美國佬的衝擊 ，異能の抗爭: 第四章

2018年9月19日 18：00 pm  地點不明

  我用力的把眼皮下的肌肉喚醒，雙眼就像被白膠漿黏上似的。

  醒來後腦袋搖搖欲墜，六神無主，難道我被灌藥了？由於多年來的生活模式都只能依靠自己，陰謀論早已腐蝕了思維，所以立刻把場景分析得仔細無違。

  「我訓緊係木板床，右邊床頭有個櫃，櫃頂有把生果刀，左手邊牆上面有個急救箱，前方只有一幅牆，門口唔係我視線範圍之內…」

  雙腿軟弱無力，但恐懼感使然，逼不得已下床拐著走動，轉角輕輕推動房門，只留一條空隙觀察四周，但卻是了無人煙。





  頭部忽然又劇痛！眼前一黑，不受控地倒帶過往夢魘般生活的片段，但最後…是我一生人最快樂的回憶…

  那是孤兒院裡的生活。

＿＿＿＿＿＿＿＿＿＿＿＿＿＿＿＿＿＿

2004年 9月1日 14：00pm  某孤兒院鄰近的遊樂場

  「嘻嘻~哈哈！」一個宏大的遊樂場裡充滿著小孩嬉戲的歡笑聲。有的踢足球，有的玩滑梯，有的捉迷藏，場面好不歡欣。





  只有我和阿光安靜的坐在旁邊的板凳上聊起天來：「阿光，其實你有乜野夢想架？」那時年僅六歲的我已經比一般人思考得更多。

  「我要做超人！打低哂啲壞人同怪獸！咁你呢風仔？」阿光當時只有七歲。

  「我？我要做特首！保護呢個咁靚既城市！」童言無忌，即使是多麽天馬行空的夢話，也有希望實現的一刻。

  「傻啦，計我話梗係有番一招半式既超能力啦，到時全世界得我一個有！哈哈，幾威！」突如其來的答案打亂了我倆的思緒。

  「阿光，佢係你朋友？」「唔係阿風仔，佢似係你朋友多啲喎。」





  「哈哈唔好意思，自我介紹！我叫太叔巴，太叔巴個太，太叔巴個叔，太叔巴個巴！朋友個個都叫我做阿巴！嘻嘻，好高興認識你地阿！」

  從他豁達開朗的性格得知…他是個不尋常的大白痴…
 
  阿光說：「我地都好高興認識你阿，阿巴。我地不如一齊去玩韆鞦丫？」我和阿巴異口同聲道：「好阿！」
 
  三人就這樣興致勃勃的玩了一整個下午。

  而我腦海裡的追憶亦到此為止，劇痛亦隨之褪去。
＿＿＿＿＿＿＿＿＿＿＿＿＿＿＿＿＿＿
 
  日期 時間 地點  不明

  “睜開眼，現實似夢幻。帶動情感，迴響，淡淡…”





  這段歌詞和我身在的處境簡直一模一樣。

  張開眼，周邊綠悠悠的風景取替了剛才在回憶碎片中的黑暗，頓時令我舒了一口氣。

  背後感到不尋常的腳步，轉身一看再聚焦到他身上。

  「歡迎你番黎阿風仔。」一把雄厚的聲線快要把我的耳膜貫穿。

  「你係…？」感覺似曾相識，但總是想不起他是誰。

  「我係孤兒院院長阿，你冇理由唔記得我架喎風仔，雖然你離開左呢度十幾年…」院長擺出一副懊惱但不乏搞鬼的笑容。

  「孤兒院院長？你係…添叔？」我顫抖，眼眶再也留不住淚水的別離，大大顆的掉到地上。

  「係阿哈哈！好耐冇見，呢十幾年生活成點？」添叔慢步迎近我，打開雙手作擁抱狀。





  我急步上前投入他的懷抱中，那是我多年缺乏的安全感，一一都從添叔身上找回來了。

  「好好阿…係呢…點解我會黎左呢度既？」我努力抑壓著幼稚的哭聲。

  「成件事唔係咁簡單就解釋到，同你講下政治先，知唔知點解香港仲未淪陷？」添叔一轉語氣，而我卻搖搖頭作回應。

  添叔續道：「美國依家可以話係世界上最有勢力既強國，咁係因為佢地暗地裡培育左一大批科學怪人，而呢班怪人既力量都遠遠超出常人既認知，佢地自稱“神族”，當中有一部份人更加係香港人。」

  「而我地身上流住純淨血統既香港人，人人都有異能既潛質，問題係識唔識控制，美國知道香港人唔係咁易對付，所以都唔夠膽輕舉妄動攻打我地。」

  「以下落黎我講既野可能好荒謬，但亦都係事實， 表面上，呢度係孤兒院，我係院長。事實上，呢度係異能者既集中地！」