
新移民女士︰咁點呀?間間銀行都唔得﹗咁份煤氣單係我老公架嘛,我老公都唔得?
 
銀行職員︰或者你返去囉份結婚證書,再叫你老公身份証副本同出封信。
 
新移民女士︰我就係唔想俾佢知嘛,咁樣佢咪知道。
 


銀行職員︰真係無法。
 
排隊中人︰快D啦,趕住返工司呀。
 
新移民女士︰趕就早D黎排隊啦,我問梗野,自己要早走就唔好食晏,早D黎。
 
排隊中人︰咁你無文件嘛,問極都攪唔到架啦。唔等喇,阻住地球轉。
 
新移民女士︰開個戶口都咁麻煩,有冇攪錯。我叫個仔黎開得唔得呀?
 


銀行職員︰得。
 
新移民女士︰咁我叫佢黎開,又要乜文件呀?
 
銀行職員︰佢幾多歲?
 
新移民女士︰八歲。
 
銀行職員︰咁都要叫佢爸爸黎。
 
新移民女士︰係咪叫佢爸爸黎就得?
 
銀移職員︰係,不過你個仔嘅爸爸即係你老公,頭先講左,都係要佢嘅文件。
 
新移民女士︰個仔唔係我老公?得唔得呀?嘛鬼嘛!


 
(全場都忍俊不已,人人向她注目,那銀行職員專業地保持笑容,只是她的笑容比之前更加燦爛。)