呢個暑假特別忙,我地要買日用品,又要入城面試。由尖沙咀坐熱狗巴到大角咀,去到大同新村搵路,點知又坐錯車,搞左兩個鐘先誤打誤撞咁搵到間中學。間中學仲大過我地村間觀光酒店,有成三棟樓,每棟足足有成四層樓高。有運動場,足球場,仲有幾個花園仔,簡直置身天堂!呢個時候我先覺得免費教育真係幾咁好。

我順道問老師長盛中學係邊,呢個時候我地先知奇雲間學校係觀塘,但係果陣交通唔方便,又唔識路,所以我地決定第日先再搵佢地。

返到漁村,我地特意搞個聯班活動,去沙灘同燒烤。其實最主要都係想見到呀花一面。

佢係隔離班既學生,因為呢個時候既香港,男仔同女仔係分班,只可以係樓梯碰面個陣偷偷地咁索一索佢地女仔獨特既香氣,所以冇咩機會認識到女仔。

而陳展同佢地班女仔有來往,所以我就叫佢幫我打聽佢報讀邊間學校,等我係bbq果日可以借題發揮。





-----------

"唉呀東,想溝女洗咩搞咁多野呀,等我教精你啦,溝女最緊要單刀直入!"

"又唔見你直入到嘉儀?"嘉儀係陳展一直以黎既暗戀對象。

"..."

"…"





"…"

"我想溝到女。"

"我夠係..."

我地坐係沙灘,夕陽既紅光照耀沙粒反射出既光好刺眼,睇住?哥哥姐姐係度嬉水,突然倍感寂寞。

呀花對我黎講就好似仙女下凡咁,永遠都唔會睇得上我呢?凡夫俗子...





"識女仔真係咁重要咩?"大強睇黎都係唔了解我地?少男情結。

我將手上既牛奶遞俾大強。

"等你飲多?牛奶,你就會覺得,人係應該飲人奶架啦。"
已有 0 人追稿