女人俱樂部 – 缺失了的愛情故事: 各散東西

我們尋遍了整個舞室也沒有看見lorelei, 心想會否爬出了門口,故準備外出分頭搜索。
啪! 在我們陷入極度驚慌的一刻, 舞室的門打開了。開門踏進舞室的是朱莉。
"你地做咩個樣好似咁驚既？" 朱莉瞪起迷人的雙眼問。
一時間我們著實答不出什麼說話來, 也掩飾不了緊張的面容。
遍尋不獲, Lorelei是真的不見了。
“你地呃喎!”朱莉的聲音變得沙啞, 晶瑩剔透卻充滿怨恨失望的淚水劃過她雪白的臉龐。 “我對你地好失望。”
“對唔住呀朱莉……” 除了這句說話, 再沒有任何句子在這刻用得上。
“喎知道呀, 我知道你地個個都會走, 個個都有晒計劃, 你地會去外國讀書, 會繼續跳舞, 會去做空姐, 個個都有晒美好既前途咁喎呢! 我冇呀, 我咩都冇呀! 你地話咩永遠一齊都假既, 幫我照顧LORELEI都係假既, 你地根本有晒計劃冇諗住理我同埋lorelei!”
“朱莉, 唔係咁架……”內疚的我說。
“其實我冇資格怪你地, 因為lorelei係我生出黎既, 佢係我既女, 完全唔關你地事。祝你地前程錦繡。”淚水又再破眼而出。


朱莉離去, 我們想跟上。 “唔好跟住我呀!”我們停下。
“朱莉好嬲呀,咁點算好呀?”慌張的cyndi問。我們不知道。
  如果命裡早注定分手, 無需為我假意挽留, 如果情是永恆不朽, 怎會分手……
  這一別之後,就再沒碰過那動人的朱莉。連小吱喳,珍妮,CYNDI,肥菜, 我們也沒有見面。也許是生活忙碌, 也許, 是因為彼此都心存悔疚, 覺得自己是做錯了, 覺得對不起自己的好朋友, 故沒有面目再相見。
一段友情, 縱使再堅固, 只要對其中一方犯下彌天大錯, 就會換來深深的裂痕。這就是親情和友情的分別。
 
愛在深秋https://www.youtube.com/watch?v=9mJnvgk2lmc