黑與白的相戀: 5.炭的温暖

點解雪兒會來?應該只有佢最清楚
而我知道既係我同雪兒唔再係陌生人既關係
(再見陌生人)

STAGE自修室
我同雪兒係到等電梯既期間
感覺到四周圍有無數眼睛望住雪兒,而且帶D咸濕既眼光
最西利既係,佢好似可以完全無視依d眼光
面上一直保持好cool既表情
進入自修室既時候,我幫雪兒開門(係男仔都應該幫女仔開門)


當佢經過我身邊既時候,我見到佢面上有小小既腮紅
佢化左妝?唔係 依種腮紅好自然,應該係自修室有d凍既原因
我地揀左個靠窗既坐位,因為果到冷氣冇咁西利
坐地之後我地冇講野,直接開始温書(搵咩唔重要)

温左大約半個中
突然面前出現左一張我好熟悉既纸
冇錯~係對話紙(Whatapps版),我既心情突然感到無比既興奮

雪兒:我有題數唔識,教我。


我望左一望雪兒佢原來做緊M2
我:Ok啊~ 不過淨係用纸寫出來好難教,不如我直接教妳?
我將張纸晾係個玻璃到,等張紙自己sir到雪兒果邊
我望住雪兒~等待佢既回覆
見到佢輕輕地點頭
我就將張櫈泊去佢到,兩個人既距離變到好近
我：依題係感做，首先........

係教雪兒既期間,我發現佢不時會打冷震
自修室冷氣真係好凍


於是我將身上面既毛外套被落佢身上
雪兒望左一望我,又即刻望番本M2書
我見到佢耳仔開始變紅,就笑左一笑(原來冰天使都會怕羞)

雪兒披左我外套後,明顯暖左D
之後,我諗到D野,即刻9秒9衝左出自修室
唔洗10分鐘我就番番來,手上拎住M記熱朱古力
雪兒見到我既行為有D不知所措
因為放係佢面前既M記熱朱古力除左俾到温暖,更溶化左佢既心
雪兒飲左一啖,用仲有D朱古力泡沫既嘴唇向我笑左下
依一個笑令我個心停左一下,好似一股電流通過左我身體
我此刻知道,我愛上左一個女仔-方雪兒
面對愛情既瞬間加速,雪與炭有咩反應?
待續......