美國佬的衝擊 ，異能の抗爭: 第二章

2020年 9月9日 00：00 am
荃灣華人永遠墳場

一個年約二十二的少年，帶上一束鮮花，走到一座無名的墓碑前，他渾身散發著陰沉沉的氣息，令這場面更添哀傷。

「阿光，我黎左探你阿，我無忘記到兩年前既今日，好彩你及時打電話通知我，如果唔係我都冇機會企係呢到，你放心，自從繼承左你既異能之後，我已經完全操控到，今日我一定會幫你報呢個仇！」我眼裡的紅筋暴現，卻不禁回想起兩年前的事…
__________________________________________

2018年 9月9日 22:00 pm
荃灣屠宰場





  這個時份，屠夫全都下了班，但在屠場裡仍然有一伙身穿高貴西裝的人和一隻成年黃牛，但其中一人被綑綁起來，身上滿佈傷痕。

  「吽！」突然間，黃牛發出悽厲的哀號，眼泛淚光，短短一秒鐘的時間，牠全身堅韌的皮膚如戲法般被切下來，血水不斷湧現，最後挨不住煎熬，整個躺下，死不瞑目。

  「嘿嘿！嗱！光少，識趣既就快啲交出洛風既下落，如果唔係…哼！你既下場將會慘過呢隻牛！」一把奸詐的聲音響遍整個屠場。

  「就算你用狂刃將我凌遲，我都唔會供我唯一既兄弟出黎…你地呢班強國既走狗根本無資格自稱神族…」光仔有氣無力的道。

  「依情況，阿光應該受左唔少折磨…我一定要諗辦法營救佢。」暗角裡有位黑衣人，而此人正正就是我！仇烙風！





  「居然夠膽褻瀆神靈？你呢個異能叛徒，睇黎你都係比較鐘意訓棺材，好！我就成全你！不過咁，本神岩岩勾勒左一件藝術品，就有啲攰，等我品嚐埋呢隻「牛生」再慢慢同你玩，嘿嘿。咁多位神，麻煩祢地。」

  話畢，一堆自稱「神」的人飛快地接近阿光，瞬間把他所有骨骼硬生生折斷！

  「唔！」光仔強忍痛楚，但他的神經線已經發出支撐不住的訊號，全身劇烈的震抖，口鼻的唾液不受控地流出，此刻的阿光活像一條軟皮蛇。

  「哇！呢隻牛真係唔講得笑，果種質感唔識形容，總之就啫啫聲！爽阿！」把牛屠殺後就立刻食用，可見這所謂神族處事手法的卑劣。

  「光少，我都係依神規辦事，若然你咁堅持原則既話我都吹你唔漲，主神有令就生要見人，死要見屍。不過咁樣做實在太老土，做左我都打冷震。咁啦，本身仲諗住同你玩多陣，但係我份人最欣賞既就係你呢種重情義！寧死不屈既精神！今次就放你一馬，記住本神既大名，我叫迦馬。有緣再見啦，嘿嘿！我地走。」迦馬帶着手下大搖大擺的離去。





  此時我立刻跑到阿光身邊，剛剛手無寸鐵的我根本無法救出他，現在只能把他抬到醫院急救！

  「烙風…我知你想點…不過已經冇可能架勒…你唯一可以幫到我既…就係繼承我既異能…」阿光的身體被扭曲到不似人形，我卻只能發呆的看著他。

  「異能？點解你會俾人追殺？同埋點解佢地要搵我？」我逼不及待的追問，因為我知道阿光已經命不久矣。

「仲記唔記得我地以前孤兒院既生活…搵番院長…我解釋唔到咁多…將你額頭貼住我額頭…我依家要將異能既力量傳哂俾你…」

  我不敢怠慢，馬上做出他命令的動作，頓時腦部劇痛！

  「唔好縮…男人老狗…怕痛正衰仔！」

  這是阿光最後的遺言…





  我亦因為腦袋超負荷而暈倒…
＿＿＿＿＿＿＿＿＿＿＿＿＿＿＿＿＿＿＿
兩位作家很用心地寫，為的只有你們一句批評